VIDEO: શું આને કહેવાય વિકાસ? જો આ રોડ પરથી પસાર થશો તો ચોંટી જશો

અમદાવાદ: મહાનગરપાલિકા ભર ઊનાળે કામઢી બની ગઇ છે. આકાશમાં વાદળો ઘેરાયાં છે અને તેણે જમીન પર ઠેર-ઠેર ખાડા ખોદવાનું શરૂ કર્યુ છે. તો આ તરફ `વિકાસ’ને પુરપાટ દોડાવવા તેણે રોડ તૈયાર કરવાનું પણ શરૂ કરી દીધું છે.

પરંતુ ખરા બપોરે રોડ પર પાથરેલો ડામર પીગળી રહ્યો છે અને તે `વિકાસ’ પહેલા બીજા કોઈને આ રોડ પરથી પસાર થવા દેવા માગતો નથી અને એટલે જ તેનાં પરથી પસાર થતાં સહુ કોઈનાં પગરખાં જપ્ત કરી રહ્યો છે.

ગરીબોનાં ચંપલનો ભોગ લેનારા જે રોડની અમે વાત કરીએ છીએ તે અમદાવાદ શહેરનાં પશ્ચિમ ઝોનમાં આવેલાં અખબારનગર સર્કલ પરનો રોડ છે. આ રોડ પર ખરા બપોરે 43 ડિગ્રી તાપમાનમાં રસ્તા પર ડામર પાથરવામાં આવ્યો છે. મટીરીયલની હલકી ગુણવત્તા અને અને તીવ્ર ગરમીનાં કારણે રોડ પરનો ડામર પીગળી રહ્યો છે.

જેનાં કારણે રોડ પગપાળા પસાર થતાં અનેક નાગરિકો તકલીફમાં મૂકાઈ રહ્યાં છે. રોડ પર ચોંટી ગયેલા ચપ્પલનાં આ દ્રશ્યો એ વાતની ચાડી ખાય છે કે તેનાં પર ચાલનાર નાગરિકોની શું હાલત થઈ હશે. જો કે આ ભર ઉનાળે ડામરનાં રોડ પર કોઈને ઊઘાડા પગે ચાલવાનું પોષાય નહીં તેમ છતાં લાચાર થઈને કેટલાંક નાગરિકો ચપ્પલ ચોંટી જશે એ બીકે પોતાનાં પગરખા હાથમાં લઈને જ રોડ પરથી પસાર થઈ રહ્યાં છે.

તો કેટલાંક લોકો ખૂબ જ સાવચેતીથી પસાર થઈ રહ્યાં છે. રોડ પરથી પસાર થતાં વાહનચાલકોએ ખૂબ જ સાવધાની રાખવી પડી રહી છે. રખેને વાહન સ્લીપ ખાઈ જાય તો! તો આ તરફ ટ્રાફિકનું નિયમન કરનારા ટ્રાફિક કર્મીની ટ્રાફિકની બધી ચિંતા એક બાજુ મૂકી પોતાનાં બૂટ રોડ પર ચોંટી ન જાય તેની કાળજી રાખવા મજબૂર બન્યાં છે. તો આ તરફ આસપાસનાં રહીશો પણ પરેશાન છે.

ગત વર્ષે ભગીરથ ઇફ્રા. કંપનીને આ રોડ બનાવવાનો કોન્ટ્રાકટ આપવામાં આવ્યો હતો. રોડ હજી ગેરંટી પીરીયડમાં હતો તો પણ તૂટી ગયો હતો. જેનાં કારણે મ્યુનિ કોર્પોરેશને તેને નોટિસ પાઠવી હતી. તેણે હવે રિપેરિંગ કામ શરૂ કરી દીધું છે. તો આ તરફ કોર્પોરેશને રોડ કોન્ટ્રાકટરોને બચાવવા માટે રોડ પેઇન્ટિંગનો નવો પેતરો શોધી કોઢયો છે. તૂટેલાં આ રોડ પર હાલ પેઇન્ટિંગ કરવામાં આવી રહ્યું છે.

