Categories: India

અમેઠીમાં એક જ પરિવારના ૧૧ સભ્યની ગળાં કાપી હત્યા

અમેઠી: અમેઠી જિલ્લાના બજાર શુકલ વિસ્તાર હેઠળના મહોના ગામમાં કમકમાટી ભરી ઘટનામાં અેક જ પરિવારના ૧૧ લોકોનાં ગળાં કાપી હત્યા કરવામાં ‍આવી હોવાનું બહાર આવતાં ભારે અરેરાટી સાથે હાહાકાર મચી ગયો છે. જેમાં પરિવારના મોભીની હત્યા બાદ તેના મૃતદેહને લટકાવી દેવામાં આવ્યો હતો. આ ઘટનામાં મરનારાંમાં આઠ બાળકનો સમાવેશ થાય છે. એવું માનવામાં આવી રહ્યું છે કે હત્યા પહેલાં પરિવારજનોને નશીલો પદાર્થ ખવડાવવામાં આવ્યો હશે.

મહોના ગામમાં બનેલી આ ઘટના બાદ ડીઆઈજી અને અન્ય ટીમ ઘટનાસ્થળે પહોંચી ગઈ હતી. આ વિસ્તારમાં આવી ઘટના પહેલીવાર જ બનતાં ગામમાં ભારે હાહકાર મચી ગયો છે અને અરેરાટી સાથે આવી ઘટનાને અંજામ આપનારા લોકો સામે રોષ વ્યકત થઈ રહ્યો છે. આ પરિવારના મોભી અને વડીલ જમાલુદીન બેટરીનું કામ કરતા હતા. આ ઘટનામાં મરનારા છ બાળક પૈકી બે બાળક તેના ભાઈના છે. અને બાકીનાં ચાર બાળક તેમનાં છે. આ ઘટનામાં એક મહિલાને ગંભીર હાલતમાં સારવાર માટે ખસેડવામાંં આવ્યાં છે. તેથી તેઓ ભાનમાં આવ્યા બાદ આ ઘટના અંગેની સાચી હકીકતો બહાર આવશે. આ ઘટના બાદ ગામમાં આવી પહોંચેલી પોલીસે ગ્રામ્યજનોનાં નિવેદન લઈ તપાસ હાથ ધરી છે. મરનારાંમાં બે મહિલા, એક પુરુષ, અને આઠ બાળકનો સમાવેશ થાય છે.

આ અગાઉ પણ સપ્ટેમ્બર ૨૦૧૬માં બરેલીમાં હત્યાની ઘટના બહાર આવી હતી. ત્યારે હફીઝગંજ પોલીસ મથક હેઠળના તેહરા ગામમાં એક પરિવારના પાંચ સભ્યની હત્યા થઈ હતી. જોકે આજે બનેલી ઘટનામાં એક સાથે ૧૧ વ્યકિતની હત્યાથી ભારે અરેરાટી વ્યાપી જવા પામી છે અને પોલીસે આ અંગે તપાસ હાથ ધરી છે.
http://sambhaavnews.com/

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

10 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

10 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

11 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

11 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

11 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

12 hours ago