Categories: Gujarat

દુકાનદારોને લેખિત નોટિસ વિના ડિમોલિશન કરાતાં દુર્ઘટના બની

અમદાવાદ: શહેરના નિકોલ વિસ્તારમાં થયેલા મ્યુનિ. તંત્ર દ્વારા કરાયેલા ડિમોલિશનના પગલે સ્થાનિક રહીશો અને વેપારીઓમાં હજુ સુધી અાક્રોશ જોવા મળી રહ્યો છે. સ્થાનિક વેપારીઓએ અાક્ષેપ કર્યો હતો કે વર્ષ ૨૦૧૨થી અત્યાર સુધી મ્યુનિસિપલ કોર્પોરેશન દ્વારા કોઈપણ પ્રકારની અમને નોટિસ અાપવામાં અાવી નથી. માત્ર મૌખિક નોટિસ અાપવામાં અાવી છે. અા ડિમોલિશન બીજેપીના ધારાસભ્યના બિલ્ડિંગના બચાવ માટે કરવામાં અાવ્યું છે. ઉપરાંત જે પણ ટીપી સ્કિમ છે તેમાં ફેરફાર કરવામાં અાવ્યા છે. વેપારી એસોસિએશનના ડો. લોહિયાએ અાક્ષેપ કર્યો હતો કે કોર્પોરેશનના અધિકારીઓની બેદરકારી હોવાથી અધિકારીઓ જ અપરાધી છે. લેખિતમાં કોઈપણ પ્રકારની દુકાનદારોને નોટિસ અાપ્યા વગર અા ડિમોલિશન કરાતાં દુર્ઘટના બની હતી.

શહેર કોંગ્રેસના મહામંત્રી અનિશભાઇ પટેલે જણાવ્યું હતું કે વેપારીઓને અન્યાય કરવામાં આવ્યો છે. વર્ષ ર૦૧૦-૧ર પછી મ્યુનિ. કોર્પોરેશન દ્વારા આ દબાણ દૂર કરવા માટે કોઇ પણ નોટિસ આપવામાં આવી નથી. વેપારીઓ પાસે તમામ પુરાવા છે. છ મહિના અગાઉ શહેર કોંગ્રેસ દ્વારા આ દબાણો દૂર ન કરવા આંદોલન કરાયું હતું. જેના કારણે ડિમોલિશનની કામગીરી બંધ કરાઇ હતી, પરંતુ સોમવારે મ્યુનિ. તંત્રના અધિકારીઓ દ્વારા વેપારીઓને મૌખિક નોટિસ આપી અને મંગળવારે સવારે પોલીસ બંદોબસ્ત સાથે આવીને તાત્કાલિક અસરથી તોડફોડ શરૂ કરી દેવામાં આવી હતી.

નિકોલ વોર્ડના કોર્પોરેટર રણજિતસિંહ બારડે જણાવ્યું હતું કે મ્યુનિસિપલ કોર્પોરેશનની બેદરકારીના કારણે ચાર વેપારીઓએ જીવ ગુમાવવાનો વારો આવ્યો છે. વેપારીઓને કોઇ પણ પ્રકારની જાણ અને નોટિસ આપ્યા વગર જ દબાણ દૂર કરવા માટે તંત્ર પોલીસ બંદોબસ્ત સાથે આવ્યું હતું. મૃતક વેપારીઓને રૂ.રપ લાખનું વળતર મળે તે માટે આજે બપોરે મ્યુનિ. કમિશનર અને મેયરને આવેદનપત્ર આપવામાં આવશે.

…તો કમિશનર સામે ફોજદારી ગુનો દાખલ કરતાં અચકાઇશું નહીંઃ કોંગ્રેસ
વિપક્ષ કોંગ્રેસના નેતા દિનેશ શર્મા કહે છે કે આજે બપોરે ૪ વાગ્યે કોંગ્રેસ આ મુદ્દે કમિશનર ડી. થારાને ઘેરાવ કરશે તેમજ સમગ્ર કરુણાંતિકાની ઊંડાણપૂર્વક તપાસ માટે જવાબદારો સામે કડક કાર્યવાહી કરવાની માગણી કરતું આવેદનપત્ર સુપરત કરીશું. જો કમિશનર મૃતકોને ન્યાય અપાવવામાં નિષ્ફળ જશે તો તેમની વિરુદ્ધ ફોજદારી ગુનો દાખલ કરતાં પણ અચકાઇશું નહીં તેમજ કોર્ટના દરવાજા ખખડાવીશું.

