Categories: Ahmedabad Gujarat

AMTSમાં કેશ કલેકશનનાં ખાનગીકરણ સામે ચેરમેનની ‘બ્રેક’

અમદાવાદ: એક તરફ દૈનિક રૂ.એક કરોડથી વધુની ખોટ કરતી એએમટીએસના નબળા આર્થિક પાસાંને સરભર કરવા સંસ્થાના કર્મચારીઓને મ્યુનિસિપલ કોર્પોરેશનમાં ધકેલવામાં આવી રહ્યા છે. બીજી તરફ અગમ્ય કારણસર ખાનગીકરણને પ્રોત્સાહન આપવાનાં ગતકડાં કરાય છે.

ખાનગીકરણને રવાડે ચઢીને આજે સંસ્થાની રોડ પર દોડતી બસનું પ્રમાણ નહીંવત થઇ ગયું હોવા છતાં નઘરોળ તંત્રએ કેશ કલેકશનની જવાબદારી ખાનગી કંપનીને સોંપવાની દિશામાં ચક્ર ગતિમાન કર્યાં હતાં. જેમાં ચેરમેને હાલ પૂરતી બ્રેક મારી દીધી છે.

આમ તો એએમટીએસ સંસ્થા પાસે વધારાના કર્મચારીનો તોટો નથી. જેના કારણે છેલ્લા કેટલાક સમયથી કામ વગરના કર્મચારીઓને મ્યુનિસિપલ કોર્પોરેશનના વિવિધ વિભાગમાં ફરજ પર સોંપાઇ રહી છે. આવા સંજોગોમાં વહીવટી તંત્રના કેટલાક અધિકારીઓએ સરળતાથી ચાલતી કેશ કલેકશનની કામગીરીના ચાલતા બળદને ઘોંચ પરોણા કરવાનો પ્રયાસ કર્યો હતો.

આ અધિકારીઓએ સંસ્થાના ટિકિટ અને કેશ વિભાગના તાબા હેઠળની કેશ કેબિનમાં થતું કેશ કલેકશન અને ટ્રાફિક વિભાગના તાબા હેઠળની કન્સેશન વિભાગમાં થતું કેશ કલેકશનનું ખાનગીકરણ કરવા ખાસ દરખાસ્ત તૈયારી કરી હતી.

આ લેભાગુ અધિકારીઓએ આઇસીઆઇસીઆઇ બેન્કના કલાયન્ટ ઐરન કન્સલ્ટન્ટ પાસેથી પ્રતિ માસ પ્રતિ વ્યક્તિ રૂ.૧૮,ર૯૦ મુજબ મેનપાવર મેળવ્યા બાદ સંસ્થાના બાવીસ કર્મચારીનો મેનપાવર ઉમેરીને એક વર્ષ માટે ડેટા કલેકશનનો કોન્ટ્રાક્ટ આ ખાનગી કંપનીને સુપરત કરવાની કવાયત આરંભી હતી. જે અનુસાર લાલ દરવાજા, વાસણા અને વાડજ એમ ત્રણ કેશ કેબિન ખાતે એક મહિનાના પ્રાયોગિક ધોરણે કેશ કલેકશનની કામગીરી ચાલુ પણ કરાવી હતી.

ગઇ કાલે સવારે મળેલી ટ્રાન્સપોર્ટ કમિટીની બેઠકમાં તંત્રની કેશ કલેકશન ખાનગીકરણની દરખાસ્ત રજૂ થતાં ચેરમેન ચંદ્રપ્રકાશ દવે સંબંધિત અધિકારીઓ ઉપર ઉકળી ઉઠ્યા હતા. ચેરમેને રોષભેર જણાવ્યું હતું કે એક તો સંસ્થાને કરોડો રૂપિયાની ખોટ થતી હોય તેવા સમયે કરકસરયુક્ત અભિગમ હાથ ધરવાને બદલે તમે ખાનગીકરણને પ્રોત્સાહિત કરીને સંસ્થાને આર્થિક નુકસાન કેમ પહોંચાડો છો? જો અત્યારે કેશ કલેકશનની કામગીરી સંસ્થા દ્વારા વ્યવસ્થિત રીતે ચાલતી હોય તો ખાનગી કંપનીને સંસ્થાના કર્મચારીઓને ભોગે આર્થિક લાભ કરાવવાની શી જરૂર છે ?

તેમાં પણ સંસ્થાના બાવીસ કર્મચારી તો આ ખાનગી કંપનીને ફાળવવાના રહે તો પછી આવાં ગતકડાં કરવાનો કોઇ અર્થ છે ખરો? જાણકાર સૂત્રો કહે છે, ચેરમેન ચંદ્રપ્રકાશ દવેએ છેલ્લા દશ-પંદર દિવસથી લાલ દરવાજા સહિતની ત્રણ કેશ કેબિનો પર પ્રાયોગિક ધોરણે ખાનગી કંપનીને સોંપાયેલી કામગીરીને પણ રદ કરી દીધી છે.

divyesh

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

1 hour ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

2 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

2 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

3 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

3 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

5 hours ago