Categories: World

અમેરિકામાં ફાયરિંગની ત્રણ ઘટનામાં પોલીસ અધિકારી સહિત ચારનાં મોત

વેસ્ટોન: અમેરિકાના નોર્થ વિસ્કોન્સિનમાં ગઈ કાલે બનેલી ફાયરિંગની ત્રણ ઘટનામાં એક પોલીસ અધિકારી સહિત ચાર વ્યક્તિનાં મોત થયાં છે, જોકે તપાસ અધિકારીઓએ આ ઘટનામાં આતંકવાદીઓનો હાથ હોવાનો ઈનકાર કરતાં ઘટના આંતરિક બાબતના વિવાદમાં થઈ હોવાનું તેઓ જણાવી રહ્યા છે. આ મામલે એક શકમંદની ધરપકડ કરવામાં આવી છે.

અમેરિકાના નોર્થ વિસ્કોન્સિનના વિવિધ ત્રણ વિસ્તારમાં બનેલી ફાયરિંગની ઘટનામાં એક ઘટના મેરાથન બેન્ક ઉપરાંત એક કાનૂની પેઢી અને અન્ય એક ઘટના એપાર્ટમેન્ટ કોમ્પ્લેક્સ પરિસરમાં બની હોવાનું બહાર આવ્યું હતું. અત્રે ઉલ્લેખનીય છે કે બ્રિટનમાં થયેલા આતંકવાદી હુમલા બાદ અમેરિકામાં બનેલી આ ત્રણ ઘટનાથી આતંકવાદીઓએ હુમલો કર્યાની આશંકા સેવવામાં આવતી હતી, પરંતુ તપાસ અધિકારીઓએ આ ઘટનામાં આતંકવાદીઓનો કોઈ હાથ નહિ હોવાનું જણાવ્યું છે. આ ઘટનામાં સ્વાત ટીમના એક અધિકારીનું મોત થયું છે, જોકે આ ઘટના બાદ પોલીસ અધિકારીઓએ જણાવ્યું કે આ ઘટનાથી આમ જનતાને કોઈ જ ખતરો નથી, જોકે અધિકારીઓએ આ હુમલામાં માર્યા ગયેલા લોકો તેમજ આ હુમલામાં કોનો હાથ હોઈ શકે તે અંગે કોઈ માહિતી આપી ન હતી. ન્યાય વિભાગની અપરાધિક તપાસ શાખાના ઉપપ્રશાસક જોસેફ સ્મિથે જણાવ્યું કે આ મામલે લગભગ 100 અધિકારી તપાસ કરી રહ્યા છે.

આ ઘટનાને નજરે નિહાળનારા સુસૈન થોમસને મીડિયાને જણાવ્યું કે તેણે પરિસરમાં ફાયરિંગ થવાનો અવાજ અને લોકોની બૂમાબૂમ સાંભળી હતી. તેથી તે બહાર નીકળવા ગયો હતો પણ પોલીસે તેને બહાર જતાં અટકાવ્યો હતો અને ઘરમાં જ રહેવા સલાહ આપી હતી અને પોલીસે તે બહાર નીકળી ન જાય તે માટે બહારથી તેના ઘરને તાળું મારી દીધું હતું, જોકે મામલો થાળે પડ્યા બાદ પોલીસ અધિકારીઓએ તાળું ખોલ્યું હતું. અમેરિકામાં આ પ્રકારે એકસાથે ત્રણ જગ્યાએ થયેલા ફાયરિંગમાં ચાર લોકોનાં મોત થયા બાદ શહેરમાં આતંકવાદી હુમલો થયાની આશંકાથી ભારે નાસભાગ મચી જવા પામી હતી, જોકે બાદમાં પોલીસે આ અંગે સ્પષ્ટતા કરતાં લોકોએ રાહત અનુભવી હતી. પોલીસે આ ઘટના આંતરિક વિવાદના કારણે થઈ હોવાનું અનુમાન કર્યું છે ત્યારે આ અંગે હાલ પોલીસ હુમલાખોરો અંગે તપાસ ચલાવી રહી છે, જોકે એક શકમંદની આ કેસમાં ધરપકડ કરવામાં આવી છે પણ જે રીતે ફાયરિંગ થયું હતું તે જોતાં થોડા સમય સુધી આતંકી હુમલો થયાની અફવા ફેલાતાં લોકોમાં ભારે નાસભાગ અને અફરાતફરી મચી ગઈ હતી.

http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

9 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

9 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

9 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

10 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

10 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

10 hours ago