Categories: Gujarat

ભગવાન જગન્નાથની રથયાત્રાને લઇને શહેર પોલીસે કરી તમામ તૈયારીઓ પૂર્ણ

અમદાવાદ : ભગવાન જગન્નાથની રથયાત્રાને ગણતરીનાં દિવસો બાકી રહયા છે. ત્યારે શહેરપોલીસે તમામ તૈયારીઓ પૂર્ણ કરી દીધી છે.139મી રથયાત્રામાં શાંતિપૂર્ણ માહોલ જાળવી રાખવા માટે શહેર પોલીસ સજ્જ થઈ ગઈ છે .અતિ સંવેદનશીલ ગણાતા વિસ્તારમાં બહારથી પોલીસ ફોર્સ મંગાવવામાં આવી છે.દરિયાપુર,શાહપુર જેવા સંવેદનશીલ વિસ્તારમાં 80 જવાનોની નાગાલેન્ડની ફોર્સ રોજ સાંજે ફુટ પેટ્રોલીંગ કરી રહી છે.

દરિયાપુરના રૂટ પર 47 જેટલા સીસીટીવી કેમેરા પણ લગાવવામાં આવ્યા છે.એસઆરપીનો કાફલો પણ વિસ્તારમાં તહેનાત કરાયો છે.રોજ સાંજે બેથી ત્રણ વખત ડ્રોન દ્વારા પૂરા વિસ્તારમાં ચાલી રહેલી હિલચાલની સમીક્ષા પણ કરાઇ રહી છેસૌથી મોટા ગણાતા રથયાત્રાના બંદોબસ્તમાં આસામની એક ટુકડી અને એક નાગાલેન્ડની એક ટુકડી હાલ અમદાવાદમાં તહેનાત કરી દેવા માં આવી છે.

આસામની ટુકડી માં 72 જવાન છે અને નાગલેન્ડ ની ટુકડી માં 80 જવાન છે.જેમાં મહિલા કર્મીઓ નો પણ સમાવેશ થઇ રહ્યો છે .બને ટુકડીનાં કૌશલય એવું છે કે માઈન્ડ થી એકદમ શાર્પ અને ફાયરિંગ માં માસ્ટરી ધરાવે છે.સંવેદનશીલ વિસ્તાર એવા દરિયાપુર, શાહપુર, રખિયાલ, જમાલપુરમાં હાલ આ બંને ટુકડીઓ ફુટ પેટ્રોલીંગ કરી રહી છે.

રથયાત્રામાં કોઇ છમકલાં કે કોમી તોફાનો ન થાય તે માટે થઇને શહેર પોલીસ, ક્રાઇમબ્રાંચ, એટીએસ જેવી સુરક્ષા એજન્સીઓ ખડેપગે રહેવા તૈયાર થઇ ગઇ છે…વાત કરવામાં આવે તો આ વર્ષે શહેરમાં નીકળનારી રથયાત્રાની સાથે રમઝાનનો તહેવાર પણ હોવાથી બહારથી વધુ પોલીસ ફોર્સ મંગાવવામાં આવ્યો છે.બીજીબાજુ ક્રાઇમબ્રાંચ તથા એટીએસે કોઇ છમકલાં ન થાય તે માટે થઇને ગુનાહિત ઇતિહાસ ધરાવતા ભાંગફોડિયા શખ્સો પર બાજ નજર રાખવાનું કાયમ રાખ્યું છે.

પોળમાં આવેલા મકાનના ધાબા પર પણ કોઇ પથ્થર ન હોય તે માટે થઇને પોલીસ ધાબા ચેકિંગ પણ હાથ ધરી રહી છે.સીસીટીવી કેમેરાનું ત્રણ સેન્ટર પર મોનિટરીંગ કરવામાં આવશે.રથયાત્રામાં જમાલપુરથી લઇને તમામ રૂટ પર એક એક ડ્રોન કેમેરાનો ઉપયોગ કરવામાં આવશે.સાંજે સ્થાનિક પોલીસ ડ્રોન સાથે એક્સપર્ટ બોલાવી વિસ્તારની ચકાસણી કરે છે.તેના ફોટો અને વિડીયો કોમ્પ્યુટરમાં સેવ કરી તેના પરથી આગળ કેવી રીતે કામગિરી હાથમાં લેવી તેની ભૌગોલિક પરિસ્થિતી પામીને પોલીસ કર્મચારીઓને તાલીમ અપાતી હોય છે.

139મી રથયાત્રા પણ શાંતિપૂર્ણ માહોલમાં સંપન્ન થાય તે માટે સંવેદનશીલ વિસ્તારમાં પોલીસે પણ એક્શન પ્લાન ઘડવાની સાથે સાથે તેમના વિસ્તારમાં રહેતા ગુનાહિત ઇતિહાસ ધરાવતા લોકોનું લીસ્ટ તૈયાર કરી તેઓને પાસા અથવા તડીપાર કરવાની પણ સાથો સાથ કામગિરી ચાલુ કરી દેવાઇ છે.

રથયાત્રા પોલીસ બંદોબસ્ત

 6 આઇજી, ડીઆઇજી

 2 એસપી

 70 એસીપી

 200 પીઆઇ, 400 પીએસઆઇ

 10 હજારથી વધુ કોન્સ્ટેબલ/હેડકોન્સ્ટેબલ/એએસઆઈ

 43 ફોર્સ કંપની (આરએએફ, નાગાલેન્ડ કંપની, આસામની કંપની, એસઆરપી, આરપીએફ)

 પોલીસના 300 વાહનો

 2 સ્નોર કેલ (કેમેરાવાળા વાહનો)

 5 નેત્ર

 10 ડોગ સ્ક્વોડ

 50 ઘોડેસવાર

 3 બીડીએસ

 કુલ 300 સીસીસીટીવી – 50 નવા

 3 કંટ્રોલરૂમ

કેવા રહેશે ડ્રોન કેમેરા

 400 મીટરની ઉંચાઇ વાળા ડ્રોન કેમેરા

 ચાર ગાંધીનગરથી અને એક એટીએસ તથા ક્રાઇમબ્રાંચનું ડ્રોન રખાશે

 આ ડ્રોન 4 કિલોમીટરની રેન્જ ધરાવે છે

 2 કિલોનું વજન ધરાવતા ડ્રોનમાં 40 મિનીટ સુધી બેટરી ચાલે છે

 આકાશમાં પક્ષી ન અડે તે માટે ખાસ રીતે તૈયાર કરાયા છે

 30થી પણ વધુ મેગાપિક્સલના કેમેરા ફીટ હોય છે

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

4 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

4 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

4 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

4 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

4 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

4 hours ago