AMTSને પ્રાઇવેટ ઓપરેટરોથી આમદની અઠન્ની ખર્ચા રૂપૈયા

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ખાનગીકરણને સતત પ્રોત્સાહન અપાઇ રહ્યું હોઇ અમદાવાદ મ્યુનિસિપલ ટ્રાન્સપોર્ટ સર્વિસ પણ ખાનગીકરણથી બાકાત નથી. શહેરના રસ્તા પર દરરોજ દોડતી આશરે ૭૦૦ બસ પૈકી ૬૧૦ જેટલી બસ તો પ્રાઇવેટ ઓપરેટરોની છે.

આ પ્રાઇવેટ ઓપરેટરોની બસના રર્નિંગ સ્ટાફના ઉદ્ધત વર્તનથી તો ઉતારુઓ પરેશાન છે, પરંતુ સંસ્થા દ્વારા પ્રાઇવેટ ઓપરેટરોને રોડ પર બસ ફરતી મૂકવા માટે કરોડો રૂપિયા ચૂકવાતા હોવા છતાં પણ તેનાથી તંત્રની તિજોરીને કોઇ જ પ્રકારનો આર્થિક લાભ થતો નથી.

આના બદલે પ્રાઇવેટ ઓપરેટરોના કારણે એએમટીએસ સંસ્થાની આમદની અઠન્ની અને ખર્ચા રૂપૈયા જેવી કફોડી હાલત થઇ છે. એએમટીએસના સત્તાવાળાઓ દ્વારા બસના સંચાલનમાં સંસ્થાની બસનો કાફલો ક્રમશઃ ઘટાડવાના પગલે હાલના તબક્કે દરરોજની સો બસ પણ રસ્તા પર દોડતી નથી.

સંસ્થાના ડ્રાઇવરને ફાયર બ્રિગ્રેડનાં વાહન ચલાવવા સહિતના અન્ય વિભાગમાં ખસેડાઇ રહ્યા છે. બીજી તરફ નવી રપ૦ બસનું સંચાલન પણ પ્રાઇવેટ ઓપરેટરને સોંપવા માટેનાં ચક્રો ગતિમાન થઇ ચૂક્યાં છે. પ્રાઇવેટ ઓપરેટરોને પોતાની બસ રોડ પર ફરતી મૂકવા માટે સત્તાવાળાઓ પ્રતિકિમી રૂ.૩૮થી લઇને રૂ.પ૦ સુધીનો જબ્બર ભાવ ચૂકવાઇ રહ્યો છે.

ફક્ત આઠ મિની બસમાં જ પ્રાઇવેટ ઓપરેટરને સૌથી ઓછા રૂ.૧૯.૯ર ચૂકવાય છે, જોકે આઘાતજનક બાબત એ છે કે સત્તાધીશોના લાડકવાયા પ્રાઇવેટ ઓપરેટરોથી સંસ્થાની તિજોરીને તો સતત જંગી ખોટ ખાવી પડે છે.

ચાલુ નાણાકીય વર્ષ ર૦૧૮-૧૯ના પહેલા ત્રણ મહિનાના એટલે કે એપ્રિલથી જૂન મહિના સુધીમાં એએમટીએસ સંસ્થા દ્વારા પ્રાઇવેટ ઓપરેટરોને રૂ.૪૧ કરોડ ચૂકવાયા હતા.

આની સામે સંસ્થાને માત્ર અને માત્ર રૂ.૧૯ કરોડની આવક થઇ હતી એટલે કે ચાલુ વર્ષના પ્રથમ ત્રણ મહિનાના સમયગાળામાં જ એએમટીએસ સંસ્થાને રૂ.રર કરોડ જેટલી માતબર રકમની ખોટ સહેવી પડી છે.

જાણકાર સૂત્રો કહે છે, સમગ્ર નાણાકીય વર્ષ દરમ્યાન પ્રાઇવેટ ઓપરેટરોની બસ દોડાવવાના તંત્રના તરંગ-તુક્કાથી રૂ.૧૬૦ કરોડનું આર્થિક નુકસાન થઇ રહ્યું છે.

બીજી તરફ છેલ્લાં દશ વર્ષથી શાસકો શહેરમાં ૧૦૦૦ બસ દોડાવવાનાં બણગાં ફૂંકી રહ્યા છે. આ સંજોગોમાં પ્રાઇવેટ ઓપરેટરોને સંસ્થાના આર્થિક હિતને અવગણીને કેટલાક અધિકારીઓ દ્વારા કરાતાં લાડકોડને જો સત્તાધીશો દ્વારા અટકાવાયાં હોત તો અત્યાર સુધીમાં સંસ્થાની માલિકીની ૧૦૦૦ બસ ક્યારનીય રોડ પર ફરતી થઇ ગઇ હોત અને સંસ્થાના રનિંગ સ્ટાફને મ્યુનિસિપલ કોર્પોરેશનના અન્ય વિભાગમાં ખસેડવાની નોબત ન આવી હોત તેમ પણ જાણકાર સૂત્રો વધુમાં કહે છે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

8 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

9 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

9 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

10 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

11 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

11 hours ago