Categories: Gujarat

અમદાવાદમાં ગુનેગારોનું રાજઃ એક માસમાં લૂંટના સાત બનાવ

અમદાવાદ: શહેર પોલીસને હવે હત્યા, લૂંટ અને ચોરી જેવી ઘટનાઓ સામાન્ય લાગતી હોય એવી પરિસ્થિતિનું નિર્માણ થઇ રહ્યું હોય એવું લાગી રહ્યું છે. અવારનવાર શહેરમાં લૂંટ, હત્યાના ગંભીર ગુનાઓ બની રહ્યા છે ત્યારે પોલીસ જાણે નિદ્રાધીન હોય એ રીતે કાર્યવાહી કરી રહી છે. છેલ્લા એક જ મહિનામાં 6 થી વધારે લૂંટના બનાવો અને બે હત્યાના બનાવો બન્યા, જેમાંથી એક પણ ગુનાનો ભેદ ઉકેલવામાં પોલીસને સફળતા મળી નથી.

બે મહિનામાં જ 70 લાખથી વધુની મતા લૂંટારુઓ લૂંટીને ફરાર થઇ ગયા છે. દિનદહાડે ખાસ કરીને વેપારીઓ જ લૂંટના ભોગ બન્યા છે. આટલી લૂંટ-હત્યાના બનાવો બન્યા હોવા છતાંય શહેર પોલીસ તથા અમદાવાદ ક્રાઇમ બ્રાંચના પેટનું પાણી હાલતું નથી અને સામાન્ય ગુનાઓનો ભેદ ઉકેલવામાં જ પોલીસ રસ દાખવતી જોવા મળી છે. સાબરમતીમાં એક જ મહિનામાં બીજી હત્યા બનવા પામી છે.

ગુનેગારોના ખોફના લીધે શહેરીજનોમાં ફફડાટ ફેલાયો છે. વેપારીઓ દરરોજ કરોડો રૂપિયાની હેરફેર કરતા હોય છે, પરંતુ હવે શહેરની જનતા સુરક્ષિત નહિ હોવાના અનેક કિસ્સા સામે આવી રહ્યા છે પોલીસ હવે બંદોબસ્ત માટે જ છે, લોકોની સુરક્ષા માટે નહિ તેમ લાગી છે. ક્રાઇમ બ્રાન્ચને તો જાણે હવે ડિટેક્શનમાં રસ ન હોય એ રીતે આરામ ફરમાવી રહી હોય તેમ રો‌િજંદું કામ કરી રહી હોવાનું જાણવા મળ્યું છે.

વસ્ત્રાપુર, વટવા, કાલુપુર, આનંદનગર, નરોડામાં લૂંટની ઘટનાઓમાં પોલીસ હજુ ફાંફાં મારી રહી છે. શહેરમાં ગુનેગારો બેફામ બન્યા છે અને પોલીસ મૂકપ્રેક્ષક બનીને બેઠી છે. બે મહિનામાં જેટલી પણ લૂંટ થઇ છે તે તમામ લૂંટમાં લૂંટારુઓ બાઇક પર જ આવ્યા હતા, જેથી આ પ્રકારની લૂંટ પાછળ કોઇ ચોક્કસ ગેંગ હોવાનું પોલીસ માની રહી છે. નરોડામાં વેપારી ભરતભાઇના ઘર સુધી જે રીતે લૂંટારુઓ આવી પહોંચ્યા તે રીતે તો લૂંટારુઓએ ભરતભાઇની ઓફિસથી જ રેકી કરી લૂંટ ચલાવી હોવાનું પણ પોલીસ માની રહી છે.

છેલ્લા બે મહિનામાં થયેલી લૂંટ-હત્યા
– વસ્ત્રાપુરમાં 20 લાખ
– વટવામાં 3.5 લાખ
– દરિયાપુરમાં 15 લાખ
– આનંદનગરમાં 5 લાખ
– કૃષ્ણનગરમાં 10 લાખ
– સાણંદમાં 7 લાખ
– નરોડામાં 12 લાખ
– ફતેવાડીમાં ઘાટલોડિયાના યુવકની હત્યા
– સાબરમતીમાં યુવકની હત્યા
– સાબરમતીમાં વધુ એક યુવકની હત્યા

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

19 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

19 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

19 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

19 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

19 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

19 hours ago