Categories: Gujarat

સુરદાસો અન્યના જીવનમાં સૂર રેલાવશે

પ્રજ્ઞાચક્ષુ વ્યક્તિઓને સુરદાસ તરીકે પણ ઓળખવામાં આવે છે અને આવા વ્યક્તિઓ તરફે સમાજ દયાભાવના રાખીને તેમને મદદ કરવામાં સેવા કાર્ય કર્યાનો સંતોષ મેળવે છે. જોકે કચ્છના પ્રજ્ઞાચક્ષુઓ હવે બીજાને મદદરૂપ બનવા કટિબદ્ધ બન્યા છે.

કોઈની મદદ લઈને જીવનમાં આગળ વધવાને બદલે અન્ય પ્રજ્ઞાચક્ષુઓ, વિકલાંગો, ગરીબ કે જરૂરતમંદોને મદદરૂપ કરીને સમાજનો ભાર હળવો કરવાના હેતુથી જ રચના કરાયેલી ‘લાયન્સ ક્લબ ઓફ કચ્છ – સાઈટ ફર્સ્ટ’ને વિશ્વમાં પ્રજ્ઞાચક્ષુઓની પ્રથમ લાયન્સ ક્લબ બનવાનું માન મળ્યું છે. પ્રજ્ઞાચક્ષુઓએ આ ક્લબ થકી સમાજને ઉપયોગી કાર્ય કરવાનું બીડું ઝડપ્યું છે.

ક્લબના પ્રમુખ ધર્મેન્દ્રસિંહ જાડેજા (આંશિક અંધ, રાત્રે જોઈ શકતા નથી) કહે છે,
‘અત્યાર સુધી સમાજે મદદ કરીને અમને પગભર કર્યા છે. આથી જીવનમાં સામાજિક-આર્થિક રીતે સક્ષમ બનેલાં લોકો પોતાની ત્રુટિઓને ભૂલીને અન્યોને મદદરૂપ થવા ઇચ્છતા અમારા ૨૦થી વધુ મિત્રોએ આ ક્લબની રચના કરી છે.

અમારા બે-ત્રણ મેમ્બર આંશિક અંધ છે, બાકીના સંપૂર્ણ અંધ છે. અમે ભવિષ્યમાં અન્ય અંધજનો, વિકલાંગો અને જરૂરતમંદોને મદદરૂપ થઈ શકાય તેવા કાર્યક્રમો હાથ ધરીશું. વિકલાંગોને રેલવેના સ્માર્ટ કાર્ડ કઢાવવામાં થતી સમસ્યાના નિવારણનું કામ સર્વપ્રથમ હાથ ધરાયું હતું, જેમાં સફળતા મળી છે.

રેલવેના સ્માર્ટ કાર્ડ માટે દરેક વિકલાંગને અમદાવાદનો ધક્કો ખાવો પડતો, પરંતુ અધિકારીઓને મળીને આ તકલીફ અંગે વાત કરી. હવે અધિકારી જ નિયત દિવસે ભુજ આવીને કાર્ડ માટેની તમામ ફોર્માલિટી પૂર્ણ કરશે તેવું નક્કી થયું છે. આ રીતે અમે દરેક સમસ્યાઓ સમજૂતીથી ઉકેલવા પ્રયત્ન કરીશું.’ આથી જ લાગી રહ્યું છે કે, અન્યોના જીવનમાં સૂર રેલાવવામાં સુરદાસો સહાયરૂપ થશે.

admin

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

7 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

7 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

8 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

8 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

8 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

9 hours ago