અમદાવાદમાં લૂંટારૂઓ બેફામ, વેપારીને છરીનાં ઘા ઝીંકીને ચલાવી ખુલ્લેઆમ લૂંટ

અમદાવાદઃ નવરંગપુરામાં લૂંટારાઓએ આતંક મચાવ્યો ત્યારે પોલીસ નિષ્ક્રીય બની ગઇ હોય તેવું લાગી રહ્યું છે. લૂંટારાઓ છરીની અણીએથી ખુલ્લેઆમ લૂંટ ચલાવી રહ્યાં છે. કાયદા વ્યવસ્થાનાં ડર વગર જ લૂંટારાઓ બેફામ બની ગયાં છે. લૂંટારાઓએ 3થી વધુ લોકો પાસેથી લૂંટ ચલાવી છે. લૂંટારાનાં આતંકથી વેપારીઓમાં પણ ભયનો માહોલ ફેલાયો છે. લૂંટારાને પકડવા અને વેપારીઓને રક્ષણ આપવા માટે પોલીસ નિષ્ક્રીય બની ગઇ હોય તેવું લાગી રહ્યું છે.

અમદાવાદનાં લો ગાર્ડન વિસ્તારમાં લૂંટારાઓ બેફામ બન્યાં છે. સેન્ડવીચની દુકાનમાં નોકરી કરતા લાલુરામ ડામોર સવારે 6 વાગે નોકરી જવા નીકળતાં હતાં ત્યારે એકટીવા પર આવેલા બે લૂંટારાઓએ તેમને રોક્યાં અને છરીનો ઘા હાથ પર મારીને તેમનાં 10 હજાર રોકડા અને મોબાઈલની લૂંટ કરી.

આ ઘટનાથી લાલુરામ ભયભીત થઈ ગયાં. ઘટના સ્થળથી નજીક જ લો ગાર્ડન પોલીસ ચોકી હતી. પંરતુ પોલીસની હાજરી નહીં હોવાંથી લૂંટારાઓએ બેફામ લૂંટને અંજામ આપ્યો. આ ઘટનાની જાણ અન્ય વેપારીઓને થતાં જ તેઓ લાલુરામને લઈને પોલીસ સ્ટેશન પહોંચ્યાં હતાં. લાલુરામની એક મહિનાની કમાણી એવા પગારનાં રૂ.10 હજાર લૂંટારાઓ લૂંટીને જતાં રહેતા લાલુરામે સુરક્ષાને લઈને સવાલ ઉઠાવ્યો છે.

લો ગાર્ડન નજીક આ એક જ ઘટના નથી. પણ આ પ્રકારે 2થી 3 ઘટનાઓ તાજેતરમાં પણ બની છે. જે સેન્ડવીચની દુકાનમાં લાલુરામ નોકરી કરે છે તેનાં માલીકનાં ભાઈને પણ આ પ્રકારે લૂંટારાઓ રૂ 400ની લૂંટ કરીને ફરાર થઈ ગયાં હતાં. લૂંટ, ચેઈન સ્નેચીંગ અને મોબાઈલ સ્નેચીંગની ઘટના વઘતા સ્થાનિક વેપારીઓમાં પણ લૂંટારાઓને લઈને દહેશત અને પોલીસની કામગીરીને લઈને આક્રોશ વધ્યો છે.

વેપારીઓ એવું માની રહ્યાં છે કે ગુજરાત હવે ગુજરાત નથી રહ્યું પણ બિહાર અને યુપી બની રહ્યું છે. જ્યાં લોકો સુરક્ષિત નથી. લો ગાર્ડન નજીક પોલીસ ચોકી હોવા છતાં પોલીસ બેદરકાર છે. પોલીસની નિષ્ક્રીયતાથી લૂંટારાઓ બિલકુલ બેફામ બની રહ્યાં છે.

કાયદો વ્યવસ્થાનું પોલીસ રક્ષણ તો કરી શકતી નથી. પરંતુ તપાસનાં નામે બચાવ કરી રહી છે. આ ઘટનામાં પણ લો ગાર્ડન પોલીસ ચોકી નજીક હોવા છતાં બે લૂંટારાઓ છરીનાં ઘા ઝીંકીને લૂંટ ચલાવીને ફરાર થઈ ગયાં. પોલીસ ચોકી હોવા છતાં લોકો સુરક્ષિત નથી.

પોલીસ ચોકીનાં પીએસઆઈ એ.એચ.કાઝી ફકત તપાસનાં નામે પોલીસની બેદરકારીને છુપાવતાં રહ્યાં. ત્યારે અનેક સવાલો ઉભા થાય છે કે શું પોલીસ ચોકીમાં પોલીસ હતી? શું હવે લૂંટારાઓમાં પોલીસનો ડર જ નથી રહ્યો? પોલીસ વાહન ચોરને પકડીને સંતોષ મેળવે છે પણ લૂંટારાઓ તો બેફામ લૂંટ ચલાવીને પોલીસને પડકાર ફેકી રહ્યાં છે.

Dhruv Brahmbhatt

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

3 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

3 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

3 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

3 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

4 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

4 hours ago