Categories: Gujarat

લૉ ગાર્ડન અને પરિમલ ગાર્ડનને પીપીપી ધોરણે અદ્યતન બનાવાશે

અમદાવાદ: મ્યુનિ. કોર્પોરેશનના સત્તાવાળાઓ દ્વારા શહેરના પશ્ચિમ વિસ્તારમાં આવેલા સુપ્રસિદ્ધ લો ગાર્ડન તેમજ તેની નજીક આવેલા પરિમલ ગાર્ડનને પીપીપીના ધોરણે અદ્યતન બનાવવાની દિશામાં કવાયત હાથ ધરાઇ છે.શહેરીજનોમાં દાયકાઓથી લો ગાર્ડન મશહુર છે. નવરંગપુરા વિસ્તારમાં આવેલા લો ગાર્ડન અને તેની ખાણીપીણી બજાર તેમજ ચણિયાચોળી બજારની મોટાભાગના બહારગામથી આવેલા મુલાકાતીઓ એકવાર તો અચુક મુલાકાત લે છે. લો ગાર્ડનની જાળવણીનું કામ કોર્પોરેશન દ્વારા આશિયાના ગ્રૂપને સોંપાયું છે.

લો ગાર્ડન પાસે જ આવેલો પરિમલ ગાર્ડન પણ લોકપ્રિય ગાર્ડન છે. ટોરેન્ટ ગ્રૂપને પરિમલ ગાર્ડનની જાળવણીનું કામ સોંપાયું છે. લો ગાર્ડન અને પરિમલ ગાર્ડન તાજેતરમાં ઉનાળાના વેકેશનમાં બાળકો માટે આનંદ ઉલ્લાસનું સ્થળ બન્યા છે. ભૂલકાંઓને લઇને આવતા પરિવારોથી આ બંને ગાર્ડન ધમધમી રહયા છે.

મ્યુનિ. તંત્ર દ્વારા લો ગાર્ડન અને પરિમલ ગાર્ડનને વધુ આકર્ષક બનાવવાનાં ચક્ર ગતિમાન કરાયાં છે. બાગ બગીચા વિભાગે લોગાર્ડન અનેે પરિમલ ગાર્ડનને નવા રંગરૂપ આપતી ડિઝાઇન બનાવવાની કામગીરી આરંભી છે. અગામી દશેક દિવસમાં આ બંને ગાર્ડનની ડિઝાઇન તૈયાર થઇને કમિશનર ડી. થારા સમક્ષ મંજૂરી માટે મુકાઇ જશે.

કમિશનર ડી. થારા સુચિત ડિઝાઇનમાં આવશ્યક ફેરફાર સૂચવીને તેના આધારે બાગ બગીચા વિભાગ અંતિમ ડિઝાઇન તૈયાર કરશે. ત્યારબાદ લો ગાર્ડન, પરિમલ ગાર્ડનની નવા રંગરૂપના આધારે કામગીરીનો અંદાજ તૈયાર કરાશે. તંત્ર અંદાજ આધારિત ટેન્ડર બહાર કાઢશે. આ તમામ પ્રક્રિયામાં સહેજે બે ત્રણ મહિના લાગશે. એટલે દશેરા,દિવાળી સુધીમાં લો ગાર્ડન અને પરિમલ ગાર્ડનની કાયાપલટ કરનારા પ્રોજેકટનું સત્તાધીશો દ્વારા ભૂમિપૂજન કરાશે. બાગ બગીચા વિભાગના સૂત્રો વધુમાં કહે છે કે, “આ બંને ગાર્ડનના વિકાસ માટે ઓછામાં ઓછા બે કરોડ રૂપિયા ખર્ચાશે તેમજ પીપીપીના ધોરણે તેનો વિકાસ કરાશે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

16 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

17 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

17 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

18 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

18 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

19 hours ago