#Reliance Jio કરતાં દોઢ ગણી વધુ સ્પીડ આપશે એરટેલ, જાણો શું છે offer

નવી દિલ્હી: reliance jioના બજારમાં આવતાં જ તેણે એવી ઓફર આપી છે કે લોકોમાં તેને ખરીદવાની કતાર લાગી ગઇ છે. આ જોતાં જ દેશની ટોપ ટેલિકોમ કંપની એરટેલે પણ પોતાની કમર કસી લીધી છે. ટેરિફ ઓફર આપ્યા બાદ હવે કંપની ઇન્ટરનેટ ડેટા સ્પીડના મામલે પણ reliance jio ને પછાડવા માંગે છે.

બુધવારે કંપનીએ જણાવ્યું હતું કે તેના માટે તેણે કેરલમાં કેરિયર એગ્રીગેશન ટેક્નોલોજીની મદદ પણ લીધી છે. તેના માધ્યમથી મોબાઇલ ફોનનો ઉપયોગ કરનાર લોકોને વધુ ઝડપી 4G ડેટા સર્વિસ આપવામાં આવશે. કંપનીનો દાવો છે કે તે હાલની કંપનીઓના મુકાબલે 40-80 ટકા ઝડપી ઇન્ટરનેટ સ્પીડ પુરી પાડશે.

કંપનીનો દાવો છે કે ક્વોલિટી સારી થતાં ડેટાની પીક ડાઉનલોડ સ્પીડ 135 એમબીપીએસ સુધી પહોંચી જશે. તમને જણાવી દઇએ કે આ સ્પીડ તેનાથી ઘણી વધુ છે જેટલી હાલ 4G સેવા હેઠળ આપવામાં આવે છે. તમને જણાવી દઇએ કે બજારમાં ચર્ચાનો વિષય બની ગયેલી રિલાયન્સ જીયો દ્વારા પણ ફક્ત 80-90 એમબીપીએસ સ્પીડની ઓફર આપવામાં આવી છે.

ઇન્ટરનેટ પહેલાં જિયો આવતાં જ ટેરિફ વોર શરૂ થઇ ગયું હતું, કારણ કે કંપનીએ ખૂબ ઓછા ભાવમાં સર્વિસ પુરી પાડવાની ઓફર આપી છે. તેનાથી તાત્કાલિક જ એરટેલ, વોડાફોન અને આઇડીયા દ્વારા પણ પ્રીપેડ ગ્રાહકો માટે ટેરિફમાં લગભગ 67 ટકાનો કાપ કરી દેવામાં આવ્યો છે.

You might also like