Categories: India

સુલતાનપુરથી અખિલેશના ચૂંટણી પ્રચાર અભિયાનનો આજથી આરંભ

સુલતાનપુર: યુપી વિધાનસભાના ચૂંટણી પ્રચાર અભિયાનનો આરંભ થઈ ગયો છે ત્યારે સમાજવાદી પાર્ટીના રાષ્ટ્રીય અધ્યક્ષ અને મુખ્યપ્રધાન અખિલેશ યાદવ આજે સદર અને ઈસૌલી મતવિસ્તારમાં ચૂંટણીસભાને સંબોધશે. સદર મતવિસ્તારના ધારાસભ્ય અરુણ વર્માએ દાવો કર્યૌ છે કે અખિલેશની સભામાં અંદાજે ૩૦ હજાર લોકો હાજરી આપશે. આ સભાને લઈ તમામ તૈયારી સંપન્ન થઈ ગઈ છે.

યુપી વિધાનસભાની ચૂંટણી સાત તબક્કામાં યોજાવાની છે ત્યારે આ વિસ્તારમાં અંતિમ તબક્કામાં પાંચ સીટ માટે ૨૭ ફ્રેબ્રુઆરીએ મતદાન થવાનું છે. આ રેલી માટે સદર વિધાનસભાના મોતિગરપુરમ્ બ્લોક માટે લપટા ગામના મેદાનની પસંદગી કરવામાં આવી છે. આજે બપોરે એક વાગ્યે અખિલેશ અહીં હેલિકોપ્ટરમાં આવશે. આ માટે પાકું હે‌િલપેડ બનાવવામાં આવ્યું છે. ત્યારબાદ તેઓ બપોરે બે વાગ્યે ઈસૌલી મતવિસ્તારના સુરેશનગરમાં સભા સંબોધવા પહોંચી જશે. આ બેઠકનો ઈતિહાસ એવો રહ્યો છે, જે પાર્ટી આ બેઠક જીતે છે તેને સત્તા મળે છે. સદર મતવિસ્તારની સભા માટે ૧૫ હજાર ખુરશીઓ ગોઠવવામાં આવી છે. આ સભામાં ૩૦ હજાર લોકો હાજરી આપે તેવી સંભાવના છે, જેમાં ૧૫૦૦થી ૨૦૦૦ બસ, ફોર વ્હીલર અને થ્રી વ્હીલર વાહનની વ્યવસ્થા કરવામાં આવી છે.

ગઠબંધન બાદ રાહુલ-અખિલેશ સાથે છ રેલી યોજશે
યુપી વિધાનસભાની ચૂંટણી માટે સપા અને કોંગ્રેસ વચ્ચે ગઠબંધન થઈ ગયું છે ત્યારે હવે અખિલેશ યાદવ અને રાહુલ ગાંધી સાથે મળીને રેલીઓ યોજવા તૈયારી કરી રહ્યા છે. સૂત્રોના જણાવ્યા અનુસાર આ બંને નેતા યુપીમાં અલગ અલગ વિસ્તારમાં છ રેલીઓ યોજવાનંુ આયોજન કરી રહ્યા છે. ગઠબંધન માટે મુખ્ય ભૂમિકા ભજવનાર પ્રિયંકા ગાંધી અને ડિમ્પલ યાદવ પણ સંયુકત રીતે સભાને સંબોધે તે માટે આયોજન થઈ રહ્યું છે. જોકે સૂત્રોના જણાવ્યા અનુસાર આ બાબતે હજુ ચોક્કસ નિર્ણય થઈ શક્યો નથી. કોંગ્રેસ અમેઠી અને રાયબરેલીની સીટ અંગે નિર્ણય લેવાયા બાદ આ અંગે જાહેરાત કરી શકે તેમ છે.
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

9 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

9 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

9 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

9 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

9 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

9 hours ago