Categories: India Top Stories

સિયાચીન નજીક શક્સગમ ખીણમાં ચીન દ્વારા ૩૬ કિમી લાંબી સડકનું નિર્માણ

સિયાચીન: સરહદી વિસ્તારમાં ચીનની વિસ્તારવાદી નીતિનો એક વધુ નાપાક પુરાવો સામે આવ્યો છે. ઇન્ટેલિજન્સ સૂત્રોના જણાવ્યા અનુસાર ચીને પાક હસ્તકના કાશ્મીર (પીઓકે)માં લશ્કરી મથકોની આસપાસ ૩૭ કિમી લાંબી સડકનું નિર્માણ શરૂ કરી દીધું છે. આ સડક ચીને પાકિસ્તાને પોતાને આપેલા વિસ્તારમાં બનાવવામાં આવી છે. આ સડક નિર્માણથી ભારત સાથે જોડાયેલી સરહદ સુધી ચીની સૈન્યની પહોંચ વધુ સરળ બની જશે.

ચીને પાક. હસ્તકના કાશ્મીરની શક્સગમ ખીણમાં આ સડકનું નિર્માણ શરૂ કર્યું છે. આ વિસ્તાર ભારત-ચીન સરહદે વાસ્તવિક અંકુશરેખા નજીક આવેેલ સિયાચીનની નજીક છે. અહીં પાકિસ્તાને ચીનને જમીન ભેટમાં આપી હતી, જ્યાં ચીને સડક નિર્માણ શરૂ કર્યું છે.

અહેવાલો અનુસાર ચીન અહીં ૩૬ કિમી લાંબી સડક બનાવી રહ્યું છે. એવું કહેવાય છે કે શક્સગમ ખીણના ઉત્તર કિનારે આ નવી સડકનું નિર્માણ પુરજોશમાં ચાલી રહ્યું છે. મળતી માહિતી મુજબ ચીન અત્યાર સુધીમાં ત્યાં સાત મીટર પહોળાઇ ધરાવતી ર૧.૩ કિ.મી. લાંબી સડકનું નિર્માણ કરી ચૂકયું છે અને બાકીની ૧૪.પ કિ.મી. લાંબી સડકનું નિર્માણ કાર્ય પુરજોશમાં ચાલી રહ્યું છે.

આ માહિતી ગૂગલ દ્વારા મળી છે. ગૂગલ અર્થ ઇમેજ દ્વારા આ વિસ્તારમાં આ પ્રવૃત્તિ જોવા મળી છે, તેમાં બે નવી પોસ્ટ અને પાંચ કન્સ્ટ્રકશન કેમ્પ પણ જોવા મળ્યા છે. ડોકલામ વિવાદ બાદ પણ ચીન દ્વારા અહીં કેમ્પનું નિર્માણ અને આસપાસના વિસ્તારમાં અવરજવરને સરળ બનાવવા માટે સડક નિર્માણ કરી રહ્યું છે.

ભારતીય સરહદમાં ચીનનાં હેલિકોપ્ટરોની ઘૂસણખોરી
ચીન પોતાની હરકતો બંધ કરવાનું નામ લેતું નથી. વધુ એક વાર ચીનનાં હેલિકોપ્ટર ભારતની હવાઇ સીમામાં ઘૂસી આવ્યાં હતાં. ચીનના હેલિકોપ્ટર અંકુશરેખા પાર કરીને ભારતીય સરહદની અંદર ઘૂસી ગયાં હતાં. છેલ્લા એક મહિનામાં ચોથી વાર ચીનનાં હે‌િલકોપ્ટર ભારતીય હવાઇ સીમામાં ઘૂસી ગયાં હતાં.

ઇન્ટેલિજન્સ રિપોર્ટ અનુસાર ઉત્તરાખંડના બરાહોતી, લદ્દાખના ટવીય હાઇટ, લદાખથી બુર્તસે અને ડેપસાંગમાં ચીની હેલિકોપ્ટરોએ ઘૂસણખોરી કરી હતી. આ અગાઉ ૧૦ માર્ચ, ર૦૧૮ના રોજ ચીની સેનાનાં ત્રણ હે‌િલકોપ્ટર બરાહોતીમાં ઘૂસી ગયાં હતાં. આ હેલિકોપ્ટર ભારતની સરહદની ચાર કિ.મી. અંદર ઘૂસી આવ્યાં હતાં. આ ઉપરાંત ૮ માર્ચ, ર૦૧૮ના રોજ પણ લદાખના ટ્રેક જંકશનમાં ચીનના બે હેલિકોપ્ટરોએ ઘૂસણખોરી કરી હતી. અત્યાર સુધી ચીને ૪પ વખત ઘૂસણખોરી કરી છે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

10 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

11 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

11 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

12 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

12 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

13 hours ago