અમદાવાદ નોકરીએ આવતા યુવાનનું બસના વ્હીલ નીચે આવી જતાં મોત

અમદાવાદ: અમદાવાદ નોકરી પર આવી રહેલા એક યુવાનનું નડિયાદના જૂના બસ સ્ટેશન પાસે બસ નીચે આવી જતાં ઘટનાસ્થળે જ કમકમાટી ભર્યું મોત થયું હતું.

પ્રાપ્ત માહિતી અનુસાર આ અંગેની વિગત એવી છે કે, નડિયાદમાં સંતરામ મંદિરની પાછળના ભાગે આવેલી વકીલ સોસાયટીમાં રહેતો ર૮ વર્ષીય ઘનશ્યામભાઇ અમદાવાદમાં કોઇ ખાનગી કંપનીમાં નોકરી કરતા હતા.

નોકરીના સમયે પહોંચવા ઘનશ્યામભાઇ સવારે ૭-૩૦ કલાકે અમદાવાદ આવતી બસમાં આવવા માટે બસસ્ટેન્ડ પર આવ્યા હતા આ વખતે જૂના બસસ્ટેશન પાસે બસમાં ચડવા જતાં તેમનો હાથ છટકતા તે નીચે પટકાયા હતા અને બસના વ્હીલ નીચે આવી જતાં તેમનું મોત થયું હતું. પોલીસે બસડ્રાઇવર જયેશ છગનલાલ વિરૂદ્ધ ગુનો દાખલ કરી આગળની કાર્યવાહી હાથ ધરી છે.

You might also like