OMG: સ્વિત્ઝરલેન્ડમાં દીપિકા પાદુકોણના બૉયફ્રેન્ડના નામ પર ચાલશે ટ્રેન

આલિયા ભટ્ટ અને રણવીર સિંહની ફિલ્મ ‘ગલી બોય’નું શૂટિંગ પુરું થઈ ચૂક્યું છે. આ સમયે રણવીર સિંહ કામથી બ્રેક લઈને સ્વિત્ઝર્લેન્ડમાં રજાઓનો આનંદ માણી રહ્યો છે.પરંતુ વાત આટલી જ નથી.

રણવીરની લોકપ્રિયતા સ્વિત્ઝર્લેન્ડમાં એટલી વધારે છે કે હવે તેના નામથી ત્યાં એક ટ્રેન પણ ચલાવવામાં આવી રહી છે.

મીડિયા રિપોર્ટ્સ અનુસાર, સ્વિસ ટૂરિઝમ ડિપાર્ટમેન્ટ ટૂંક સમયમાં ‘રણવીર ઑન ટૂર’ની શરૂઆત કરી રહ્યુ છે. રણવીર સ્વિત્ઝરલેન્ડ ટૂરિઝમનો બ્રાન્ડ એમ્બેસડર પણ છે અને આ સાથે જ તેની સારી એવી ફેન ફૉલોઇંગ પણ છે, તેની ફિલ્મ અહીંયા ખૂબ ચાલે છે.

રણવીર પહેલો એવો બોલિવુડ એક્ટર હશે, જેને આ સન્માન મળી રહ્યુ છે. સ્વિત્ઝરલેન્ડ રણવીરની ફેવરિટ જગ્યા છે, તેણે પોતાના સોશ્યલ મીડિયા પર વીડિયો પણ શૅર કર્યો છે.

 

રણવીરનું કહેવું છે કે આ મારા મનનો દેશ છે. અહીંયાં તમે જેટલી વાર આવો છો, તમને કંઈને કંઈ નવું જોવા મળે છે.

 રણવીર પહેલા પણ કહી ચૂક્યો છે કે સ્વિત્ઝર્લેન્ડમાં વિતાવેલી રજાઓ તેના માટે સૌથી વધારે રિલેક્સિંગ હોય છે.

You might also like