ઉલ્લેખનીય છે કે, ગત વર્ષે રોડનાં ખરાબ કામ બદલ ભગવતી ઈફ્રાને નોટિસ આપવામાં આવી હોવા છતાં આ વર્ષે કંપની આ વર્ષે પણ ભગવતી ઈફ્રાને નવા પશ્ચિમ ઝોનનાં 100 કરોડનાં રોડનાં ટેન્ડર ફાળવી દેવામાં આવ્યાં છે.

મેગાસિટી અમદાવાદ શહેર જેટલું મોટું, એટલી જ મોટી તેની મોટી સમસ્યાઓ છે. વિકાસનાં કામો લોકોને શાંતિનો હાશકારો આપે ત્યારે આપશે પરંતુ આ કામો નાગરિકોને હાલ તો રોજિંદા જીવનમાં ભારે અડચણરૂપ બની રહ્યાં છે.

Dhruv Brahmbhatt

Recent Posts

‘પે એન્ડ પાર્ક’નું કોકડું ગૂંચવાયું કોન્ટ્રાક્ટરોને કોઈ રસ જ નથી

અમદાવાદ: અમદાવાદ મ્યુનિ. કોર્પોરેશન દ્વારા ટ્રાફિક નિયમનના હેતુથી હાઈકોર્ટના આદેશના પગલે એક પછી એક પગલાં લેવાઈ રહ્યાં છે, જેમાં ઓગસ્ટ…

19 mins ago

ધારાસભ્યોને બખ્ખાંઃ પગાર અને ભથ્થામાં સીધો 45 હજારનો વધારો

ગાંધીનગર: વિધાનસભાગૃહમાં આજે સાંજે અચાનક તાત્કાલિક અસરથી ધારાસભ્ય, પ્રધાન, પદાધિકારીઓના પગાર વધારા અને ભથ્થાંમાં સુધારો કરતું બિલ ગૃહ રાજ્યપ્રધાન પ્રદીપસિંહ…

28 mins ago

પેટ્રોલ-ડીઝલના ભાવવધારાના વિરોધમાં કોંગ્રેસના ધારાસભ્યો સાઈકલ ચલાવી પહોંચ્યા વિધાનસભા

ગાંધીનગર: ગઇ કાલે વિધાનસભાનું બે દિવસનું સત્ર શરૂ થયું છે ત્યારે ખેડૂતોની દેવાં માફીના મુદ્દે તેમજ અન્ય સમસ્યાઓને લઇ કોંગ્રેસની…

35 mins ago

શાહીબાગમાં સ્કૂટર પર જતી મહિલા ડોક્ટરનું ચેઈન સ્નેચિંગ

અમદાવાદ: શાહીબાગ વિસ્તારમાં સિવિલ હોસ્પિટલના મહિલા ડોક્ટર ચેઈન સ્નેચિંગનો ભોગ બન્યા હતા. અસારવા ખાતે આવેલ સિવિલ કેમ્પસમાં રહેતી અને મૂળ…

41 mins ago

Ahmedabad શહેરમાં બે વર્ષમાં ખૂનના 379, લૂંટના 798 બનાવ બન્યા

અમદાવાદ: અમદાવાદ શહેરમાં જુલાઇ-ર૦૧૮ની સ્થિતિએ છેલ્લાં બે વર્ષ દરમ્યાન લૂંટ, ખૂન, ધાડ, ચોરી, જુગાર, બળાત્કાર, અપહરણ, આત્મહત્યા, અપમૃત્યુ, ચેઇન સ્નેચિંગ…

43 mins ago

પીવાની હેલ્થ પરમિટ માટે હવે ખર્ચવા પડશે રૂપિયા ચાર હજાર

અમદાવાદ: રાજ્યમાં હવે નશાબંધીના કાયદામાં વિધાનસભાગૃહમાં સુધારો કરીને કાયદાને કડક બનાવ્યો છે તે અંતગર્ત દારૂ પીવા માટેની હેલ્થ પરમિટની નીતિને…

48 mins ago