VIDEO: અરબી સમુદ્રમાં સર્જાયું વેલમાર્ક લો-પ્રેશર, 30,31મેંએ પ્રિ-મોનસૂન થશે સક્રિય

અમદાવાદઃ હવે ટૂંક સમયમાં ગુજરાતમાં ગરમીથી રાહત મળી શકે તેવી સંભાવના સેવાઇ રહી છે. કારણ કે અરબી સમુદ્રમાં વેલમાર્ક લો-પ્રેશર સર્જાયું છે. જેનાં કારણે 30-31 મેંએ ગુજરાતમાં પ્રિ-મોન્સૂન સક્રીય થઈ શકે છે અને 1લી જૂને દક્ષિણ ગુજરાતમાં સામાન્ય વરસાદ થઈ શકે છે.

હવામાન વિભાગે આગાહી કરતાં કહ્યું કે હવે ટૂંક સમયમાં ગુજરાતની જનતાને ગરમીમાં રાહત મળશે. મહત્વનું છે કે આ વર્ષે 1લી જૂને કેરળમાં ચોમાસું બેસે તેવી શક્યતાઓ વ્યક્ત કરવામાં આવી છે. જો કે બીજી બાજુ અરબી સમુદ્રમાં વેલમાર્ક લો-પ્રેશર સર્જાયું છે. જેનાં કારણે દક્ષિણ ગુજરાતમાં 1લી જૂને વરસાદ એન્ટ્રી કરી શકે છે.

ઉલ્લેખનીય છે કે હાલમાં ઉનાળાની ઋતુ શરૂ છે ત્યારે ચારે બાજુ ગરમીનું વાતાવરણ છવાઇ ગયું છે અને ગરમીએ ભારે કહેર વર્તાવ્યો છે. લોકો કાળઝાળ ગરમીમાં આકરી ગરમી અને લૂનો સામનો કરી રહ્યાં છે.

મહત્વનું છે કે થોડાંક દિવસ અગાઉ હવામાન વિભાગે પણ દેશમાં આ વર્ષે ચોમાસું સારૂ રહેશે એટલે કે 97 ટકા વરસાદ થશે તેવી આગાહી પણ વ્યક્ત કરી હતી. જો કે હાલમાં મેકુનુ વાવાઝોડાએ ઓમાનમાં ચારે બાજુ કાળો કહેર વરસાવ્યો છે જેની અસર ગઇ કાલનાં રોજ સાગર કાંઠાનાં વિસ્તાર ગીર સોમનાથ ખાતે પણ જોવા મળી હતી.

એક બાજુ રાજ્યભરમાં ગરમીએ ભારે કહેર વરસાવ્યો છે. ત્યારે હવામાન ખાતાએ તાજેતરમાં જ લોકોને ઠંડક થાય એવાં સમાચાર આપ્યાં છે. કારણ કે, અરબી સમુદ્રમાં વેલમાર્ક લો-પ્રેશર સર્જાયું છે જેને લઇને આગામી 2 દિવસોમાં ગુજરાતમાં ચોમાસું બેસી શકે તેવી શક્યતાઓ સેવાઇ રહી છે. જે ખેડૂતો માટેનાં સૌથી સારા સમાચાર છે.

You might also like