ભૂપેન્દ્રસિંહ ચૂડાસમાના ભાઈ અને વલ્લભ કાકડિયાની મિલકતો બચાવાઈ!
રાજ્ય સરકારના વરિષ્ઠ પ્રધાન ભૂપેન્દ્રસિંહ ચૂડાસમા અને ભાજપના ધારાસભ્ય વલ્લભ કાકડિયાની મિલકતોને કપાતમાં જતી બચાવવા તંત્ર દ્વારા રોડ લાઇનમાં ફેરફાર કરાયાે તેેવો આક્ષેપ મ્યુનિ. કોંગ્રેસના નેતા દિનેશ શર્માએ કર્યો છે. ભૂપેન્દ્રસિંહના ભાઇ સુરધારા કોમ્પ્લેકસમાં ભાગીદાર હોઇ ટીપ- એકની બોર્ડરલાઇન બદલાઇ તો ટીપી-૬પમાં વલ્લભ કાકડિયાના બિલ્ડિંગને બચાવવા ઝીકઝેકવાળો રોડ બનાવાયો તેવો આક્ષેપ પણ મ્યુનિ. કોંગ્રેસના નેતા દિનેશ શર્માએ કર્યો છે.

મૃતકના પરિવારજનોને રૂ.૧૦ લાખનું વળતર અાપોઃ પાસ
પાટીદાર અનામત આંદોલન સમિતિના અતુલ પટેલે જણાવ્યું હતું કે ગઇ કાલે નિકોલ વિસ્તારમાં થયેલા દબાણને દૂર કરવા માટે મ્યુનિસિપલ કોર્પોરેશન દ્વારા થયેલી દીવાલને દૂર કરવાની કામગીરીમાં દીવાલ તૂટતાં ચાર પાટીદાર યુવકોનાં મોત નીપજ્યાં હતાં. આ તમામ મૃતકોને તાત્કાલિક અસરથી સરકાર દ્વારા રૂ.૧૦ લાખનું વળતર મળવું જોઇએ. આ વ્યકિતનાં જાહેર જીવનનો પ્રશ્ન છે. જેથી પાસ આ તમામ પાટીદાર યુવકોનાં મોત બદલ દોષિત અધિકારીઓ અને કર્મચારીઓ સામે કડક કાર્યવાહીની માગ કરે છે. વધુમાં તેમણે જણાવ્યું હતું કે રાજકીય પક્ષો અને મ્યુનિ. તંત્રના અધિકારીઓની મિલી ભગત હોઇ, જેથી ગેરકાયદે બાંધકામ થાય છે અને પછી નોટિસ આપી તોડી નાખવામાં આવે છે. તમામ મૃતક પાટીદાર યુવકોને ‘પાસ’ દ્વારા શ્રદ્ધાંજલિ આપવામાં આવશે અને બનશે તેટલી આર્થિક સહાય કરવામાં આવશે.

મેયરે ઇજાગ્રસ્ત આકાશની મુલાકાત લીધી
મેયર ગૌતમ શાહે આજે સવારે શારદાબેન હોસ્પિટલમાં ઇજાગ્રસ્ત આકાશ પટેલની મુલાકાત લઇને તેની ખબર અંતર પૂછ્યાં હતાં. મેયર કહે છે આકાશની ઘનિષ્ઠ સારવારની તંત્રને સૂચના અપાઇ છે.

શહેર ભાજપ પ્રમુખ દુકાનો તૂટશે નહીં તેવો દિલાસો અાપતા રહ્યા
શહેર ભાજપ પ્રમુખ જગદીશ પંચાલને દુકાનદારો છેલ્લા અઠવાડિયાથી મળતા હતા તેઓ તોડફોડ નહીં થાય તેવો જુઠ્ઠો દિલાસો આપતા રહ્યા. ડે.કમિશનર બચાણીએ તો ડિમોલેશનની કોઇ જાણકારી જ ન હતી. મ્યુનિ. અધિકારી પરમારે ઉદ્ધત વર્તન કરી અમને સૌને અપમાનીત કર્યા. પોલીસે મહિલાઓ પર લાઠીચાર્જ કર્યો. તેમ એક અસરગ્રસ્ત દુકાનદાર અશ્ચિન પ્રજાપતિ રોષભેર કહે છે.

