Categories: India

જેટલી વિરુદ્ધ કેજરીવાલ વતી રામ જેઠમલાણી કમાન સંભાળશે

નવી દિલ્હી: દિલ્હીના મુખ્યપ્રધાન અરવિંદ કેજરીવાલ અને આપના અન્ય નેતાઓ સામે ડીડીસીએ કૌભાંડના આક્ષેપોના મામલે નાણાપ્રધાન અરુણ જેટલી દ્વારા દાખલ કરવામાં આવેલ માનહાનિના દીવાની અને ફોજદારી કેસોમાં અરવિંદ કેજરીવાલ અને આપના અન્ય નેતાઓ વતી જાણીતા સિનિયર એડ્વોકેટ રામ જેઠમલાણી કોર્ટમાં કેસ લડશે. આ કેસમાં અરુણ જેટલી વિરુદ્ધ ડીડીસીએ ગોટાળાના આક્ષેપો કરનાર ભાજપના સાંસદ કીર્તિ આઝાદને સાક્ષી બનાવવામાં આવશે.

અરવિંદ કેજરીવાલે ટ્વિટ કરીને જણાવ્યું હતું કે જેટલી કોર્ટમાં કેસ કરીને અમને ડરાવવાની કોશિશ ન કરે. ભ્રષ્ટાચાર વિરુદ્ધ અમારો જંગ જારી રહેશે. અરવિંદ કેજરીવાલે વધુ એક ટ્વિટ કરીને જણાવ્યું હતું કે અરુણ જેટલીએ તપાસપંચ સાથે સહકાર આપીને પોતાની નિર્દોષતા સાબિત કરવી જોઇએ. તેમણે જણાવ્યું હતું કે જેટલીએ અમારી સામે માનહાનિનો કેસ દાખલ કરીને પોતાના જ પગ પર કુહાડો માર્યો છે અને તેઓ પોતાની જાળમાં જ ફસાઇ ગયા છે.

અત્રે ઉલ્લેખનીય છે કે જેટલીએ કેજરીવાલ અને આપના અન્ય પાંચ નેતાઓ સામે કેસ દાખલ કરીને રૂ.૧૦ કરોડના વળતરની માગણી કરી છે. પતિયાલા હાઉસ કોર્ટના મુખ્ય મેટ્રોપોલિટન મેજિસ્ટ્રેટ સંજય ખંગવાલે જેટલીને સમન્સ પહેલાં પુરાવા રજૂ કરવાનો આદેશ આપીને આ કેસની સુનાવણી તા.પ જાન્યુઆરી પર મુકરર કરી છે. હાઇકોર્ટમાં મંગળવારે સંયુકત રજિસ્ટ્રાર આ મામલા પર સુનાવણી કરશે. હાઇકોર્ટમાં આપ તરફથી અરજી દાખલ કરીને જેટલીની અરજી પર સુનાવણી પહેલાં પોતાના પક્ષનું સાંભળવા માટે અરજી કરી છે.

અરુણ જેટલી વતી વકીલ સિદ્ધાર્થ લુથરા કેસ લડી રહ્યા છે અને તેમણે અદાલતને જણાવ્યું હતું કે અરવિંદ કેજરીવાલ સહિત આપના નેતાઓ કેન્દ્રીય નાણાપ્રધાનને સતત નિશાન બનાવી રહ્યા છે.

admin

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

6 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

6 hours ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

7 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

9 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

11 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

11 hours ago