Categories: Ahmedabad Gujarat

શહેર ક્રાઈમ બ્રીફઃ ક્યાંક ઘરના તાળાં તૂટ્યાં તો ક્યાંક દરોડા પડ્યા

અમદાવાદ, બુધવાર
ટ્રેકટર પરથી નીચે પટકાતાં યુવાનનું મોત
નારોલ વિસ્તારમાં ટ્રેકટર પરથી નીચે પટકાતાં એક યુવાનનું મોત થયું છે. નારોલ-પીરાણા ટોલનાકા ચાર રસ્તા પાસેથી પસાર થઇ રહેલા ટ્રેકટરને ટ્રકે ટક્કર મારતા અકસ્માતં ટ્રેકટર બેઠેલા રણછોડ ચમનભાઇ ઠાકોર નામના યુવાનનું મોત થયું હતું.

નજર ચૂકવી રૂ.રપ હજારની તફડંચી
રામોલ વિસ્તારમાં તફડંચીનો બનાવ બનતા પોલીસે ગુનો દાખલ કર્યો છે. રામોલમાં સાશ્વત મહાદેવ વિભાગ-રમાં આવેલી કેદાર આઇસક્રીમ એન્ડ પાન પાર્લર નામની દુકાનનાં કાઉન્ટરમાંથી ત્રણ ગઠિયા દુકાનદારની નજર ચૂકવી રૂ.રપ હજારની તફડંચી કરી નાસી છૂટ્યા હતા.

લૂંટનો ગુનેગાર મુદ્દામાલ સાથે ઝડપાયો
લૂંટમાં સંડોવાયેલા એક ગુનેગારને બાપુનગર પોલીસે લૂંટના મુદ્દામાલ સાથે ઝડપી લીધો હતો. લૂંટના ગુનામાં સંડોવાયેલા અને નાસતા ફરતા બે ગુનેગારો વિપુલ ઠાકોર અને કેતન ઠાકોરને બાપુનગર પોલીસે ઝડપી લઇ એક્ટિવા અને રોકડ સહિત લૂંટનો મુદ્દામાલ કબજે કરી આગળની તપાસ હાથ ધરી છે.

દારૂ-જુગારના અડ્ડા પર ઠેરઠેર દરોડા
શહેરના જુદા જુદા વિસ્તારમાં ચાલતા દારૂ અને જુગારના અડ્ડા પર પોલીસે ઠેરઠેર દરોડા પાડી ૪ર૦ લિટર દેશી દારૂ, ૧૬ બોટલ વિદેશી દારૂ, રૂ.ર૧ હજારની રકમ અને જુગારના સાધનો કબજે કરી ૭૭ શખસની ધરપકડ કરી આ અંગે ગુના દાખલ કર્યા છે.

અગમચેતીરૂપે ૧૭૮ ઇસમની અટકાયત
શહેરમાં કાયદો અને વ્યવસ્થાની પરિસ્થિતિ જાળવવાના હેતુસર અગમચેતીના પગલાંરૂપે પોલીસે જુદા જુદા વિસ્તારમાંથી ૧૭૮ ઇસમની અટકાયત કરી લોકઅપ ભેગાં કરી દીધા છે. આ ઉપરાંત નશાબંધીના ભંગ બદલ નવ દારૂડિયાને ઝડપી લઇ ગુના દાખલ કર્યા છે.

બે મહિલાએ સોનાના દોરા ગુમાવ્યા મકાનનાં તાળાં તોડી ઘરેણાંની ચોરી
શહેરના નરોડા અને નારોલ વિસ્તારમાં ચીલઝડપ અને ખાડિયામાં ચોરીનો બનાવ બનતા પોલીસે ગુના દાખલ કરી તપાસ હાથ ધરી છે. આ અંગેની વિગત એવી છે કે નરોડામાં સતનામ એન્ડ પટેલ વેબ્રિજ સામેના રોડ પરથી સ્કૂટર પર પસાર થઇ રહેલ દિવ્યાબહેન નિકુંજભાઇ ખાખી નામની વ્યક્તિનાં ગળામાંથી ગઠિયા સોનાનો દોરો તોડી ફરાર થઇ ગયા હતા. જ્યારે નારોલમાં ઇસનપુર-વટવા રોડ પર આવેલી મુખીની વાડી પાસેથી પસાર થઇ રહેલ સ્મિતાબહેન દિનેશભાઇ ચૌહાણના ગળામાંથી પણ સોનાનાં દોરાની ચિલઝડપ થઇ હતી.

આ ઉપરાંત ખાડિયા વિસ્તારમાં રાયપુર ખાતે આવેલી બઉવાની પોળમાં આવેલા એક મકાનનાં તાળાં તોડી તસ્કરો સોનાની ચેન, વીંટી, હિરાનો હાર, ચાંદીના ઝાંઝર તેમજ રૂ.૪૦ હજારની રોકડ રકમ સહિત આશરે રૂ.૧.૮૧ લાખની માલમત્તાની ચોરી કરતા પોલીસે કાર્યવાહી હાથ ધરી છે.

અમરાઇવાડીમાં વૃદ્ધાએ એસિડ પી લઇ જીવન ટૂંકાવી નાખ્યું
અમરાઇવાડી વિસ્તારમાં રહેતી એક વૃદ્ધાએ એસિડ પી લઇ જીવન ટૂંકાવી નાખતા પોલીસે આત્મહત્યાનો ગુનો દાખલ કરી સઘન તપાસ હાથ ધરી છે. પ્રાપ્ત માહિતી પ્રમાણે આ બનાવની વિગત એવી છે કે અમરાઇવાડી વિસ્તારમાં હાટકેશ્વર નજીક નાડીયાવાસ પાસે આવેલી શકરીબહેનની ચાલીમાં રહેતી મંગુબહેન રામાભાઇ નાડીયા નામના વૃદ્ધાએ પોતાના ઘરમાં મોડી રાત્રે એસિડ પી લેતાં તેને ગંભીર હાલતમાં એલ.જી. હોસ્પિટલ ખાતે સારવાર માટે ખસેડવામાં આવ્યા હતા જ્યાં સારવાર દરમ્યાન તેનું મોત થયું હતું.
પોલીસે વૃદ્ધાની લાશને પીએમ માટે મોકલી આપી આત્મહત્યા કરનાર વૃદ્ધાની ઘરની આજુબાજુમાં રહેતા લોકોની પૂછપરછ કરી નિવેદનો લીધા હતા પરંતુ હજુ સુધી વૃદ્ધાના આત્મહત્યા કરવા પાછળનું કોઇ ચોક્કસ કારણ જાણવા મળી શક્યું નથી. પોલીસે આગળની કાર્યવાહી શરૂ કરી છે.

Navin Sharma

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

12 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

12 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

13 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

13 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

13 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

13 hours ago