નોટબંધીના માત્ર 22 દિવસમાં હૈદરાબાદમાં 2700 કરોડનું સોનુ વેચાયું

નવી દિલ્હી : વડાપ્રધાન નરેન્દ્ર મોદીએ નોટબંધીના નિર્ણ બાદ લોકોના ઘરમાં રહેલી તમામ જુની નોટોથી સોનાની ખરીદીમાં હૈદરાબાદ પણ પાછળ રહ્યું નથી. સુત્રો અનુસાર 8 નવેમ્બરથી 30 નવેમ્બર વચ્ચે લગભગ 2700 કરોડ રૂપિયાનું સોનુ ખરીદવામાં આવ્યું. ઇડીનાં અનુસાર આ સોનું બિસ્ટિક સ્વરૂપે ખરીદવામાં આવ્યો છે.

એક અંગ્રેજી અખબારનાં દાવા અનુસાર હૈદરાબાદમાં નોટબંધી દરમિયાન 8 હજાર કિલોગ્રામ સોનું આયાત કરવામાં આવ્યું હતું. નોટબંધી બાદ 1થી 10 ડિસેમ્બર સુધી લગભગ 1500 કિલોગ્રામ સોનુ આયાત કરવામાં આવ્યું. તેનો ઉપયોગ કાળાનાણાને સફેદ બનાવવા માટે કરવામાં આવ્યું છે.

એક અખબારી અહેવાલ અનુસાર હૈદરાબાદનાં જ્વેલર્સે સ્વિકાર્યું છે કે નોટબંધી બાદ તેની પાસે સોનાની માંગ વધી અને કેટલાકે સોનુ ખરીદવા માટે એડવાન્સ પેમેન્ટ પણ આપી દીધું. આ પ્રકારે લગભગ 5200 ગ્રાહકોની વાત જ્વેલર્સ દ્વારા સ્વિકાર કરવામાં આવી છે. 8-9 નવેમ્બરે મોડી રાત સુધી દુકાનો ખુલ્લી રાખવામાં આવી હતી.

You might also like