Categories: Gujarat

સાબરમતી નદીમાંથી ચાર યુવકોની લાશ મળી આવી

અમદાવાદ: શહેરની સાબરમતી નદીમાં આત્મહત્યાના પ્રમાણમાં ઘટાડો થાય તે માટે મ્યુનિ. તંત્ર દ્વારા બ્રિજ ઉપર જાળી નાખવાની શરૂઆત કરાઇ છે, પરંતુ આત્મહત્યાના પ્રમાણમાં કોઇ ઘટાડો થાય તેવી શક્યતા જણાઇ રહી નથી. આજ સવારથી માત્ર બે કલાકની અંદર ફાયરબ્રિગેડની રેસ્ક્યૂ ટીમે સાબરમતી નદીમાંથી ચાર યુવકોની લાશ બહાર કાઢી હતી, જેમાં બહેરામપુરામાં રહેતા યુવકે પ્રેમ પ્રકરણમાં આત્મહત્યા કરી હોવાનું જાણવા મળ્યું છે. હાલમાં તમામ મૃતદેહને પીએમ અર્થે મોકલી સાબરમતી રિવરફ્રન્ટ ઇસ્ટ અને વેસ્ટ પોલીસે તપાસ હાથ ધરી છે.

ફાયરબ્રિગેડ રેસ્ક્યૂ ટીમના ફાયર જવાન ભરતભાઇ માંગેલાએ જણાવ્યું હતું કે આજે સવારે આઠેક વાગ્યાની આસપાસ તેમને મેસેજ મળ્યો હતો કે દધીચિબ્રિજ પાસે નદીમાં એક વ્યક્તિની લાશ પડી છે, જેથી તેઓ પોતાની ટીમ સાથે તાત્કાલિક ઘટનાસ્થળે દોડી ગયા હતા અને એક યુવકની લાશ બહાર કાઢી હતી. બાદમાં દધીચિબ્રિજ પાસેથી જ રેસ્કયૂ ટીમને અન્ય એક યુવકની લાશ મળી આવી હતી. આ મૃતક યુવકનું નામ હિતેશ નરસિંહભાઇ બારોટ (ઉં.વ. ૨૬, રહે. દૂધવાળી પોળ, ઘીકાંટા) હોવાનું જાણવા મળ્યું હતું. બંને મૃતદેહને ફાયરબ્રિગેડ દ્વારા પોલીસને સોંપવામાં આવ્યા હતા.

આ બંને મૃતદેહ કાઢ્યા બાદ નહેરુબ્રિજ અને સરદારબ્રિજ પાસે પણ બે વ્યક્તિની લાશ નદીમાં હોવાનો મેસેજ મળતાં જ સરદારબ્રિજ પાસે એનઆઇડી પાછળથી પ્રકાશ ખેમાભાઇ મકવાણા (ઉં.વ. ૨૦, રહે. ગરીબનગર વિભાગ-૪, બહેરામપુરા)ની લાશ બહાર કાઢી હતી. મૃતક પ્રકાશના ડાબા હાથના ભાગે કેટલાંક ઇજાનાં નિશાન જોવા મળ્યાં હતાં. પ્રાથમિક દૃષ્ટિએ બ્લેડથી ઘા માર્યા હોવાનું જાણવા મળ્યું હતું, જેથી યુવકે પ્રેમ પ્રકરણમાં આત્મહત્યા કરી હોવાનું પોલીસ માની રહી છે. નહેરુબ્રિજ પાસેથી મળેલી લાશ અને દધીચિબ્રિજ પાસેથી મળેલી એક વ્યક્તિની લાશની ઓળખ હજુ સુધી થઇ નથી. પોલીસે તમામ મૃતદેહોને પીએમ માટે મોકલી અકસ્માતે મોત નોંધી તપાસ હાથ ધરી છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

12 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

12 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

13 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

13 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

13 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

13 hours ago