હાર્દિકનાં આમરણાંત ઉપવાસનાં સમર્થનમાં 50થી વધુ પાટીદારોએ કરાવ્યું મુંડન

અરવલ્લી જિલ્લાનાં બાયડ તાલુકાનાં તેનપુર ગામમાં હાર્દિકનાં સમર્થનમાં પ્રતિક ઉપવાસ યોજાયાં. ઉપવાસ આંદોલનમાં 50થી વધુ પાટીદારોએ મુંડન કરાવ્યું છે. પ્રતીક ઉપવાસમાં પાસનાં કાર્યકરો જોડાયાં છે. આ સિવાય બીજી બાજુ હાર્દિક પટેલ આમરણાંત ઉપવાસ પર છે.

ત્યારે ભાવનગરનાં બુધેલમાં હાર્દિક પટેલનાં સમર્થનમાં પાસ કન્વીનર નીતિન ઘેલાણીનાં ઘરે પણ 100થી વધુ લોકો ઉપવાસમાં જોડાયાં હતાં અને 5 યુવકોએ હાર્દિકનાં સમર્થનમાં મુંડન કરાવ્યું હતું. તો તળાજાનાં ધારાસભ્ય કનુભાઈ બારૈયા પણ ત્યાં હાજર રહ્યાં હતાં અને સરકાર પર આકરા પ્રહાર કર્યા હતાં અને હાર્દિક માત્ર અનામત આંદોલન માટે જ નહીં પરંતુ ખેડૂતોનાં હિત માટે લડી રહ્યો હોવાનું જણાવ્યું હતું.

ઉલ્લેખનીય છે કે પાટીદારોને અનામત અને ખેડૂતોની દેવા માફી મુદ્દે પાટીદાર અનામત આંદોલન સમિતીનાં કન્વીનર હાર્દિક પટેલ છેલ્લાં 11 દિવસથી આમરણાંત ઉપવાસ પર છે. ત્યારે હાર્દિક પટેલ વૈષ્ણોદેવી ગ્રીનવૂડસ પાસે આવેલા પોતાનાં છત્રપતિ નિવાસમાં ઉપવાસ કરી રહેલ છે.

હાર્દિક પટેલ સતત 11 દિવસથી આમરણાંત ઉપવાસ આંદોલન પર છે. ત્યારે છેલ્લાં કેટલાંય દિવસથી હાર્દિકનાં ઘરે મોટી સંખ્યામાં તેનાં સમર્થકો ઉમટી રહ્યાં છે. હાર્દિકની સાથે ઉપવાસ આંદોલનમાં પાસનાં કન્વીનરો અને પાટીદાર નેતાઓ પણ જોડાવવા લાગ્યાં છે.

જો કે અહીં સમર્થકોનાં જમાવડાને પગલે હાર્દિકનાં ઘરની બહાર મોટી સંખ્યામાં પોલીસ બંદોબસ્ત ગોઠવી દેવામાં આવેલ છે. તે ઉપરાંત સતત પેટ્રોલિંગ પણ વધારી દેવામાં આવ્યું છે. ત્યારે હાર્દિકનાં આ આમરણાંત ઉપવાસને સમર્થન આપવા માટે અરવલ્લી ખાતે 50થી વધુ પાટીદારોએ મુંડન કરાવ્યું છે તેમજ ભાવનગર ખાતે પાસ કન્વીનર નીતિન ઘેલાણીનાં ઘરે પણ 100થી વધુ લોકો ઉપવાસમાં જોડાયાં હતાં અને 5 યુવકોએ હાર્દિકનાં સમર્થનમાં મુંડન કરાવ્યું હતું.

Dhruv Brahmbhatt

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

3 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

3 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

3 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

4 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

4 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

5 hours ago