pokમાં પાકિસ્તાની સેના વિરુદ્ધ પ્રદર્શન, 500 લોકોની ધરપકડ

ગિલગિલત બાલિસ્તાન: પાકિસ્તાનના કબ્જા વાળા કાશ્મીરના ગિલગિલ બાલિસ્તાનમાં સ્થાનીક લોકોએ પાકિસ્તાની સુરક્ષાદળ વિરુદ્ધ પ્રદર્શન પર ઉતરી આવ્યા હતાં. આ લોકોએ પાકિસ્તાન વિરુદ્ધ નારા લગાવ્યા હતાં. આ પ્રદર્શન પછી આશરે 500 યુવાઓની ધરપકડ કરવામાં આવી હતી. પકડાઇ ગયા લોકોમાંથી ત્યાંના જાણીતા એક્ટિવિસ બાબા જાન પણ છે.

થોડાક દિવસો પહેલા એશિયન હ્યૂમન રાઇટ કમિશને પોતાના એક નિવેદનમાં ગિલગિત બાલિસ્તાનની પોલીસ દ્વારા કરવામાં આવતી અતિરેક વિરુદ્ધ એક નિવેદન આપ્યું હતું. એમાં કહેવામાં આવ્યું હતું કે પોલીસ સ્ટેશન ખૂલવાથી શાંત વિસ્તારમાં અશાંતિ થઇ ગઇ છે અને પોલીસ વસૂલીનું કામ કરી રહી છે.

શુક્રવારે પીએમ નરેન્દ્ર મોદીએ કહ્યું હતું કે જમ્મુ કાશ્મીર, લદાખ અને પીઓકે પણ ભારતનો જ ભાગ છે. તેમનું આ નિવેદન પાકિસ્તાન માટે જવાબ જેવું જ હતું જે છેલ્લા ઘણા સમયથી ભારતના ભાગના કાશ્મીરમાં થયેલી અશાંતિ પર સતત નિવેદન આપી રહ્યા છે.

પાકિસ્તાનના ઉત્તર ભાગમાં પીઓકેમાં અલગ પ્રશાસનિક ઇકાઇ દ્વારા શાસન કરવામાં આવે છે. અહીં ગુસ્સે થયેલા લોકોએ કહ્યું કે આશરે 500 યુવાઓને રાજનિતીક અધિકારની માંગ કરવા અને પાકિસ્તાની સેનાને ગિલગિતથી બહાર કરવાની માંગ કરવા પર ધરપકડ કરવામાં આવી છે. રોષે ભરાયેલા યુવાનોએ ગિલગિતની ગલીઓમાં ઉતરીને પાકિસ્તાની સરકાર અને સંસ્થાઓના વિરોધમાં પ્રદર્શન કર્યું. આ લોકો ગિલગિતના અલગ અલગ વિસ્તારો અસ્તોર , દિયામિર અને હુનજામાં પ્રદર્શન કરી રહ્યા છે.

ગિલગિતમાં રાજનિતીક દમન અને ઘરપકડો ત્યાં બની રહેલા ચીન પાકિસ્તાન ઇકોનોમિક કોરિડોરના વિરોધને લઇને થઇ રહી છે. સ્થાનીક લોકો લાંબા સમયથી આ પ્રોજેક્ટનો વિરોધ કરી રહ્યા છે. એમનું કહેવું છે કે આનાથી ફક્ત ચીન અને પાકિસ્તાનના પંજાબી વેપારીઓને ફાયદો થશે. વિરોધ કરી રહેલા લોકોનું કહેવું છે કે આ પ્રોજેક્ટમાં સ્થાનીક લોકોનો ભાગ ન હોવાને કારણે રોષે ભરાયેલા યુવાનો વિરોધ કરે છે. આશરે 500 યુવાનો જેલમાં છે. બાબા જાનની ધરપકડ પછી બીજા ઘણા લોકો રસ્તા પર ઉતરી આવ્યા છે અને તેમને જેલમાંથી મુક્ત કરવાની માંગ કરી છે.

You might also like