Categories: India

અરુણાચલના રાજ્યપાલને પાઠવેલી નોટિસ સુપ્રીમ કોર્ટે પાછી ખેંચી લીધી

નવી દિલ્હી : પૂર્વોત્તર રાજ્ય અરુણાચલ પ્રદેશમાં રાષ્ટ્રપતિ શાસન લાદવામાં આવ્યું તેને પડકારતી એક અરજી પર રાજ્યના રાજ્યપાલ જ્યોતિપ્રસાદ રાજખોવાને પાઠવેલી નોટિસ આજે સુપ્રીમ કોર્ટે પોતાની ભૂલ ગણાવીને પાછી ખેંચી લીધી હતી. કેન્દ્ર સરકારે સુપ્રીમ કોર્ટના વર્ષ ૨૦૦૬ના ચુકાદાને રજૂ કર્યો તે પછી કોર્ટની પાંચ જજોની બંધારણ બેંચે નોટિસ પાછી ખેંચી લીધી હતી.  ૨૦૦૬ના ચુકાદામાં ઠેરવાયું હતું કે રાજ્યપાલને અદાલતી પ્રક્રિયામાં સંપૂર્ણ મુક્તિ હોય છે.

જોકે,  રાષ્ટ્રપતિ શાસન સામે અરુણાચલ પ્રદેશના પૂર્વ મુખ્યમંત્રી નબામ તુકીની નવેસરની અરજી પર સુપ્રીમે કેન્દ્ર સરકારને નોટિસ જારી કરી હતી. જસ્ટિસ જે એસ શેખરે જણાવ્યું હતું,’તે (નોટિસ જારી કરવાની) અમારી ભૂલ છે. અમે પ્રતિવાદી નં.૨ (રાજ્યપાલ)ને જારી કરવામાં આવેલી નોટિસ પાછી ખેંચવાનું યોગ્ય અને ન્યાયી માનીએ છીએ.

‘અગાઉ કોંગ્રેસશાસિત રાજ્યમાં રાષ્ટ્રપતિ શાસન લાદવાની ભલામણ કરતો રાજ્યપાલ રાજખોવાનો અહેવાલ તથા તે પછી રાષ્ટ્રપતિ દ્વારા જીઝ્ર મંજૂરીને પડકારતી કોંગ્રેસની અરજી અંગે કેન્દ્ર સરકારે શુક્રવારે સુપ્રીમમાં તેનો જવાબ રજૂ કર્યો હતો. અરુણાચલ વિધાનસભાના કોંગ્રેસના મુખ્ય દંડક રાજેશ ટાકોએ દાખલ કરેલી અરજી પર કોર્ટની બંધારણ બેંચે ૨૭મી જાન્યુઆરીએ આપેલા આદેશના પાલનમાં કેન્દ્ર સરકારે તેનો જવાબ રજૂ કર્યો હતો.

સરકારે તેનો જવાબ સુપ્રીમ કોર્ટના રજીસ્ટ્રી વિભાગમાં સુપરત કર્યો હતો.૨૭ જાન્યુઆરીએ એટર્ની જનરલ મુકુલ રોહતગીએ કોર્ટને જણાવ્યું હતું કે અરુણાચલ પ્રદેશમાં રાષ્ટ્રપતિ શાસન લાદવાનો નિર્ણય લેતી વખતે કેન્દ્ર સરકારે રાજ્યપાલના અહેવાલ અને અન્ય માહિતી પર આધાર રાખ્યો હતો.  રાજખોવાએ ૨૮મી જાન્યુઆરીએ પૂર્વોતર રાજ્યમાં પ્રવર્તતી રાજકીય કટોકટી અંગે કેન્દ્ર સરકારને આપેલો પોતાનો રિપોર્ટ સુપ્રીમ કોર્ટને સીલબંધ કવરમાં સુપરત કર્યો હતો. તેમાં એકમાં તેમણે રાજ્યમાં રાષ્ટ્રપતિ શાસન લાદવાની પણ ભલામણ કરી હતી.

Navin Sharma

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

2 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

3 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

4 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

6 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

7 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

7 hours ago