લગ્નના એક અઠવા‌િડયા પહેલાં યુવકની ભેદી રીતે લટકતી લાશ મળી

અમદાવાદ: શહેરના સરસપુર વિસ્તારમાં આવેલ વિક્રમ મિલ કમ્પાઉન્ડમાં ગઇ કાલે ધોળા દિવસે એક યુવકની ઝાડ પર લટકતી હાલતમાં લાશ મળી આવતાં ચકચાર મચી ગઇ છે. અસારવા વિસ્તારમાં આવેલ ચંદનનગર સોસાયટીમાં રહેતા ૧૯ વર્ષીય શૈલેશ ઇશ્વરભાઇ પટણીની ગઇ કાલે સરસપુર વિસ્તારમાં આવેલી વિક્રમ મિલ કમ્પાઉન્ડમાં ગળાફાંસો ખાધેલી હાલતમાં લાશ મળી આવી હતી.

શૈલેશના કાકા રાજુભાઇએ જણાવ્યું છે કે શૈલેશ તેની વિધવા માતા સવિતાબહેન સાથે રહે છે. દોઢ વર્ષ પહેલાં પાટણમાં રહેતી યુવતી સાથે તેની સગાઇ થઇ હતી. શૈલેશનાં આવતા અઠવા‌િડયામાં લગ્ન હોવાથી તેની માતા પાટણ યુવતીના ઘરે ગઇ હતી. ર‌િવવારથી શૈલેશ પણ તેના ઘરે નહીં આવતાં તેનાં પરિવારજનોએ તેની શોધખોળ શરૂ કરી હતી.

ગઇ કાલે બપોરે ગોમતીપુર પોલીસ સ્ટેશનથી ફોન આવ્યો હતો કે શૈલેશે ગળાફાંસો ખાઇને આત્મહત્યા કરી છે. રાજુભાઇના જણાવ્યા અનુસાર શૈલેશને દારૂ પીવાનું કે બીજું કોઇ વ્યસન હતું નહીં. લગ્નને લઇ તે ખુશ રહેતો હતો ત્યારે તે આત્મહત્યા કરી જ ના શકે.

તેની હત્યા કરીને તેને લટકાવી દેવામાં આવ્યો છે. ગોમતીપુર પોલીસે આ મામલે અકસ્માત મોતનો ગુનો દાખલ કરીને તપાસ શરૂ કરી છે ત્યારે બીજી બાજુમાં રાજુભાઇ સહિત પરિવારજનોએ શૈલેશની લાશ લેવાનો ઇનકાર કરી દીધો છે. તેમની માગ છે કે જ્યાં સુધી પોલીસ આ કેસમાં યોગ્ય તપાસ શરૂ નહીં કરે ત્યાં સુધી અમે લાશને નહીં સ્વીકારીએ.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago