૨૦૧૬માં ગ્રેટ મુસ્લિમ વોર થશેઃ ૨૦ વર્ષ પહેલાં ભવિષ્યવાણી થઈ હતી

સોફિયા: ૨૦ વર્ષ પહેલાં અેવી ભવિષ્યવાણી થઈ હતી કે ૨૦૧૬માં વિશ્વભરમાં ગ્રેટ મુસ્લિમ વોર ફાટી નીકળશે. આ યુદ્ધ ૨૦૧૦માં અરબની ધરતી પરથી શરૂ થશે. ત્યારબાદ સિરિયામાં યુદ્ધ થશે. તેમજ ૨૦૪૩માં રોમમાં ખલીફા શાસનની સ્થાપના સાથે તેનો અંત આવશે. આ ભવિષ્યવાણી બલ્ગેરિયાનાં નેત્રહીન મહિલા ભવિષ્યવેત્તા બાબા વેંગાઅે કરી હતી. જેઓનું ૧૯૯૬માં ૮૫ વર્ષની વયે નિધન થયું હતું.

અેક અંગ્રેજી વેબસાઈટના જણાવ્યા મુજબ બાબા વેંગાને વોલકાંસના નાેસ્ત્રેદામસના નામથી ઓળખતા હતા. તેમણે અમેરિકામાં થયેલા ૯-૧૧ના હુમલા અને ૨૦૦૪માં આવેલી સુનામી અંગે પણ વર્ષો પહેલાં ભવિષ્યવાણી કરી હતી. તેમને માનનારા ખૂંખાર આતંકવાદી સંગઠન આઈઅેસઆઈઅેસના ઉદય અને તેના પ્રભાવને તેમની ભવિષ્યવાણી તરીકે જોઈ રહ્યા છે. જેમાં કહેવામાં આવ્યું છે કે આવનારા દશકાે યુરોપ માટે સંકટરૂપ બની રહેશે.

આવી ભવિષ્યવાણી કરનાર બાબા વેંગાનું અસલ નામ વેંગેલિયા પાંડેવા દિમિત્રોવા હતુ. તેમનો જન્મ બલ્ગેરિયામાં થયો હતાે. જન્મનાં ૧૨ વર્ષ સુધી તેમની આંખ સારી હતી. પરંતુ અેવું કહેવાય છે કે અેક મોટાં તોફાન દરમિયાન તેમની આંખમાં માટી ભરાઈ ગઈ હતી. જેના કારણે તેમની આંખોની રોશની ચાલી ગઈ હતી. તેમજ તેઓ તેમના પરિવારથી વિખુટા પડી ગયા હતા. અને ઘણા લાંબા સમય બાદ તેઓના પરિવારજનો સાથે તેમનું મિલન થયું હતું. ત્યારબાદ તેમણે અનેક સચોટ ભવિષ્યવાણી કરી હતી.

બાબા વેંગાઅે કરેલી ભવિષ્યવાણી મુજબ ઠંડા વિસ્તારો અેકાઅેક ગરમ થઈ જશે. અને જ્વાળામુખી સક્રિય થઈ જશે. આ ઉપરાંત સમુદ્રની વિશાળ લહેરો કેટલાંક કસ્બા અને માનવ વસ્તીવાળા અેક મોટા વિસ્તારને પાણીમાં સમાવી લેશે. તેમજ બધું જ પાણીમાં ગાયબ થઈ જઈને બરફની જેમ પાણી સાથે ભળી જશે.

જોકે થોડા સમય પહેલા ફ્રાન્સ અને અમેરિકામાં થયેલા આતંકવાદી હુમલાની ઘટનાઓ પરથી બાબા વેંગાઅે કરેલી ભવિષ્યવાણી સાચી પડી રહી હોય તેમ લાગે છે. વેંગાઅે ૫૦ વર્ષમાં લગભગ ૧૦૦ જેટલી ભવિષ્યવાણી કરી હતી. તેમાંથી મોટાભાગની ભવિષ્યવાણી સાચી પડી છે. તેમણે મોટાભાગે કલાઈમેટ અને કુદરતી આપતિઓને લગતી ભવિષ્યવાણી કરી હતી.

You might also like