Categories: India

આપની જાહેરાતો પાછળ ૧૧ માસમાં રૂ. ૬૦ કરોડનો ખર્ચ

નવી દિલ્હી : અરવિંદ કેજરીવાલ સરકારની ‘આમ આદમી’ વિજ્ઞાપનોથી સરકારી તિજોરીને લગભગ રૂ.૬૦ કરોડનો બોજ પડ્યો છે. તેમાં રાજ્યના બધા જ વિભાગો દ્વારા પ્રિન્ટ,ટેલિવિઝન અને આઉટડોર પબ્લિસિટી  પરના તમામ અભિયાનોનો સમાવેશ થાય છે. જ્યારે દિલ્હી ઈન્ફર્મેશન એન્ડ પબ્લિસિટી  ડિરેક્ટોરેટે પોતાના રૂ.૫૨૬ કરોડના જંગી બજેટમાંથી રૂ.૨૫ કરોડ છૂટા કર્યા છે અને હજુ પણ જે અભિયાનો ચાલે છે અથવા પૂરા થયા છે તેની પાછળ રૂ.૩૫ કરોડનો ખર્ચ થશે.

 

એકલા એકી-બેકી ફોર્મ્યુલા અગાઉ અને તેના અમલ દરમ્યાન જોરશોરથી થયેલા પ્રચાર પાછળ રૂ.૨ કરોડનો ખર્ચ થયો છે. કેજરીવાલે લોકોના સંપર્કમાં રહેવા માટે અને ‘આમ આદમી’ના લખાણોના ફેલાવા માટે પ્રચાર અભિયાનોનો ઉપયોગ કર્યો છે. તેમની સરકારના પ્રથમ ૧૧ મહિનામાં લેફ્ટનન્ટ ગવર્નર નજીબ જંગ અને ભાજપના નેતૃત્વ હેઠળની કેન્દ્ર સરકાર સાથે સત્તાની વહેંચણી માટેના વિખવાદોને લઈને નવા ઉકેલો પૂરા પાડવાની તેમની ક્ષમતા હંમેશા ચકાસણી હેઠળ રહી છે.

 

ચાલુ નાણાકિય વર્ષ પૂરું થવામાં બે મહિના બાકી છે ત્યારે સરકાર તેની સત્તાને એક વર્ષ નિમિત્તે ૧૪મી ફેબ્રુઆરીની આસપાસ ફરી મોટા પાયે જાહેરાતોનો દોર ચલાવશે. આપના એકમાત્ર બજેટમાં જાહેરાત અને પબ્લિસીટી પાછળ રૂ.૫૨૬ કરોડની ફાળવણીને લીધે અન્ય પક્ષોએ રોષ વ્યક્ત કર્યો હતો.  કોંગ્રેસે રાજકીય ગણાતી જાહેરાતો માટે પ્રજાના નાણાંના કહેવાતા ગેરઉપયોગનો આક્ષેપ કરીને હાઈકોર્ટના દ્વાર ખખડાવ્યા હતા.

 

આ ૧૧ મહિનામાં આઠથી નવ મેગા અભિયાનો હતા અને આ તમામ મુખ્યમંત્રી અરવિંદ કેજરીવાલના વ્યક્તિત્વની આસપાસ તૈયાર કરવામાં આવ્યા હતા. આ ઉપરાંત દરેક વિભાગે તેની પોતાની જાહેરાતો પ્રસિધ્ધ કરી હતી. તેમાં આપ દ્વારા ચૂંટણી વખતે વીજળી અને પાણીની સબસિડીના આપેલા વચનના પાલનની, ભ્રષ્ટ અમલદારો વિશે માહિતી આપવા લોકોને ૧૦૩૧ હેલ્પ લાઈનનો ઉપયોગ કરવા કેજરીવાલ કહેતા હોય તેવી જાહેરાતોનો સમાવેશ થાય છે.

Navin Sharma

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

2 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

2 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

2 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

2 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

3 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

4 hours ago