અમેરિકાના અખબારના કાર્યાલયમાં અંધાધૂંધ ફાયરિંગઃ પાંચ લોકોનાં મોત

વોશિંગ્ટન: અમેરિકાના મેરિલેન્ડ રાજ્યના એનાપો‌લિસમાં આવેલ અખબાર ‘કેપિટલ ગેઝેટ’ના કાર્યાલયમાં એક શખ્સે અંધાધૂંધ ગોળીબાર કરીને પાંચ લોકોને ઠાર માર્યા હતા. પોલીસના જણાવ્યા અનુસાર શોટગન અને સ્મોક્સ ગ્રેનેડ સાથે આવેલ શકમંદ હુમલાખોરની અટકાયત કરવામાં આવી છે.

આ હુમલાખોર મેરિલેન્ડનો નિવાસી છે અને તેની પૂછપરછ જારી છે. આ હુમલામાં અનેક લોકો ઘાયલ થયા છે. અા હુમલો ‘કેપિટલ ગેઝેટ’ ન્યૂઝપેપરની ઓફિસમાં થયો હતો. આ અખબારની ઓફિસ એનાપો‌લિસની ચાર માળની ઇમારતમાં આવેલ છે. એનાપો‌લિસ અમેરિકન રાજ્ય મેરિલેન્ડની રાજધાની છે.

સ્થાનિક મીડિયાના જણાવ્યા અનુસાર આ હુમલાખોરે અચાનક જ ન્યૂઝરૂમની બહાર અંધાધૂંધ ફાયરિંગ શરૂ કરી દીધુું હતું, જેમાં પાંચનાં મોત થયાં હતાં.

અધિકારીના જણાવ્યા પ્રમાણે અા હુમલો આતંકી નહીં, પરંતુ સ્થાનિક ઘટના હોવાનું માનવામાં આવે છે. ફેડરલ બ્યૂરો ઓફ ઇન્વેસ્ટિગેશન ટીમ ઘટનાસ્થળે પહોંચી ગઇ છે અને તપાસ જારી છે. ‘કેપિટલ ગેઝેટ’ના એક પત્રકારે ટ્વિટ કરીને જણાવ્યું હતું કે હુમલાખોરે કાચના દરવાજાની બીજી બાજુથી સૌ પહેલાં એક ગોળી છોડી હતી અને ત્યારબાદ કર્મચારીઓ પર અંધાધૂંધ ગોળીબાર કર્યો હતો. પત્રકાર ફિલ્ડ ડેવિસે જણાવ્યું હતું કે હુમલાખોરે ફાયરિંગ કરીને કેટલાય લોકોને લોહીલુહાણ કરી નાખ્યા હતા.

વ્હાઇટ હાઉસે જાણકારી આપી છે કે સમગ્ર મામલા અંગે રાષ્ટ્રપ્રમુખ ડોનાલ્ડ ટ્રમ્પને જાણ કરી દેવામાં આવી છે. ડોનાલ્ડ ટ્રમ્પે ટ્વિટ કરીને જણાવ્યું હતું કે મને કેપિટલ ગેઝેટમાં થયેલા ગોળીબાર અંગે માહિતી સંક્ષિપ્તમાં આપવામાં આવી છે. મારી સંવેદના પીડિતો અને તેમના પરિવારો સાથે છે.

અખબારના તંત્રી જીમી ડિબટસે ટ્વિટ કરીને જણાવ્યું હતું કે અત્યારે હું વાત કરી શકવાની સ્થિતિમાં નથી. ગોળીબાર થયા બાદ ૧૭૦ કર્મચારીઓને અખબારની ઇમારતમાંથી સુર‌િક્ષત બહાર કાઢવામાં આવ્યા હતા. આ ઇમારતમાં અન્ય અખબારોનાં કાર્યાલય પણ આવેલાં છે. કેપિટલ ગેઝેટ એક દૈનિક અખબાર છે, જેની ડિજિટલ વેબસાઇટ પણ છે. તે બાલ્ટીમોરટન મીડિયા સાથે સંકળાયેલ છે.

ઘટનાસ્થળે પોલીસ સહિત અન્ય વિભાગના અધિકારીઓ પહોંચી ગયા છે. પોલીસે પ્રેસ કોન્ફરન્સ કરીને જણાવ્યું હતું કે આ હુમલો કેપિટલ ગેઝેટ અખબારના કાર્યાલયને નિશાન બનાવીને કરવામાં આવ્યો હતો.

પોલીસે જણાવ્યું હતું કે હજુ સુધી આ હુમલા પાછળનું કારણ જાણવા મળ્યું નથી, પરંતુ અમને જાણ થઇ છે કે અખબારને હુમલા પહેલાં સોશિયલ મીડિયા પર કેટલીક ધમકી મળી હતી. પોલીસ હવે સોશિયલ મીડિયાના એકાઉન્ટની તપાસ કરી રહી છે કે જેથી ધમકી કોણે આપી હતી તે જાણી શકાય.

divyesh

Recent Posts

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

2 mins ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

27 mins ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

31 mins ago

રાજ્યના PSIને મળી મોટી રાહત, પ્રમોશનની પ્રક્રિયા પર મુકેલો સ્ટે હાઇકોર્ટે હટાવ્યો

અમદાવાદમાં રાજ્યના સેંકડો પોલીસ સબ ઇન્સપેક્ટર માટે હાઇકોર્ટે મોટી રાહત આપી છે. પોલીસ ઈન્સ્પેક્ટરના પ્રમોશનની પ્રક્રિયા પર મુકેલો સ્ટે હાઈકોર્ટે…

1 hour ago

ખેડૂૂત આક્રોશ રેલીમાં પથ્થરમારા મામલે કોંગ્રેસના કાર્યકરો સહિત 1000ના ટોળા સામે ગુનો દાખલ

અમદાવાદ: ગાંધીનગરના સેકટર-૬માં સત્યાગ્રહ છાવણીમાં મંગળવારે કોંગ્રેસ દ્વારા ખેડૂત આક્રોશ રેલીનું આયોજન કરાયું હતું. સભા પૂૂરી થયા બાદ રેલી સ્વરૂપે…

2 hours ago

‘તુમ ચલે જાઓ મૈં ઇનકો દેખ લેતા હૂં’ તેમ કહીને યુવકે પીઆઈની ફેંટ પકડી

અમદાવાદ: શહેરમાં પોલીસે ટ્રાફિકની ઝુબેશ શરૂ કર્યા બાદ વાહનચાલકો અને રાહદારીઓની પોલીસ કર્મચારીઓ સાથે ઉગ્ર બોલાચાલી કરીને ઝપાઝપી કરવાની અનેક…

2 hours ago