AIB કોમેડિયન સચિન અને લતાની મજાક ઉડાવતા બોલિવુડ ભડક્યું

નવી દિલ્હી : ભારત રત્નથી સન્માનીત દેશનાં બે વ્યક્તિત્વને એઆઇબી દ્વારા ખુબ જ ગંદી રીતે રજુ કરવામાં આવ્યા હતા. આ વીડિયો એઆઇબીનાં કોમેડિયન તન્મય ભટ્ટે બનાવ્યો છે. જેમાં સચિન તેંડુલકર અને લત્તા મંગેશકર માટે ખુબ જ વિવાદિત શબ્દોનો ઉપયોગ કરવામાં આવ્યો છે. આ બંન્ને પર ખુબ જ અભદ્રપ્રકારની કોમેડી કરવામાં આવી છે. સોશ્યલ મીડિયા પર આ વીડિયોની ખુબ જ ટીકા થઇ રહી છે. આ વીડિયો હવે સૌ કોઇનાં નિશાન પર છે. અનુપમ ખેર, રિતેશ દેશમુખ જેવા સેલેબ્રિટી પણ આ વિડિયોની ખુબ જ આલોચનાં કરી ચુક્યા છે.

કોમેડિયને બે મિનિટનાં સ્નેપચેટ વીડિયોમાં આ બે વ્યક્તિત્વ વિશે ઘણી અશ્લીલ કોમેન્ટ કરી છે. એઆઇટી રોસ્ટમાં કોમેડી કરનાર તન્મયે વિરાટ કોહલીનાં મુદ્દે સચિન તેંડુલકર અને લત્તામંગશકર વચ્ચે બબાલ દેખાડી છે. તન્મયે થોડા દિવસો અગાઉ જ આ વિડિયો પોતાનાં ફેસબુક પેજ પર શેર કર્યો હતો. જેનાં કેપ્શમાં લખ્યું હતું કે સચિન v/s લત્તા સિવિલ વોર (હું સચિન અને લત્તાને પ્રેમ કરૂ છું આ માત્ર મજાક માટે છે) આ વીડિયોમાં સ્પષ્ટ જોઇ શકાય છેકે કોમેડી કરતા સમયે તન્મયે સચિન અને લત્તા માટે ઘણા અભદ્ર શબ્દોનો ઉપયોગ કર્યો.

આ વીડિયો અંગે અનુપમ ખેરે ટ્વિટ પર લખ્યું છે કે 9 વખત બેસ્ટ કોમિક એક્ટરનો વિજેતા રહ્યો છું મને સેન્સ ઓફ હ્યુમરનો સારો અનુભવ છે. પરંતુ આ હ્યુમર નથી. આ ખુજ અભદ્ર અને અપમાનજનક છે. રિતેશ દેશમુખે લખ્યું છે કે હું સાચે જ આ વીડિયો જોઇને આધાતમાં છું.કોઇ વ્યક્તિની બેઇજ્જતી ન તો કુલ હોઇ શકે છે ન તો ફની. શેલિના જેટલીએ લખ્યું છે કે હું શોક્ડ છું. તેનાં માટે બંન્ને વ્યક્તિઓ પાસે માફી માંગવી જોઇએ. અત્રે નોંધનીય છે કે એઆઇબી અને વિવાદનો જુનો સંબંધ છે.

You might also like