Categories: Gujarat

અમદાવાદીઅોને મળશે મલ્ટિપર્પઝ સ્માર્ટકાર્ડ!

અમદાવાદ: મ્યુનિ. કોર્પોરેશનના સત્તાવાળાઓએ શહેરીજનોને મલ્ટિપર્પઝ સ્માર્ટકાર્ડ આપવાની દિશામાં ચક્ર ગતિમાન કર્યા છે. આગામી જૂન સુધીમાં અમદાવાદીઓ કોર્પોરેશનનું ક્રેડિટકાર્ડ જેવી સુવિધાઓ ધરાવતું સ્માર્ટકાર્ડને ખિસ્સામાં વટ કે સાથ રાખીને ફરી શકશે. નાગરિકોને એક જ કોમન સ્માર્ટ કાર્ડ ઉપલબ્ધ કરાવવાથી સમગ્ર દેશમાં શહેરની એક આગવી ઓળખ ઊભી થશે.

અત્યારે બીઆરટીએસ બસ સર્વિસમાં ઉતારુઓ માટે અને વિદ્યાર્થીઓ માટે ‘સ્માર્ટકાર્ડ’ ઉપલબ્ધ છે. વિદ્યાર્થીઓને સ્માર્ટ કાર્ડમાં ૪૦ ટકાનું કન્સેશન અપાય છે. આજની સ્થિતિએ બીઆરટીએસ સત્તાવાળાઓએ ૧.૨૦ લાખ સ્માર્ટકાર્ડ ઈસ્યૂ કર્યા છે. જેમાં વિદ્યાર્થીઓ માટેનાં ૩૦ હજાર સ્માર્ટકાર્ડ રોજબરોજની મુસાફરીમાં ઉપયોગમાં લેવાય છે.

પરંતુ હવે સત્તાધીશો સ્માર્ટકાર્ડ બેઝડ કોમન સિટી પેમેન્ટ સિસ્ટમ (સીસીપીએસ)ને અમલમાં મૂકવા જઈ રહ્યા છે. કોર્પોરેશનની મહત્ત્વાકાંક્ષી સીસીપીએસ સિસ્ટમ બીઆરટીએસના સ્માર્ડકાર્ડ કરતાં પણ નાગરિકો માટેની શ્રેષ્ઠતમ સુવિધા બની રહેશે. કેમ કે કોર્પોરેશન સંચાલિત એએમટીએસ અને બીઆરટીએસ આ બંને ટ્રાન્સપોર્ટ સેવાને આ સિસ્ટમ હેઠળ અપાનારા સ્માર્ટકાર્ડ હેઠળ આવરી લેવાશે.

હાલમાં એએમટીએસના દૈનિક સાડા છ લાખ ઉતારુઓ છે તેમજ એએમટીએસનો રોજનો વકરો આશરે રૂ.૨૮ લાખનો છે. એએમટીએસની દરરોજની આશરે ૮૬૫ બસ રોડ પર મુકાય છે. એએમટીએસના ઉતારુઓ માટે સ્માર્ટકાર્ડની સુવિધા ઉપલબ્ધ નથી. પરંતુ કોર્પોરેશનની નવી સીસીપીએસ સિસ્ટમ હેઠળ અપાનારા સ્માર્ટકાર્ડથી એએમટીએસના ઉતારુ પણ રોજનું ત્રણથી ત્રીસ રૂપિયા સુધીનું ભાડું સ્માર્ટકાર્ડના ઉપયોગથી ચૂકવી શકશે.

કોર્પોરેશન દ્વારા નવી સીપીએસ સિસ્ટમ માટે રૂ.૧૩ કરોડનું ટેન્ડર બહાર પડાયું છે. આગામી તા.૧૦ માર્ચ, ૨૦૧૬ ટેન્ડર જમા કરવાની છેલ્લી તારીખ છે. ત્યાર બાદ ટેન્ડર મંજૂર કરવાની પ્રક્રિયા હાથ ધરાઈને આગામી જૂન સુધીમાં અમદાવાદીઓ નવા સ્માર્ટકાર્ડની સુવિધા મળતી થઈ જશે.

અત્રે ઉલ્લેખનીય છે કે આ સીસીપીએસ સિસ્ટમ માટે રીટેન્ડર કર્યું છે. આના માટે એચડીએફસી બેન્ક, કોટક મહેન્દ્ર બેન્ક, આઈસીઆઈસીઆઈ બેન્ક, એસબીઆઈ બેન્ક, યસ બેન્ક અને એક્સિસ બેન્ક સહિત સાત બેન્કોએ રસ દાખવ્યો છે. ઈ-ગર્વનન્સનો હવાલો સંભાળતા આિસસ્ટન્ટ મ્યુનિ. કમિશનર રમ્ય ભટ્ટ કહે છે ‘કોર્પોરેશનના આ નવા સ્માર્ટ કાર્ડ પ્રી-પેડ પ્રકારના હશે. સ્માર્ટ કાર્ડ પર કોર્પોરેશન અને બેન્કનો લોગો હશે. જે બેન્ક અમને ઓછા ચાર્જમાં પ્રી-પેડ કાર્ડની સુવિધા પૂરી પાડશે. તેની સાથે કોર્પોરેશન કરાર કરશે.’

