Categories: Gujarat

ATMનો ફોગટ ફેરો! ATM પર હલ્લાબોલ કરનારા નિરાશ થયા

અમદાવાદ: રૂ.પ૦૦ અને ૧૦૦૦ના દરની નોટ બંધ થવાની વડા પ્રધાન મોદીની જાહેરાત અને બે દિવસ એટીએમ સેન્ટર બંધ રહ્યા બાદ આજથી એટીએમ સેન્ટર શરૂ થવાની જાહેરાત થતાં જ લોકો એટીએમમાંથી પૈસા લેવા માટે વહેલી સવારથી એટીએમ સેન્ટર પર દોડ્યા હતા. પરંતુુ લોકોએ નિરાશ થઇ પરત ફરવું પડ્યું હતું. શહેરનાં અનેક એટીએમ સેન્ટર બંધ હતાં. જે એટીએમ સેન્ટર ખૂલ્યાં હતાં તેમાં લોકો પૈસા ઉપાડવાનો પ્રયત્ન કરતા હતા પરંતુ પૈસા ઉપડ્યા ન હતા. માત્ર રિસિપ્ટ નીકળતી હતી.

આજથી એટીએમ શરૂ થતાની સાથે જ મોર્નિંગ વોકમાં નીકળેલા લોકો સાથે એટીએમ કાર્ડ રૂપિયા ઉપાડવા ગયા હતા. પરંતુ એટીએમમાંથી પૈૈસા નીકળતા ન હતા. શહેરના મોટાભાગના એટીએમમાં રૂ.૧૦૦ કે પ૦૦ની તથા અન્ય કેશ ડિપોઝિટ થઇ ન હતી. અનેક એટીએમનાં શટર બંધ હતાં. અમુક સ્થળોએ જ્યાં કેશ ડિપોઝિટ મશીન પણ શરૂ થઇ ગયાં હતાં.બેન્કમાંં આજે પણ વહેલી સવારથી જ લાઇનો લાગી હતી. એટીએમમાં પૈસા ન નીકળતા લોકો ફરી બેન્કમાં પૈસા લેવા માટે લાઇનમાં લાગ્યા હતા. જે લોકોને બેન્કમાંથી પૈસા ઉપાડવા છે અને એટીએમ બંધ હતું જેથી ન ઉપાડી શકતા લોકો પણ આજે સવારે એટીએમમાં પૈસા ઉપાડવા જતા પૈસા ન મળતાં તેઓએ બેન્કની લાઇનમાં લાગી જવું પડ્યું હતું.

કેટલાક એટીએમ સેન્ટરો ઉપર તો લોકોએ હલ્લાબોલ કર્યો હતો. એટીએમનાં શટર બંધ હોઇ લોકોમાં રોષ જોવા મળ્યો હતો. જે એટીએમ ચાલુ હતા તેમાં કેશ ડિપોઝિટ ન હોવાથી એટીએમ સેન્ટરની બહાર લાંબી લાઇન લાગી હતી. વસ્ત્રાપુર માનસી ચાર રસ્તા નજીક બેન્ક ઓફ બરોડામાં લોકોને હોબાળો કરાતાં બેન્કનું શટર પાડી દેવાયંુ હતું. મોટાભાગના એટીએમની અંદર પ૦૦-૧૦૦૦ના દરની નોટ જ છે. ર૦૦૦ રૂપિયાની લિમિટ સેટ કરવા માટે જે સમય એટીએમ સેન્ટરમાં આપવો પડે તે હજુ સુધી ન થતાં પૈસા નીકળ્યા ન હતા.

એટીએમમાંથી આજે પૈસા ન નીકળતાં લોકોને હાલાકીનો સામનો કરવો પડી રહ્યો છે. ફરી એકવાર લોકોને પૈસા બેન્કમાંથી લેવા છે તેઓ બેન્કમાં લાઇનમાં ઊભા રહેવાની ફરજ પડી રહી છે.

આ અંગે મહાગુજરાત બેન્ક એમ્પ્લોઇઝ એસોસિયેશનના જનરલ સેક્રેટરી જનક રાવલના જણાવ્યા મુજબ સરકારે આજથી એટીએમ ખૂલશે તેવી જાહેરાત કરી હતી, પરંતુ શહેર સહિત રાજ્યભરનાં મોટા ભાગનાં એટીએમમાં જૂની રૂ.પ૦૦ અને ૧,૦૦૦ના દરની નોટો સામે નવી રૂ.પ૦૦ અને રૂ.ર,૦૦૦ની ચલણી નોટો ભરી શકાઇ નથી. આજ સવારથી જ બેન્કના કર્મચારીઓ સહિત એટીએમમાં નાણાં ભરવાનું કામ કરી એજન્સીઓ દ્વારા યુદ્ધના ધોરણે એટીએમમાં નવી ચલણી નોટો ભરવાનું કામ ચાલી રહ્યું છે એટલું જ નહીં, આ લખાઇ રહ્યું છે ત્યાં સુધી બેન્ક સત્તાવાળાઓ પણ કહી રહ્યા છે કે એટીએમ ક્યારે ચાલુ થશે તે અંગે હજુ કંઇ કહી શકાય તેમ નથી. તેમ છતાં આજ સાંજ સુધીમાં તમામ એટીએમ સેન્ટર ચાલુ થાય તેવી શક્યતાઓ જોવાઇ રહી છે.

તેમણે વધુમાં જણાવ્યું હતું કે સરકારનું પણ પ્રેશર છે તો બીજી બાજુ ચલણી નોટોના વ્યવહાર માટે સામાન્ય લોકોનો પણ આજ સવારથી એટીએમ સેન્ટર પર ભારે ધસારો જોવા મળી રહ્યો છે અને તેના કારણે લોકોની સગવડતા માટે એટીએમ સેન્ટર ઝડપથી શરૂ થાય તેવા પ્રયાસો થઇ રહ્યા છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

10 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

10 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

10 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

11 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

11 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

11 hours ago