VIDEO: અમદાવાદની શાંતિ એશિયાટીક સ્કૂલની ફી મુદ્દે NSUIનો ઉગ્ર વિરોધ

અમદાવાદઃ શહેરનાં બોપલ વિસ્તારમાં આવેલી એશિયાટીક સ્કૂલમાં ફી મામલે હવે NSUI પણ મેદાનમાં ઉતર્યું છે. NSUIએ સ્કૂલ સંચાલકની ઓફિસમાં ભારે હોબાળો મચાવ્યો છે. શિવરંજની પાસે આવેલી ઓફિસમાં કાર્યકરોએ નકલી નોટો ઉડાવીને ઉગ્ર વિરોધ નોંધાવ્યો હતો.

NSUIએ ઓફિસની બહાર લાગેલાં પોસ્ટરો પણ તોડી પાડ્યાં હતાં. મહત્વનું છે કે એશિયાટિક સ્કૂલનાં સંચાલકોની ઓફિસ શિવરંજનીમાં આવેલી છે. 10થી 15 દિવસ પહેલાં NSUનાં સભ્યોએ સ્કૂલ ખાતે વિરોધ કર્યો હતો. જો કે તેવાં સમયે સ્કૂલનાં એક પણ ટ્રસ્ટીઓ ત્યાં હાજર ન હોતા જોવાં મળ્યાં.

જેને લઇને શિવરંજની ખાતે આવેલ ઓફિસ પર NSUIનાં સભ્યોએ વિરોધ કર્યો હતો. તે ઓફિસમાં જઇને ટ્રસ્ટીઓની જે ખુરશી છે તેની ઉપર નકલી નોટોનો ઢગલો કરીને તે નકલી નોટોને ઉછાળીને તેઓએ વિરોધ કર્યો હતો.

આ વિરોધમાં એવાં લખાણો જોવાં મળે છે કે જો તમારે પૈસા જોઇતા હોય તો અમે તમને ખોટી નોટો આપીએ છીએ પરંતુ વિદ્યાર્થીઓને લુંટવાનું બંધ કરી દો. તેમજ જે ફી FRCએ નક્કી કરી છે તે ધારાધોરણ મુજબ ફી લેવાનું રાખો.

You might also like