Categories: World

વોશિંગ્ટનમાં સ્પીડ ટ્રેન પાટા પરથી ખસી જતાં 6ના મોત, 100થી વધુ ઘાયલ

અમેરિકાના વોશિંગ્ટન પ્રાંતના ડ્યૂ પોન્ટમાં એક ટ્રેન પાટા પરથી ઊતરી પડતાં ઓછામાં ઓછા છ લોકોનાં મોત થયાં છે અને અસંખ્ય લોકો ઘાયલ થયા છે. ઓવરપાસ પરથી પસાર થઇ રહેલ એમટ્રેક ટ્રેન પાટા પરથી નીચે ઊતરી જવાના કારણે આ દુર્ઘટના સર્જાઇ હતી. અધિકારીઓએ જણાવ્યું હતું કે એમટ્રેક પ્રવાસી ટ્રેન પોતાની પ્રથમ યાત્રાએ હતી. દુર્ઘટના એટલી ભયાનક હતી કે ટ્રેનનો એક ભાગ બ્રિજ પરથી પડીને નીચે હાઇવે પર ગબડી પડ્યો હતો.

પ્રારંભિક અહેવાલો અનુસાર આ દુર્ઘટનામાં કેટલાય લોકોનાં મોત થયાંની આશંકા વ્યક્ત કરવામાં આવી હતી. ફાયર બ્રિગેડના અધિકારીઓના જણાવ્યા પ્રમાણે આ દુર્ઘટનામાં ઘાયલ થયેલા ૧૦૦થી વધુ લોકોને સારવાર અર્થે નજીકની હોસ્પિટલમાં દાખલ કરાયા હતા. ઘાયલ થયેલા પ્રવાસીઓમાંથી કેટલાય લોકોની હાલત ગંભીર હોવાનું જણાવાય છે.

વોશિંગ્ટનમાં સીએટલથી લગભગ ૬૪ કિ.મી. દૂર આ દુર્ઘટના સ્થાનિક સમય પ્રમાણે સવારે ૮-૦૦ કલાકે ઘટી હતી. ટ્રેનના ડબાઓ ઓવરપાસ પરથી નીચેે ગબડતી વખતે હાઇવે પર પસાર થઇ રહેલી કેટલીયે ગાડીઓ તેની ઝપટમાં આવી ગઇ હતી. અકસ્માતનું કારણ હજુ સુધી જાણવા મળ્યું નથી.

સ્થાનિક શેરીફ કાર્યાલયના પ્રવક્તા એડ ટ્રોયરે જણાવ્યું હતું કે ટ્રેન પાટા પરથી ઊતરી જવાના કારણે કેટલાય લોકોનાં મોત થયાં છે, જોકે તેમણે મૃતકોની સંખ્યા જણાવી નહોતી. ટ્રેન પાટા પરથી નીચે ઊતરી ગયા બાદ કેટલાય પ્રવાસીઓને ટ્રેનની બારીઓ તોડીને બહાર કાઢવામાં આવ્યા હતા.

‌સીએટલથી પોર્ટલેન્ડ જતી પ૦૧ નંબરની આ એમટ્રેક ટ્રેનના ડબા ઓવરબ્રિજ પરથી નીચે ગબડતાં તેની ઝપટમાં નીચે હાઇવે પરથી પસાર થઇ રહેલ કે બે ટ્રક સહિત સાત વાહન આવી જતાં દુર્ઘટના ઘણી ભીષણ હતી અને નીચે ઝપટમાં આવેલાં વાહનોમાં મોજૂદ લોકોની હાલત અંગે હજુ કોઇ સમાચાર મળતા નથી.

અધિકારીઓએ જણાવ્યું હતું કે ટ્રેનના તમામ ડબાની તલાશી લેવામાં આવી હતી. તેમણે મૃતકોની સંખ્યામાં વધારો થવાની શક્યતાને નકારી કાઢી હતી. રેલવે યાત્રી ક્રિસ ક્રોન્સે જણાવ્યું હતું કે તે જે ડબામાં સવાર હતો તે ડબો નીચે લટકી ગયો હતો અને ટ્રેનના ઉપરના છાપરા પરથી પાણી પણ અંદર ઘૂસી ગયું હતું. અમે ઇમર્જન્સી વિન્ડો તોડીને બહાર આવ્યા હતા.

Navin Sharma

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

19 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

20 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

20 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

20 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

20 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

20 hours ago