હજુ પ૦૦ ટી.પી. રસ્તા ખુલ્લા કરવાના છે.
મ્યુનિ. કોર્પોરેશન સમક્ષ પ૦૦ ટી.પી. રસ્તા ખુલ્લા કરવાની દરખાસ્ત છે. જેમાં ખાડિયા ચાર રસ્તાથી પાંચ કૂવાનો પણ સમાવેશ થાય છે. પરંતુ તંત્રેએ નિકોલ ગામ રોડ લાઇનમાં જે પ્રકારે ઉતાવળ કરી તેવી જ ઉતાવળ શું આ તમામ ટીપી રસ્તાઓમાં કરશે. તેવો પ્રશ્ન લોકમુખે ચર્ચાઇ રહ્યો છે.

મ્યુનિ. અધિકારીઓ મૌન કમિશનર ડી. થારા, ડે.કમિશનર બચાણી સહિતના મ્યુનિ. ઉચ્ચ અધિકારીઓએ મૌન પકડી લીધું હોય તેમ એક પણ ઉચ્ચ અધિકારીનો આજે સવારથી ફોન પર સંપર્ક થઇ શકતો નથી.

ડિમોલિશનનાં ગાઇડ લાઇન માટે માગણી ઊઠી
• અઠવાડિયા પહેલાં અસરગ્રસ્તોને જાણકારી અાપવામાં અાવે.
• ડિમોલેશન દરમિયાન સમગ્ર વિસ્તાર કોર્ડન કરવામાં અાવે.
• ફાયરબ્રિગ્રેડનો કાફલો તૈનાત કરાય.
• એમ્બ્યુલન્સની વ્યવસ્થા રાખવામાં અાવે.
• પૂરતો પોલીસ બંદોબસ્ત મુકવામાં અાવે.

divyesh

Recent Posts

વિશ્વ ફરી એક વખત આર્થિક મંદીના આરે

નવી દિલ્હી: લેહમેન બ્રધર્સ નાદાર થયા બાદ ૧૦ વર્ષ પછી ફરી એક વખત વૈશ્વિક આર્થિક મંદીના સંકટની આશંકા વધી રહી…

3 mins ago

J&K: પુલવામા-શોપિયાંમાં સુરક્ષાબળો દ્વારા 10 ગામડાંઓની નાકાબંધી, ઘેર-ઘેર આતંકીઓની તપાસ

જમ્મુ-કશ્મીરઃ દક્ષિણ કશ્મીરમાં આતંકીઓ દ્વારા શુક્રવારનાં રોજ ત્રણ એસપીઓની હત્યા કરાયા બાદ સુરક્ષાબળોએ આતંકીઓની શોધખોળ કરવા માટે એક મોટું સર્ચ…

10 mins ago

આ યુવતીને જોઈને ભારતીય ચાહકોએ કહ્યુંઃ ભારત-પાક. વચ્ચે વધારે મેચ રમાડવી જોઈએ

દુબઈઃ ભારત-પાકિસ્તાન વચ્ચેની મેચ હંમેશાં હાઈ વોલ્ટેજ હોય છે. એશિયા કપ-૨૦૧૮માં ગત બુધવારે રમાયેલી ભારત-પાક.ની મેચ પણ ઘણી ચર્ચામાં રહી.…

24 mins ago

પાકિસ્તાન સામે ધમાલ મચાવવાની ઇચ્છાઃ સર જાડેજા

દુબઈઃ લગભગ એક વર્ષ કરતાં વધુ સમય બાદ ટીમ ઇન્ડિયામાં સામેલ થઈને ગઈ કાલે બાંગ્લાદેશ સામે ધમાકેદાર પ્રદર્શન કરીને મેન…

30 mins ago

મ્યુનિસિપલ કોર્પોરેશનનાં 20 ક્વાર્ટર્સના રિ-ડેવલપમેન્ટની કવાયત શરૂ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા વર્ષોજૂના મ્યુનિસિપલ ક્વાર્ટર્સના રિડેવલપમેન્ટ માટેનાં ચક્રો ગતિમાન કરાયાં છે. આ રિડેવલપમેન્ટ હેઠળ લાભાર્થીને ૪૦ ટકા…

58 mins ago

કર્ણાવતી ક્લબમાં મહિલાની છેડતીનો વિવાદઃ તપાસ કરવા સંચાલકોની ખાતરી

અમદાવાદ: તાજેતરમાં રાજપથ કલબમાં સ્વિમિંગ કોચ દ્વારા બાળકીઓને માર મારવાની ઘટનાનો વીડિયો વાઇરલ થયા બાદ તેના ઘેરા પ્રત્યાઘાતો પડ્યા છે.…

1 hour ago