Categories: Gujarat

ધાંધલ ધમાલના પગલે મ્યુનિ. કચેરીમાં કડક પ્રવેશબંધી

અમદાવાદ: કોર્પોરેશનની બજેટ બેઠકમાં ગઇ કાલે સાંજે ભારે હોબાળો થવાની સાથે મ્યુનિસિપલ મુખ્યાલય પોલીસ છાવણીમાં ફેરવાઇ ગયું હતું. મુખ્યાલયમાં અજાણ્યા લોકો દ્વારા ‘હલ્લાબોલ’ થાય તેવી ચર્ચાએ જોર પકડ્યું હતું. આવા વિકટ સંજોગોમાં વધુ બે દિવસ કોર્પોરેશનમાં કિલ્લેબંધી કરી દેવાશે. કમિશનર મૂકેશકુમારના કડક અાદેશથી બહારની રિક્ષા સહિત કોઇ પણ ચમરબંધીની ગાડી મુખ્યાલયમાં પ્રવેશી નહીં શકે. ફક્ત કોર્પોરેટરો અને કર્મચારીઓનાં વાહનોને જ પ્રવેશ અપાશે.

કોંગ્રેસના સભ્યો દ્વારા મેયર, ડેપ્યુટી મેયર અને કમિશનરના માઇકને તોડી નંખાયા બાદ ગૃહમાં અરાજકતા ફેલાઇ ગઇ હતી. ગૃહને તાળાં મરાયાં પછી કોર્પોરેશનના સિક્યોરિટી સુપરિન્ટેન્ડેન્ટ જી.એસ. બારિયા ગૃહમાં થયેલી તોડફોડનું જાત નિરીક્ષણ કરવા આવ્યા હતા. બાદમાં તેમણે કમિશનર મૂકેશકુમારને મૌખિક રિપોર્ટ આપ્યો હતો. જોકે હજુ સુધી સરકારી કામમાં રૂકાવટ ઊભી કરવા જેવી બાબતનો પોલીસ કેસ કોર્પોરેશન કર્યો નથી. આ અંગેનો નિર્ણય સેક્રેટરી કે શાસકપક્ષ પર છોડાયો છે.

ફાયરબ્રિગેડના વડા એમ.એફ. દસ્તૂરને પણ કમિશનર મૂકેશકુમારે મોડી સાંજે મુખ્યાલયની સલામતી વ્યવસ્થાના સંદર્ભે બોલાવ્યા હતા. કમિશનરે દસ્તૂરને મુખ્યાલય ખાતે તકેદારીના ચુસ્ત પગલાં લેવાનો આદેશ આપ્યો હતો. દરમ્યાન ગઇ કાલની ધાંધલ ધમાલમાં તમામ ઉચ્ચ અધિકારીઓ પોત પોતાની બેઠક છોડીને તત્કાળ રફુચક્કર થતાં એક ડેપ્યુટી મ્યુનિસિપલ કમિશનર પોતાનો મોંઘો મોબાઇલ બેઠક પર મૂકી આવ્યા હતા.

કોંગ્રેસના સભ્યો દ્વારા બજેટ બેઠકના સાંજના ભોજનનો બહિષ્કાર કરાતાં તેમજ ભાજપના કેટલાક સભ્યો પણ એ લગ્ન પ્રસંગમાં હાજરી આપવાની ઉતાવળ હોઇ નીકળી જતાં ભાજપના એક સિનિયર કોર્પોરેટરે કોન્ટ્રાકટરના લાભાર્થે કર્મચારીઓને ભોજનની કતારમાં લગાડી દીધા હતા.

આની સાથે સાથે કોંગ્રેસ કાર્યાલયમાં ભાજપ દ્વારા ડેપ્યુટી મેયરને ત્યાં યોજાયેલા લગ્ન પ્રસંગમાં હાજરી આપવા ગૃહમાં ઇરાદાપૂર્વક ધાંધલ ધમાલ કરાઇ હોવાનું ચર્ચાયું હતું. તો  ભાજપ કાર્યાલયમાં કોંગ્રેસમાં લઘુમતી સમાજના નેતા બનવા કેટલાક કોર્પોરેટરોમાં વર્ચસ્વની લડાઇ જામી હોવાની ચર્ચાએ જોર પકડ્યું હતું.
http://sambhaavnews.com/

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

4 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

4 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

4 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

5 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

6 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

6 hours ago