Categories: Gujarat

ફ્લાઈટ રદ થઈ પણ પેસેન્જરોને ત્રણ કલાક સુધી અંધારામાં રાખ્યા

આજે સવારે ૪-૧પ કલાકે અમદાવાદથી દુબઇ જતી અમીરાતની ફલાઇટ ૧૩ કલાક મોડી થતાં મુસાફરોએ એરપોર્ટ પર હોબાળો મચાવ્યો હતો. ટેક‌િનકલ કારણ આગળ ધરીને મુસાફરોને ૩ કલાક સુધી કોઇ સૂચના ન અપાતાં રાહ જોઇ રહેલા મુસાફરોએ છેવટે કંટાળીને અમીરાતના કાઉન્ટર ઉપર હલ્લો મચાવ્યો હતો.

આ અંગે એરપોર્ટ ઓથોરિટી અેમિરેટ્સનાં સૂત્રોએ જણાવ્યું હતું કે ફલાઇટમાં ટેક‌િનકલ ખામી સર્જાઇ છે, જેના કારણે ફલાઇટ ૧૩ કલાક ડીલે થઇ છે. ફલાઇટ ડીલે થવાના કારણે ૧પ૦ મુસાફરો આગળ જવાની કનેક્ટિંગ ફલાઇટ ચૂકી ગયા હતા. મુસાફરોના હોબાળાના કારણે છેવટે તમામ મુસાફરોને હોટલ વ્યવસ્થા આપવાની ઓથોરિટીને ફરજ પડી હતી.
ફલાઇટમાં અંદાજે રપ૦ મુસાફરો મુસાફરી કરી રહ્યા હતા, જેમાંથી અર્ધાથી વધુ મુસાફરો વાયા દુબઇ કનેક્ટિંગ ફલાઇટ લેવાના હતા.

ઓથોરિટીએ તેમને અન્ય ફલાઇટમાં જવું હોય તો ગોઠવી આપવાનું આશ્વાસન આપ્યું હતું, પરંતુ જેમની કનેક્ટિંગ ફલાઇટ હતી તે તમામ મુસાફરોને દુબઇ પછીની ફલાઇટની ટિકિટ વગેરેની જાણ જે તે ટ્રાવેલને કરવી પડી હતી. રાત્રે ૧ર-૩૦ વાગ્યે એરપોર્ટ પર બોર્ડિંગ કરી ચૂકેલા પ્રવાસીઓ ફલાઇટના નિયત સમય ૪-૧પ કલાકે ઉપડવાની રાહ જોઇને બેસી
રહ્યા હતા ત્યારે શરૂઆતમાં કહેવાયું હતું કે ફલાઇટ કલાકથી વધુ સમય માટે લેટ છે. મુુસાફરો બોર્ડિંગ બાદ ફલાઇટના ટેક ઓફની રાહ જોઇ રહ્યા હતા, પરંતુ પાંચ કલાકથી વધુ સમય પસાર થતાં પેસેન્જરોએ ઓન બોર્ડ સ્ટાફને આ અંગે પૂછપરછ કરી હતી, પરંતુ તેમને યોગ્ય જવાબ નહીં મળતાં પેસેન્જરોએ ધમાલ મચાવી હતી.

એરલાઇન્સ ઓથોરિટી દ્વારા શરૂઆતમાં જવાબ આપવામાં ગલ્લાં તલ્લાં કરાયાં હતાં. અેમિરેટ્સ અંગેની પૂછપરછ કરતાંની સાથે જ ઓન બોર્ડ સ્ટાફે સંભળાતું નથી, લાઇન ટ્રાન્સફર કરું છું જેવાં બહાનાંઓ આગળ ધરીને ફ્લાઇટ મોડી થવા અંગેની સગાંવહાલાંઓની પૂછપરછ તેમજ કઇ હોટલમાં પેસેન્જરોને રાખવામાં આવ્યા છે તે અંગે તેમને જાણ નથી
એવું કહીને જવાબ આપવાનું ટાળ્યું હતું.

Navin Sharma

Recent Posts

વડોદરામાં ઉજવાયો 86મો ઇન્ડિયન એરફોર્સ ડે, જવાનોએ બતાવ્યાં વિવિધ કરતબો

વડોદરાઃ શહેરનાં આકાશમાં એરફોર્સનાં જવાનોએ વિવિધ કરતબો કર્યા. આકાશી ઉડાનનાં કરતબો જોઈને વડોદરાવાસીઓ સ્તબ્ધ રહી ગયાં. શહેરમાં 86મો ઇન્ડિયન એરફોર્સ…

33 mins ago

ટ્રમ્પે સંયુક્ત રાષ્ટ્ર મહાસભામાં કરી ભારતની પ્રશંસા, પાકિસ્તાનને આપી ગંભીર ચેતવણી

અમેરિકી રાષ્ટ્રપતિ ડોનાલ્ડ ટ્રમ્પે સંયુક્ત રાષ્ટ્ર મહાસભામાં ભારતની પ્રશંસા કરી છે. ટ્રમ્પે જણાવ્યું કે, ગરીબોને માટે ભારતે અનેક સફળ પ્રયાસો…

1 hour ago

બેન્ક પર ગયા વગર 59 મિનિટમાં મળશે લોન

નવી દિલ્હી: નાણાં મંત્રાલયે એમએસએમઇ લોન પ્લેટફોર્મને લઇને એક મોટો નિર્ણય કર્યો છે. આ નિર્ણય હેઠળ હવે એમએસએમઇને બેન્કની બ્રાન્ચ…

3 hours ago

ગુજરાતમાં ઓલા-ઉબેરને ફટકોઃ 20 હજાર કેબ જ રાખી શકશે

નવી દિલ્હી: ગુજરાત સરકારે રાજ્યમાં ઓલા, ઉબેર અને એપ દ્વારા કેબ સર્વિસ આપનારી કંપનીઓનું ફ્લિટ ૨૦ હજાર કેબ સુધી મર્યાદિત…

3 hours ago

‘માય બાઇક’ના ધુપ્પલ પર પાંચ વર્ષે બ્રેકઃ કોન્ટ્રાક્ટ રદ કરી દેવાયો

અમદાવાદ: મ્યુનિસિપલ કોર્પોરેશનના સત્તાવાળાઓને ફરીથી શહેરમાં સાઇકલ શે‌રિંગનું ઘેલું લાગ્યું છે. આગામી સ્ટેન્ડિંગ કમિટી સમક્ષ સાઇકલ શે‌રિંગની દરખાસ્ત મૂકીને પુનઃ…

4 hours ago

મેટ્રો પ્રોજેક્ટમાં મજૂરોને ટિફિન સપ્લાયના બહાને વેપારીને 13 લાખનો ચુનો લગાવ્યો

અમદાવાદ: નરોડા રોડ પર અશોક મિલ પાસે રહેતા અને કેટરર્સનો વ્યવસાય કરતા યુવક સાથે રાજસ્થાનના લેબર કોન્ટ્રાકટરે રૂ.૧૩ લાખની છેતર‌પિંડી…

4 hours ago