Categories: Cricket Sports

એબી ડિવિલિયર્સે આંતરરાષ્ટ્રીય ક્રિકેટને અચાનક કહ્યું અલવિદા….

મુંબઈઃ દક્ષિણ આફ્રિકાના સુપરસ્ટાર ક્રિકેટર એબી ડિવિલિયર્સે આંતરરાષ્ટ્રીય ક્રિકેટને અચાનક જ અલવિદા કહી દીધું. ૩૪ વર્ષીય આ વિસ્ફોટક બેટ્સમેને કહ્યું કે ૧૪ વર્ષની આંતરરાષ્ટ્રીય ક્રિકેટ કરિયરને વિરામ આપવાનો આ જ યોગ્ય સમય છે.

સોશિયલ મીડિયા પર વીડિયો મેસેજ દ્વારા ડિવિલિયર્સે કહ્યું કે તે હવે થાકી ગયો છે અને તેની ઊર્જા ખતમ થઈ રહી છે, પરંતુ પાછલાં ત્રણ વર્ષ પર નજર કરવામાં આવે તો જાણવા મળશે કે ડિવિલિયર્સ બહુ ઓછી આંતરરાષ્ટ્રીય મેચમાં રમ્યો છે. તેના થાકનું એક મોટું કારણ આઇપીએલને માનવામાં આવી રહ્યું છે, કારણ કે બે મહિના લાંબી આ ટૂર્નામેન્ટ થકવી નાખનારી હોય છે.

ડિવિલિયર્સે નિવૃત્તિની જાહેરાત કરતાં કહ્યું, ”મેં તાત્કાલિક અસરથી આંતરરાષ્ટ્રીય ક્રિકેટમાંથી નિવૃત્તિ લેવાનો નિર્ણય કર્યો છે. ૧૧૪ ટેસ્ટ, ૨૨૮ વન ડે અને ૭૮૭ ટી-૨૦ મેચ બાદ હવે સમય આવી ગયો છે કે કોઈ અન્યને તક મળે. ઇમાનદારીથી કહું તો હવે હું થાકી ગયો છું. મારી ઊર્જા ખતમ થઈ રહી છે અને જવા માટે આ જ યોગ્ય સમય છે. દરેક ચીજનો એક સમય હોય છે.”

જોકે આંકડા આનાથી તદ્દન ઊલટા છે. એબીડી પાછલાં ત્રણ વર્ષમાં ૨૧ ટી-૨૦, ૧૬ ટેસ્ટ અને ૪૧ વન ડે રમ્યો છે – એટલે કે કુલ ૭૮ આંતરરાષ્ટ્રીય મેચ. જો આને બે વર્ષના લેન્સથી જોવામાં આવે તો તેનો આંકડો ૪૩ મેચ (સાત ટી-૨૦, આઠ ટેસ્ટ અને ૨૮ વન ડે) પર રોકાય છે.

પાછલા એક વર્ષમાં ડિવિલિયર્સ પાંચ ટી-૨૦, આઠ ટેસ્ટ અને ૧૨ વન ડે રમ્યો છે. તેની ફિટનેસ અને ફોર્મમાં કોઈ ઊણપ નથી આવી. આનો પુરાવો તાજેતરમાં જ આઇપીએલમાં સનરાઇઝર્સ હૈદરાબાદ વિરુદ્ધ તેણે પકડેલો અદ્ભુત કેચ છે.

પાછલાં ત્રણ વર્ષની આઇપીએલ કરિયર પર નજર કરવામાં આવે તો તે ૩૭ મેચ રમ્યો. ૨૦૧૬માં તેણે ૧૬, ૨૦૧૭માં નવ અને આ વર્ષે ૧૨ મેચ રમી. આ ત્રણેય વર્ષમાં તેની બેટિંગમાં કોઈ કમી નથી આવી. આ વર્ષે તેણે ૧૭૪ના સ્ટ્રાઇક રેટ અને ૫૩ રનની સરેરાશથી ૪૮૦ રન બનાવ્યા, જ્યારે ૨૦૧૬માં તેણે ૧૬૯ના સ્ટ્રાઇક રેટ અને ૫૩ની સરેરાશથી ૬૮૭ રન બનાવ્યા હતા.

ગરમીની સિઝનના બે મહિના સુધી રમાતી આઇપીએલમાં કોઈ પણ ખેલાજી થાકી જાય છે. થાકેલા ખેલાડી જે પણ ટીમ તરફથી રમે છે તેનું પ્રદર્શન પણ મનોબળ તોડનારું હોય છે. પાછલી બે સિઝનમાં બેંગલુરુની ટીમ ગ્રૂપ સ્ટેજમાંથી જ બહાર ફેંકાઈ ગઈ છે.

divyesh

Recent Posts

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

10 mins ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

35 mins ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

39 mins ago

રાજ્યના PSIને મળી મોટી રાહત, પ્રમોશનની પ્રક્રિયા પર મુકેલો સ્ટે હાઇકોર્ટે હટાવ્યો

અમદાવાદમાં રાજ્યના સેંકડો પોલીસ સબ ઇન્સપેક્ટર માટે હાઇકોર્ટે મોટી રાહત આપી છે. પોલીસ ઈન્સ્પેક્ટરના પ્રમોશનની પ્રક્રિયા પર મુકેલો સ્ટે હાઈકોર્ટે…

1 hour ago

ખેડૂૂત આક્રોશ રેલીમાં પથ્થરમારા મામલે કોંગ્રેસના કાર્યકરો સહિત 1000ના ટોળા સામે ગુનો દાખલ

અમદાવાદ: ગાંધીનગરના સેકટર-૬માં સત્યાગ્રહ છાવણીમાં મંગળવારે કોંગ્રેસ દ્વારા ખેડૂત આક્રોશ રેલીનું આયોજન કરાયું હતું. સભા પૂૂરી થયા બાદ રેલી સ્વરૂપે…

2 hours ago

‘તુમ ચલે જાઓ મૈં ઇનકો દેખ લેતા હૂં’ તેમ કહીને યુવકે પીઆઈની ફેંટ પકડી

અમદાવાદ: શહેરમાં પોલીસે ટ્રાફિકની ઝુબેશ શરૂ કર્યા બાદ વાહનચાલકો અને રાહદારીઓની પોલીસ કર્મચારીઓ સાથે ઉગ્ર બોલાચાલી કરીને ઝપાઝપી કરવાની અનેક…

2 hours ago