IBનું એલર્ટ: પેરાશૂટ સવાર લશ્કર આતંકી કરી શકે છે હુમલો

પાકિસ્તાન અધિકૃત કાશ્મીરમાં ભારતની સર્જિકલ સ્ટ્રાઇક પછી પાકિસ્તાન હેરાન પરેશાન થઇ ગયું છે. એવામં તે આતંકીઓ દ્વારા ભારતમાં અશાંકિ ફેલાવવાના મૂડમાં છે. ઇન્ટેલિજેન્સ બ્યૂરોએ સુરક્ષાદળોને એલર્ટ કર્યું છે કે આતંકી પેરાગ્લાઇડર અથવા પેરાશૂટ દ્વારા ઘૂસણખોરી કરી શકે છે, તેમજ આત્મઘાતી હુમલાને પણ અંજામ આપી શકે છે. ગુજરાતના એક ટોપ પોલીસ ઓફિસરે આઇબીને ઇનપુટની પુષ્ટિ કરી છે.

સૂત્રો દ્વારા પ્રાપ્ત થતી વિગતો અનુસાર આઇબીના ઇનપુટ બાદ સીમા સાઇડ હાલમાં પેરાગ્લાઇડર જેવી ઉડતી વસ્તુઓ પર પ્રતિબંધ લગાવી દેવામાં આવ્યો છે. આઇબીના ઇનપુટમાં સ્પષ્ટ રીતે આતંકી સંગઠન લશ્કર એ તોયબાનો ઉલ્લેખ છે. હાલના દિવસોમાં લશ્કર ચીફ હાફિઝ સઇદની સીમા તરફના વિસ્તારોમાં અવર જવર ખૂબ વધી ગઇ છે. સીમા સાઇડની પોલીસને કહેવામાં આવ્યું છે કે તે આર્મી અને બીએસએફની મદદ કરે. સુરક્ષાદળ અને એજન્સીઓની વધારે ચોકી એટલે વધી ગઇ છે કારણ કે અત્યારે સીમા આગળ પાકિસ્તાન તરફથી ફાયરિંગ ખૂબ વઘી ગયું છે. સામાન્ય રીતે પાકિસ્તાની સેના એ જ સમયે ફાયરિંગ કરે છે, જ્યારે આતંકીઓની ઘૂસણખોરી કરાવવાની હોય.

સૂત્રોનું કહેવું છે કે લશ્કર આર્થિક અને ટેકનીક તરીકે ખૂબ સક્ષમ આતંકી સંગઠન છે. આ સંગઠન ભારતીય જમીન પર હુમલો કરવા માટે કંઇ પણ કરી શકે છે. જણાવી દઇએ કે ભારતની સર્જિકલ સ્ટ્રાઇક પછી પાકિસ્તાન સરકાર ઉપરાંત હાફિઝ સઇદ પણ ભડકી ઉઠ્યો છે. તાજેતરમાં જ થોડા સમય પહેલા તેને કહ્યું હતું કે પાકિસ્તાન ભારતને બતાવશે કે સર્જિકલ સ્ટ્રાઇક શું હોય છે. મુંબઇ પર થયેલા આતંકી હુમલાનો માસ્ટરમાઇન્ડ સઇદ પાકિસ્તાનની જમીન પર સતત ભારત વિરોધી ભડકાવી રહ્યો છે. પરંતુ પાડોશી દેશમાં તે ભડકાવવા નિષ્ફળ રહ્યો છે.

You might also like