Categories: India

સપાનો ઝઘડો ચરમસીમાએ, ચૂંટણી પ્રતિક સાઇકલનો વિવાદ ચૂંટણીપંચમાં પહોંચ્યો

નવી દિલ્હી: સમાજવાદી પાર્ટીનો ઝઘડો હવે ચરમસીમાએ પહોંચી ગયો છે. મુલાયમસિંહ યાદવે પોતાના પ્રતિનિધિ અમરસિંહ દ્વારા ચૂંટણીપંચને એક આવેદનપત્ર મોકલ્યું છે. લેખિતમાં આપવામાં આવેલ આવેદનપત્રમાં રામગોપાલ દ્વારા ૧લી જાન્યુઆરીએ બોલાવવામાં આ‍વેલા રાષ્ટ્રીય અધિવેશનને ગેરબંધારણીય હોવાનો દાવો કરાયો છે. તો બીજી બાજુ અખિલેશ યાદવે આજે પોતાના ૫, કાલિદાસ માર્ગ ખાતેના નિવાસસ્થાને વિધાનસભ્યોની બેઠક બોલાવી હતી.

સમાજવાદી પાર્ટીનાં ચૂંટણી પ્રતીક સાઈકલ માટેનો વિવાદ ચૂંટણીપંચમાં પહોંચતાં હવે ચૂંટણીપંચે સમાજવાદી પાર્ટીનાં બંને જૂથ એટલે કે મુલાયમ અને અખિલેશ જૂથને એફિડેવિટ ફાઈલ કરીને તેમના કેટલા સમર્થક વિધાનસભ્ય અને એમએલસી છે તેમજ તેમને કેટલા સાંસદનું સમર્થન છે તે જણાવવા આદેશ કર્યો છે. ચૂંટણીપંચે બંનેને ૯ જાન્યુઆરી સુધીમાં આ અંગે જવાબ આપવા આદેશ કર્યો છે. બંને જૂથને એક બીજાં જૂથે આપેલા એ દસ્તાવેજો મોકલવામાં આવ્યા છે જે તેમણે ચૂંટણીપંચને આપ્યા હતા.

ચૂંટણીપંચે એવો આદેશ કર્યો છે કે અખિલેશ યાદવ અને મુલાયમસિંહ યાદવ જૂથ તેમના સમર્થક એમપી, એમએલએ અને એમએલસીના સહી વાળાં  એફિડેવિટ રજૂ કરીને તેમનું શક્તિ પરીક્ષણ સાબિત કરે.ચૂંટણીપંચનાં સૂત્રોએ જણાવ્યું છે કે ઉત્તર પ્રદેશ સહિત પાંચ રાજ્યની ચૂંટણીની જાહેરાત થઈ ચૂકી છે. એટલા માટે ચૂંટણીપંચ આ મુદ્દાને સત્વરે ઉકેલવા માગે છે. ચૂંટણીપંચે ૯ જાન્યુઆરી સુધીમાં બંને જૂથને પોતપોતાના દાવાઓ પોતાના સમર્થકની સહી સાથે એફિડેવિટ દ્વારા રજૂ કરવા આદેશ કર્યો છે.

સૂત્રોનાં જણાવ્યા પ્રમાણે રામગોપાલ યાદવને મંગળવારે ચૂંટણીપંચને જે દસ્તાવેજો સોંપ્યા છે તેમાં એ‍વો દાવો કરવામાં આવ્યાે છે કે અખિલેશ યાદવ જૂથ જ અસલી સમાજવાદી પાર્ટી છે. દસ્તાવેજોમાં એવો પણ દાવો કરવામાં આવ્યો છે કે મુખ્યપ્રધાન અખિલેશ યાદવને વિધાનસભા, વિધાન પરિષદ અને લોકસભા-રાજ્યસભાના મોટા ભાગના ચૂંટાયેલા સભ્યનું સમર્થન પ્રાપ્ત છે. લગભગ ૧૦૦ પાનાંના આ દસ્તાવેજમાં ૫,૦૦૦થી વધુ પક્ષ પ્રતિનિધિ અને ૯૦ ટકા સાંસદ વિધાનસભ્ય અને વિધાન પરિષદના સભ્યની સહીઓ સામેલ છે.

ત્યારે બીજી બાજુ મુલાયમ જૂથ દ્વારા સોંપવામાં આવેલા દસ્તાવેજમાં બહુ ઓછા લોકોની સહી છે તેમ છતાં ચૂંટણીપંચે બંને જૂથને પોતાના સમર્થક પ્રતિનિધિઓની સહીઓ વાળાં એફિડેવિટ સોંપવા આદેશ કર્યો છે. ચૂંટણીપંચનાં સૂત્રો દ્વારા સહીઓ વાળાં એફિડેવિટને આધારે જ ચૂંટણીપંચ એ નિર્ણય કરશે કે ક્યા જૂથની બહુમતી છે અને જે જૂથની બહુમતી હશે તેમને ચૂંટણી પ્રતીકની મંજૂરી આપવામાં આવશે.

અખિલેશે બેઠક બોલાવીઃ આજે નવી યાદી જાહેર થશે
સપામાં જારી રાજકીય સંકટ વચ્ચે સીએમ અખિલેશ યાદવે આજે સવારે ૧૦-૦૦ વાગ્યે પક્ષના વિધાનસભ્યની બેઠક બોલાવી છે. ચૂંટણીપંચે બુધવારે યુપી સહિત પાંચ રાજ્યોની ચૂંટણીની જાહેરાત કર્યા બાદ અખિલેશ યાદવ આ બેઠકમાં ચૂંટણી રણનીતિ પર ચર્ચા કરશે અને આજે યુપીની ચૂંટણી માટે પોતાના જૂથની નવી યાદી જાહેર કરશે. આ ઉપરાંત પ્રચાર અભિયાન, રથયાત્રા કાર્યક્રમ અને રેલીઓ પર ચર્ચા થશે.
http://sambhaavnews.com/

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

10 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

10 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

11 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

11 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

11 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

12 hours ago