Categories: Gujarat

અમદાવાદ મ્યુનિ. ઢોરવાડાની બદતર હાલત

અમદાવાદ: તાજેતરમાં ગુજરાત હાઇકોર્ટ દ્વારા અમદાવાદીઓને કનડતી રખડતાં ઢોરની સમસ્યાના મામલે મ્યુનિસિપલ કોર્પોરેશનનો ઊધડો લેવાતાં તંત્રે હવે ‘રાઉન્ડ ધી ક્લોક’ની રખડતાં ઢોર પકડવાની ઝુંબેશ ચલાવી છે. છેલ્લા પંદર દિવસમાં સત્તાવાળાઓએ ૧ર૪પથી વધુ રખડતાં ઢોર પકડીને બહેરામપુરામાં આવેલા ઢોરવાડામાં પૂરી દીધાં છે તેમજ શહેરમાંથી વધુ ને વધુ રખડતાં ઢોર પકડવા નવાં વાહનો ખરીદવાનાં ચક્રો ગતિમાન કરાયાં છે. બીજી તરફ ઢોરવાડો બદથી બદતર હાલતમાં છે.

મ્યુનિસિપલ તંત્રની રખડતાં ઢોર પકડવાની ઝુંબેશ આમ તો હાઇકોર્ટની લાલ આંખના પગલે હાથ ધરાઇ છે. દરરોજ ૬૦થી ૭૦ રખડતાં ઢોર પકડીને ઢોરવાડામાં પૂરી દેવાનાે તંત્રનાે દાવાે છે, પરંતુ બહેરામપુરા ખાતેના એકમાત્ર ઢોરવાડામાં ઢોરની ખૂબ કફોડી હાલત છે.

બહેરામપુરામાં આશરે પાંચ લાખ સ્કવેર ફૂટના વિશાળ પ્લોટમાં અંદા‌િજત ૧પ૦૦ ઢોર રાખવાની ક્ષમતા છે, પરંતુ તંત્રના તાજેતરના અભિયાનથી પણ ઢોરવાડામાં ઠાંસી ઠાંસીને ઢોર પૂરવાં પડે તેવી દહેશત સર્જાઇ છે. ઢોરવાડાના પાછળના ભાગમાં અલ્લાનગર વિસ્તાર છે. અલ્લાનગરમાં કાયદેસર અને ગેરકાયદે ‌િચકન-મટનની દુકાન ધમધમતી હોઇ રખડતાં કૂતરાં ઢોરવાડાની વાડ ઠેકીને અંદર ઘૂસી આવે છે અને ઢોરવાડાનાં ઢોરને પરેશાન કરે છે. ગમાણમાં ખાડા પડવાથી ગાય-ભેંસના ફસકી પડવાથી ટાંટિયા તૂટે છે. ગમાણ ઉપરની છત પણ તૂટેલી-ફૂટેલી હાલતમાં છે, જેના કારણે ચોમાસામાં વરસાદી પાણી ઢોરની મુસીબતમાં વધારો કરે છે. ગમાણમાં ઢોરને ખીલે બાંધીને રાખવાની વ્યવસ્થા પણ જર્જરિત થઇ ચૂકી હોઇ ઢોરને ગમે તેમ આડાં કે ઊભાં રખાય છે. વર્ષોજૂની ગટર લાઇન તત્કાળ રિપે‌રિંગ માગી લે તેવી છે. વરસાદી પાણીના નિકાલની સિસ્ટમ પણ બાબા આદમના જમાનાની છે. ગટર લાઇન અને સ્ટ્રોમ વોટર ડ્રેનેજ લાઇનના તૂટેલા મેનહોલ અને કેચપીટના કારણે ભારે વરસાદમાં ઢોરવાડો જ જળબંબાકાર થાય છે.

ઊહાપોહ વધવાથી વહીવટી સત્તાવાળાઓએ ઢોરવાડાની મરામતની દિશામાં ચક્રો ગતિમાન કર્યાં હોવાનું જાણવા મળ્યું છે, જોકે ઢોરવાડાની સતત ઉપેક્ષા કરાતી હોઇ ઢોરવાડો ઢોર માટેનો કસાઇવાડો બન્યો હોવાના ગંભીર આક્ષેપ મ્યુનિસિપલ બોર્ડમાં થઇ ચૂક્યા છે.

divyesh

Recent Posts

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

6 mins ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્યમાન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

39 mins ago

દેશનાં 8 રાજ્યોમાં ભારેથી અતિ ભારે વરસાદની આગાહીઃ હવામાન વિભાગ

અમદાવાદઃ હવામાન વિભાગે દેશનાં 8 રાજ્યમાં વાવાઝોડા સાથે ભારે વરસાદની આગાહી કરી છે. જેનાં પગલે ગઈ કાલથી અમદાવાદ સહિત અનેક…

1 hour ago

આયુષ્યમાન ભારતઃ જાણો PM મોદીની આ યોજનાનો લાભ આપને મળશે કે નહીં?

મોદી સરકારની મહત્વાકાંક્ષી આયુષ્માન ભારત યોજના એટલે કે જન આરોગ્ય યોજનાનો આજે ભવ્ય શુભારંભ થવા જઇ રહેલ છે. ત્યારે આ…

2 hours ago

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

18 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

19 hours ago