AAPએ રાજીવ ગાંધીનો ભારત રત્ન પુરસ્કાર પરત લેવાની કરી માંગ

નવી દિલ્હી: આમ આદમી પાર્ટીએ રાજીવ ગાંધીના એક જૂના નિવેદનનો વિરોધ કર્યો છે. નિવેદનનો વિડીયો સામે આવતાં જ પાર્ટી નેતાઓની આકરી પ્રતિક્રિયા જોવા મળી છે. આમ આદમી પાર્ટીએ નિવેદનને સિખોના વિરોધ ગણાવતાં સરકાર પાસે માંગ કરી છે કે રાજીવ ગાંધીને આપવામાં આવેલી ભારત રત્નની ઉપાધિ પરત લેવામાં આવે.

પંજાબમાંથી આમ આદમી પાર્ટીની સીટ પર ચૂંટણી લડવા જઇ રહેલા એચએસ ફુલ્કાએ સરકારને ટ્વિટ પર અપીલ કરી અને કોંગ્રેસના નેતાઓને નિશાન પર લેતાં લખ્યું કે એવા વડાપ્રધાન જે હજારો માસૂમ લોકોની હત્યાને યોગ્ય ગણાવી રહ્યાં છે, તેમનો ભારત રત્ન પરત લેવો જોઇએ.


બીજી તરફ આમ આદમી પાર્ટીના નેતા કુમાર વિશ્વાસે નિવેદન આપતાં કહ્યું કે ‘ધર્મ પર મરી મટવા માટે હંમેશા તૈયાર, જીવંત અને સાહસી સિખ કોમના 1084ના નૃશંસ નરસંહાર પર તે સમયની કોંગ્રેસ સરકારનું બેશરમ મૌન અને તે સમયેનું રાજીવ ગાંધીનું બેશર્મ નિવેદન, કે ‘એક મોટું ઝાડ પડી જાય છે તો ધરતી હલે છે’ એકદમ શરમજનક હતું.’

કુમાર વિશ્વાસે કોંગ્રેસ નેતાઓને પણ નિશાન પર લેતાં કહ્યું કે ‘સૌથી નિર્લજ્જતા છે આજે કોંગ્રેસના નેતાઓના તે સ્ટેંટમેંટને ફરીથી પ્રચારિત કરવું, આ હકિકતમાં ખૂબ જ નિકૃષ્ટ અને ધૃણિત છે. પોતાના પૂર્વજો દ્વારા અમાનવીય અને અહંકારી કોંગ્રેસ માટે આ નિવેદન ભારે સાબિત થશે. સ્પષ્ટ છે કે આમ આદમી પાર્ટી પંજાબમાં સત્તાની જમીન શોધી રહી છે. એવામાં પાર્ટી સિખો સાથે જોડાયેલા કોઇપણ મુદ્દાને રાજકારણમાં ગુમાવવા માંગતી નથી.

You might also like