Asia Cup: ભારતીય ટીમની જાહેરાત, વિરાટ કોહલીને અપાયો આરામ

ભારતીય ક્રિકેટ કંટ્રોલ બોર્ડ (બીસીસીઆઇ) દ્વારા સંયુક્ત અરબ અમીરાતમાં યોજાનારા એશિયા કપ માટે 16 સભ્યોની ટીમ ઇન્ડીયાનું એલાન કરી દેવામાં આવ્યું છે. ટીમ ઇન્ડીયાએ નિયમિત સુકાની વિરાટ કોહલીને આરામ આપ્યો છે અને તેની જગ્યાએ રોહિત શર્માની સુકાની પદ સોંપવામાં આવ્યું છે.

જ્યારે શિખર ધવન ટીમનો ઉપ-કપ્તાન રહેશે. ભારતીય ટીમમાં એશિયા કપ માટે યુવા ખેલાડી ખલીલ અહમદનો સમાવેશ કરાયો છે. જ્યારે અંબાતી રાયડુ અને કેદાર જાદવની ટીમમાં વાપસી થઇ છે. જ્યારે મનીષ પાંડે અને અક્ષર પટેલ ટીમમાં જગ્યા બનાવવામાં કામયાબ થયા છે.

જ્યારે પસંદગીકારોએ એશિયા કપ માટે મજબૂત બેટિંગ લાઇનઅપ પસંદ કરી છે. જેમાં રોહિત શર્મા, શિખર ધવનની સાથે કેએલ રાહુલ છે. જ્યારે મિડલ ઓર્ડરમાં અંબાતી રાયડુ, મનીષ પાંડે, કેદાર જાધવ, એમએસ ધોની અને દિનેશ કાર્તિક હશે. જ્યારે ટીમમાં ઓલરાઉન્ડર તરીકે હાર્દિક પંડયાનો સમાવેશ કરવામાં આવ્યો છે.

જ્યારે ટીમનું ફાસ્ટ બોલિંગ આક્રમણ ભુવનેશ્વર કુમાર, જસપ્રીત બુમરાહ, શાર્દુલ ઠાકુર તેમજ ખલીલ અહમદ પટેલ સંભાળશે. એશિયા કપનો પ્રારંભ 15 સપ્ટેમ્બરથી થશે.

એશિયા કપમાં ટીમ ઇન્ડિયા સહિત શ્રીલંકા, પાકિસ્તાન, બાંગ્લાદેશ, અફઘાનિસ્તાન તેમજ એક ક્વોલિફાયર ટીમ જોવા મળશે.ભારત-પાકિસ્તાન વચ્ચે 19 સપ્ટેમ્બરના રોજ મેચ રમાશે.

ભારતીય ટીમ : રોહિત શર્મા (સુકાની), શિખર ધવન (ઉપ-સુકાની), કેએલ રાહુલ, અંબાતી રાયડુ, મનીષ પાંડે, કેદાર જાધવ, એમએસ ધોની (વિકેટ કીપર), દિનેશ કાર્તિક, હાર્દિક પંડયા, અક્ષર પટેલ, કુલદીપ યાદવ, યજુવેન્દ્ર ચહલ, ભુવનેશ્વરકુમાર, જસપ્રીત બુમરાહ, શાર્દુલ ઠાકુર અને ખલીલ અહમદ

You might also like