Categories: Gujarat

કોંગ્રેસના ૮૦ ટકા ઉમેદવારો પહેલી વખત ચૂંટણી જંગમાં ઊતર્યા

અમદાવાદ: ગુજરાતની આર્થિક રાજધાની ગણાતા અમદાવાદના પ્રતિષ્ઠાભર્યા કોર્પોરેશનના ચૂંટણી જંગમાં હાલના શાસક ભાજપને પરાજિત કરવા મુખ્ય વિરોધ પક્ષ કોંગ્રેસે નવી તાજગીભર રણનીતિ અપનાવી છે. કોર્પોરેશનની તમામે તમામ ૧૯૨ બેઠક પરથી કોંગ્રેસના ઉમેદવારો ચૂંટણી લડવાના છે, પરંતુ આ ઉમેદવારો પૈકી ૧૫૦ જેટલા તદ્દન નવા ચહેરાઓ છે.

કોંગ્રેસ નેતૃત્વએ પ્રારંભથી જ ઉમેદવારોની પસંદગીમાં સ્વચ્છ પ્રતિભા ધરાવતા યુવાઓને પ્રાધાન્ય આપવાની જાહેરાત કરી હતી. કોંગ્રેસમાં ત્રણ મહિના સુધી ત્રિસ્તરીય પદ્ધતિથી ઉમેદવારો નક્કી કરવાની કવાયત ચાલી, તેમાં પણ આ બાબત પર ખાસ ભાર મુકાયો હતો. પ્રજામાં એન્ટી ઈન્કમબન્સી, પાટીદાર આંદોલન જેવાં પરિબળોથી કોંગ્રેસની છાવણીમાં શરૂઆતથી ઉત્સાહ હતો એટલે સ્વાભાવિકપણે દાવેદારોનો ધસારો પણ હતો.

જેમાં સિનિયર કોર્પોરેટરો, ચાલુ કોર્પોરેટરો, જૂના જોગીઓ વગેરે પણ ટિકિટ ઈચ્છુકો હતા. તેમ છતાં કોગ્રેસ નેતૃત્વએ કુલ ૩૮ ચાલુ કોર્પોરેટરો પૈકી અડધોઅડધથી વધુ કોર્પોરેટરોને ઘરે બેસાડી દીધા. જેમાં સિનિયર કોર્પોરેટરોનો પણ સમાવેશ થાય છે. ૨૦૦૫ની ચૂંટણી કે તેની અગાઉની ચૂંટણી લડનારા અનુભવીઓ કે જૂના જોગીઓને પણ બોલાવી-બોલાવીને રાતોરાત ઉમેદવાર બનાવ્યા નહીં. પરંતુ કોંગ્રેસે ચૂંટણીનો બિલકુલ અનુભવ ન ધરાવતા સાવેસાવ નવા જ ચહેરાઓને કોંગ્રેસની ટિકિટ આપીને તેમના પર દાવ ખેલ્યો છે. નવા ચહેરાઓને ચૂંટણી જંગના મેદાનમાં ઉતારવાની કોંગ્રેસની રણનીતિ એટલી હદે રસપ્રદ છે કે ૮૦ ટકા ઉમેદવારોનાં નામ પહેલી વખત ઈવીએમ મશીનમાં ચકાસવાનાં છે એટલે કે ૨૨ નવેમ્બરે કોંગ્રેસ ફ્રેશ-ફ્રેશ ઈમેજ સાથે ચૂંટણી લડશે.

ભાજપે બિલકુલ વિપરીત ‘સ્ટ્રેટેજી’ અપનાવીને જૂના જોગીઓને વધારે મહત્ત્વ આપ્યું છે. અગાઉ ચૂંટણી લડી ચૂકેલા જૂના જોગીઓને ભાજપ હાઈકમાન્ડે ‘કસાયેલા કાર્યકરો’ તરીકેનું માન આપીને ફરીથી ટિકિટ આપી છે. જોકે શહેરના ૩૮.૮૩ લાખ સમજુ અને શાણા મતદારો છેવટે ભાજપ-કોંગ્રેસની સ્ટ્રેટેજીને પોતાના મતાધિકારોનો ઉપયોગ કરતી વખતે પસંદ કે નાપસંદ કરશે.

admin

Recent Posts

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

19 mins ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

1 hour ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

2 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

3 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

4 hours ago

“લવરાત્રિ” ફિલ્મનું નામ બદલી “લવયાત્રિ” કરાતા શિવસેનાનાં કાર્યકરોની ઉજવણી

વડોદરાઃ સલમાન ખાનની લવરાત્રિ ફિલ્મનાં નામને લઈને છેલ્લાં ઘણાં સમયથી વિવાદ ચાલી રહ્યો હતો. ત્યારે હવે આ ફિલ્મનું નામ બદલીને…

5 hours ago