Categories: Gujarat

કૂરિવાજો છોડાવવા આગેવાનો દાયિત્વ સ્વીકારેઃ આનંદીબહેન

અમદાવાદ: રાજકોટ શહેરમાં ચૌધરી હાઈસ્કૂલના મેદાનમાં વાલ્મિકી વિકાસ સમિતિ દ્વારા યોજવામાં આવેલા સમૂહલગ્ન સમારોહમાં જોડાયેલા ૧૮ યુગલોને મુખ્યમંત્રીએ આશીર્વચન પાઠવ્યાં હતાં. વાલ્મિકી સમાજની ગરીબ પરિવારોના ૧૮ યુગલોને કુંવરબાઈનું મામેરૂ યોજનાથી મુખ્યમંત્રીએ લાભાન્વિત કર્યાં હતાં. જ્યારે, સમૂહલગ્ન આયોજકોને પણ આર્થિક સહાય આપવામાં આવી હતી. મુખ્યમંત્રીએ વાલ્મિકી સમાજમાંથી કૂરિવાજો દૂર કરવા આહ્વાન કર્યું હતું અને સામાજિક બદીઓ દૂર કરવા માટે આગેવાનોએ દાયિત્વ સ્વીકારવા જણાવ્યું હતું.

મુખ્યમંત્રી આનંદીબહેન પટેલે જણાવ્યું કે સામાજિક બદીઓ અને કૂરિવાજો, અંધશ્રદ્ધા દૂર થાય એ આજના સમયની માંગ છે. બાળકને તાવ આવે ત્યારે હજુ પણ આવી વિધિઓનો સહારો લેવામાં આવે છે. તેના કરતા તબીબી વિજ્ઞાનનો આશરો લેવો જોઈએ. આ ઉપરાંત, પરણવાપાત્ર ઉંમર ન થઈ હોવા છતાં કન્યાને લગ્નનાં બંધનમાં બાંધી દેવામાં આવે છે. બાળલગ્નની પ્રથા પણ દૂર કરવી પડશે અને બાળકીઓના શિક્ષણ પ્રત્યે વધુ સંવેદનશીલ બનવું પડશે. દીકરી જો ભણશે તો આખા પરિવારને તારશે. આળા શિરસ્તાની મિશાલ આગેવાનોએ લેવી પડશે.

મુખ્યમંત્રીએ નવપરણિત દંપતીઓને લગ્નજીવનની શુભકામના પાઠવી હતી. નવદંપતીના લગ્નની નોંધણી સ્થળ પર જ કરવામાં આવી હતી. કુંવરબાઈનું મામેરૂ યોજના હેઠળ પ્રત્યેક યુગલને રૂ. ૨૦ હજારની સહાય આપવામાં આવશે. જ્યારે અનુસૂચિત જાતિની ૪૦ કન્યાઓને વ્યવસાયિક તાલીમના ભથ્થાના ચેકો પણ મુખ્યમંત્રીના હસ્તે આપવામાં આવ્યાં હતાં.

પાણી પુરવઠા મંત્રી વિજયભાઈ રૂપાણીએ કહ્યું કે, રાજ્ય સરકારે આ સમાજને યોગ્ય પ્રતિનિધિત્વ આપ્યું છે અને અનુસૂચિત જાતિના કલ્યાણ માટે અનેકવિધ યોજનાઓ અમલી બનાવી છે, તેમણે ગરીબ પરિવારની કન્યાઓના સમૂહલગ્નના આયોજન બદલ ટ્રસ્ટને અભિનંદન પાઠવ્યા હતા. આયોજક કરશનભાઈ વાઘેલા તથા આગેવાન મુકેશભાઈ મલકાણે પ્રાસંગિક પ્રવચન કર્યાં હતાં.

લોકમેળા સમિતિ દ્વારા ૧૮ યુગલોને રૂ. ૧,૫૮,૪૦૦ના કબાટ, પલંગ વગેરે લગ્નભેટ સ્વરૂપે આપવામાં આવ્યા હતા.આ વેળાએ ચિમનાજી બાપુ, રામદાસ બાપુ, કેન્દ્રીય રાજ્ય મંત્રી મોહનભાઈ કુંડારિયા, રાજ્ય મંત્રી ગોવિંદભાઈ પટેલ, મેયર ડૉ. જૈમન ઉપાધ્યાય, ધારાસભ્ય ભાનુબહેન બાબરિયા, ચેરમેન દર્શનાબહેન વાઘેલા, ધનસુખભાઈ ભંડેરી, પ્રવીણભાઈ પંડ્યા, પુષ્કરભાઈ પટેલ, નાયબ મેયર દર્શિતાબહેન શાહ, ડૉ. જિતેન્દ્ર અમલાણી, ભીખાભાઈ વસોયા સહિત અધિકારીઓ અને મોટી સંખ્યામાં વાલ્મિકી સમાજ ઉપસ્થિત રહ્યો હતો.

admin

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

12 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

12 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

12 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

12 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

13 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

13 hours ago