Airtelની નવી ઑફર, જીતી શકાશે 2,00,00,000 રૂપિયા

જિયોને ટક્કર આપવા માટે એરટેલ કોઇને કોઇ નવી ઑફર લોન્ચ કરતું રહે છે. હવે જિયો ગેમને ટક્કર આપવા માટે કંપનીએ નવી ગેમ લોન્ચ કરી છે, જેમાં યૂઝરને 2 કરોડ રૂપિયા સુધીના ઇનામ જીતી શકે છે. કંપનીએ Airtel TV Free Hit ગેમ લોન્ચ કરી છે, જે એક એપ બેસ્ડ ગેમ છે. આ ગેમને યૂઝર એન્ડ્રોઇડ મોબાઇલ પર એરટેલ ટીવીમાં રમી શકે છે, આ ગેમમાં યૂઝરને IPLની મેચથી જોડાયેલા કેટલાક સવાલોના જવાબો આપવાને રહેશે, તમામ સવાલોના જવાબા આપનારા યૂઝરને ઇનામ મળશે.

Airtel TV Free Hit ગેમને મેચથી પહેલા રમી શકાશે, આ સાથે જ ગેમનું લાઇવ વર્ઝન છે, જેને યૂઝર મેચ ટેલિકાસ્ટ દરમિયાન રમી શકશે. આ ગેમ રમવા માટે યૂઝરને એરટેલ ટીવી એપને અપડેટ કરવાની રહેશે અને ગેમ રમવા માટે રજિસ્ટર પણ કરાવવાનું રહેશે, જે પછી દરરોજ મેચ શરૂ થયા પહેલા યૂઝર આ ગેમ રમી શકશે.

ઉલ્લેખનીય છે કે, એપ ઑપન કરતાની સાથે એન્કર પાર્ટિસિપેન્ટ્સને મેચથી જોડાયેલા 11 સવાલ પૂછશે, એટલે કે જો સવાલનો જવાબ નથી આપી શકતો, તો પાર્ટિસિપેન્ટ્સ લાઇફની મદદ લઇ શકો છો. લાઇફ મેચ દરમિયાન પણ એક્ટિવ રહેશે અને પાર્ટિસિપેન્ટ્સને મદદ મળશે. એરટેલ ગેમના વિનરનું નામ નોટિફિકેશનની મદદથી લોકો સુધી પહોંચાડવામાં આવશે.

જોકે આ ગેમ માત્ર IPL ટૂર્નામેન્ટ સુધી ચાલશે, જેમાં પાર્ટિસિપેન્ટ્સ દરરોજ રોકડ ઇનામ જીતી શકે છે. ઉલ્લેખનીય છે કે, આ ગેમ જિયોને ટક્કર આપવા માટે લોન્ચ કરવામાં આવી છે. વાસ્તવમાં IPLને ધ્યાનમાં રાખીને ‘જિયો પ્લે અલોન્ગ’ ગેમ લોન્ચ કરવામાં આવી હતી, આ સાથે જ એરટેલ લોકોની વચ્ચે પોતાની મોબાઇલ એપને ચર્ચિત બનાવવા માંગે છે અને તે માટે કંપનીએ આ ઑફર લોન્ચ કરી છે.

You might also like