કોર્પોરેશનના જુદા જુદા ટેક્સ જેવા કે પ્રોપર્ટી ટેક્સ, પ્રોફેશનલ ટેક્સ, વિહિકલ ટેક્સ તેમજ કોર્પોરેશનની જુદી જુદી જગ્યાની પાર્કિંગ ફી, ટીડીઓ ફી, બિલ્ડિંગ પ્લાન, સ્વિમિંગ પૂલ ફી વગેરે પણ નાગરિકો નવા સ્માર્ટકાર્ડના ઉપયોગથી ભરી શકશે.

આગામી ડિસેમ્બર, ૨૦૧૭માં યોજાનારી વિધાનસભાની ચૂંટણી પહેલાં અમદાવાદમાં વસ્ત્રાલ ગામથી કાંકરિયા એપટેલ પાર્ક સુધીના પહેલા તબક્કામાં મેટ્રો રેલવે દોડતી થઈ જશે. કોર્પોરેશનના નવા મલ્ટિપર્પઝ સ્માર્ટકાર્ડ હેઠળ મેટ્રો રેલવેને પણ આવરી લેવાશે. એટલે કે મેટ્રો રેલવેના ઉતારુઓ પણ સ્માર્ટ કાર્ડથી ટિકિટ ભાડું ચૂકવી શકશે.

કોર્પોરેશનના સત્તાવાળાઓએ તંત્રની ટ્રાન્સપોર્ટ સેવાઓ, વિભિન્ન ટેક્સ, વિભિન્ન ફીની ચૂકવણી વગેરેને સ્માર્ટકાર્ડ હેઠળ ઉપલબ્ધ કરાવશે પરંતુ શહેરમાં અન્ય કોમર્શિયલ ચીજવસ્તુઓ ખરીદવા માટે પણ સ્માર્ટકાર્ડ કામ લાગશે.

divyesh

Recent Posts

પાંચ રાજ્યની ચૂંટણીઃ તમામ પક્ષ- નેતાઓની આકરી અગ્નિકસોટી

પાંચ રાજ્યની વિધાનસભાની ચૂંટણીઓનું કાઉન્ટડાઉન શરૂ થઇ ગયું છે અને છત્તીસગઢમાં પ્રથમ તબક્કાના ઉમેદવારોનું ભાવિ પણ ઇવીએમમાં સીલ થઇ ગયું…

9 mins ago

OMG! જાપાનના શિક્ષકે હોલોગ્રામમાં બનેલી ગાયિકા સાથે લગ્ન પર 13 લાખ રૂપિયા ખર્ચ્યા

ટોકિયો: જાપાનના એક સ્કૂલ શિક્ષકે આર્ટિફિશિયલ ઇન્ટેલિજન્સ હોલોગ્રામ સાથે લગ્ન કરી લીધાં છે. ૩પ વર્ષીય આકીહીકો કોન્દોએ વેડિંગ સેરેમની પર…

27 mins ago

ગુજરાત હાઇકોર્ટમાં પડી છે ભરતી, 10 પાસ કરી શકે છે APPLY

ગુજરાત હાઇકોર્ટમાં ઘણી બધી જગ્યા માટે ભરતી બહાર પાડવામાં આવી છે. આ ભરતીના માધ્યમથી પટાવાળાની જગ્યા પર ઉમેદવારની પસંદગી કરવામાં…

45 mins ago

ટેકાના ભાવે મગફળી ખરીદીનો આજે બીજો દિવસ, પ્રથમ દિવસે રૂ. 19 કરોડની ખરીદી થઈ

ટેકાના ભાવે મગફળી ખરીદીનો આજે બીજો દિવસ છે ત્યારે મગફળીની ખરીદીને લઈને ખેડૂતોમાં ખાસ ઉત્સાહ જોવા મળી રહ્યો નથી. પ્રથમ…

1 hour ago

રાજસ્થાન ચૂંટણીઃ કોંગ્રેસે જાહેર કરી પ્રથમ યાદી, રાહુલ ગાંધીના નિવાસ પર કાર્યકરોનો હંગામો

કોંગ્રેસ ગુરૂવારે રાતે રાજસ્થાન વિધાનસભા ચૂંટણી માટે 132 ઉમેદવારોની પહેલી યાદી જાહેર કરી દીધી છે. જો કે યાદી જાહેર થયાની…

2 hours ago

પાક અધિકૃત કાશ્મીરને પોતાનું રાજ્ય બનાવવા માટે પાકિસ્તાનની આ છે નવી ચાલ

ભારતના વિરોધ છતાં પાકિસ્તાન પોતાના કબજાવાળા કાશ્મીરને સત્તાવાર રીતે પોતાની સરહદમાં ભેળવવા માટે નવા પેંતરા કરી રહ્યું છે. પાકિસ્તાન સરકારે…

2 hours ago