Categories: Gujarat

સ્માર્ટ સિટી અમદાવાદના વિકાસ માટે પાંચ વર્ષમાં ૧૮૩૦ કરોડ ખર્ચાશે

અમદાવાદ : દેશના ૨૦ શહેરોમાંથી સ્માર્ટ સિટી તરીકેના દરજ્જામાં અમદાવાદનો  છઠ્ઠો ક્રમે અને સુરતનો ચોથોક્રમે જાહેર કરવામાં આવતા આગામી દિવસોમાં શહેરનો યુધ્ધના ધોરણે વિકાસ હાથ ધરાશે. પાંચ વર્ષમાં શહેરની પ્રાથમિક સુવિધાઓ સહિત અન્ય સુવિધાઓ પાછળ રૂ. ૧૮૩૦ કરોડનો જંગી ખર્ચે કરવામાં આવશે તેમ મેયર ગૌતમ શાહ આજે જણાવ્યું હતું.

મેયર શાહે વાત વાતમાં વધુ જણાવાયું હતું કે આગામી પાંચ વર્ષમાં હાઈકંમાન્ડ એન્ડ કંન્ટ્રોલ સેન્ટર વિથ ઓપ્ટિકલ ફાઈબર નેટવર્ક દ્વારા ટ્રાફિક, ડ્રેનેજ, પાણી વિગેરે સેવાઓનું મોનિટરિંગ કરાશે ઈન્ટ્રીગ્રેડેટ ટ્રાન્સિટ પ્લેટ ફોર્મ દ્વારા શહેરની પરિવહન સેવા એએમટીએસ, બીઆરટીએસ અને મેટ્રોનું સંકલન કરાશે. શહેરને એરિયા બેઈઝ્ડ ડેવલપમેન્ટ કરાશે. આમ શહેરનું યુધ્ધના ધોરણે નવનિર્માણ થશે.

સ્માર્ટ સિટી માટે કેન્દ્ર સરકાર દ્વારા દર વર્ષે ૧૦૦ કરોડ ફાળવવામાં આવશે જેમાં ૫૦ કરોડ રાજય સરકાર અને ૫૦ કરોડ મ્યુનિ. કોર્પોરેશનનો ફાળો મળીને કુલ રૂ. ૨૦૦ કરોડના શહેરના વિકાસ માટે ઉપયોગ થશે. જેમાં ઓવરબ્રિજ, અન્ડરબ્રિજ, રસ્તા પહોળા કરવા વિગેરે યોજનાઓનું આયોજન કરાશે આ ઉપરાંત રૂ. ૫૭૮ કરોડ સ્લમ (ઝૂંપડપટ્ટી) નાબૂદી માટે, ૧૧૫ કરોડ અમૃતમ આરોગ્યની યોજના અને રૂ. ૧૩૭ કરોડ પરિવહન માટે ખર્ચ થશે.

અમદાવાદ કોર્પોરેશન દ્વારા સ્માર્ટ સિટી મિશન પ્રોજેકટ હેઠળ વાડજ વિસ્તારમાં રામાપીરના ટેકરા, ગાંધી આશ્રમના વિસ્તારને સ્પેશિયલ એરિયા બેઈઝ્ડ ડેવલપમેન્ટ પ્લાન અંતર્ગત બનાવવાનું આયોજન કરાયું છે. જેનું ક્ષેત્રફળ આશરે ૫૫ હેકટર જેટલું થાય છે. આ ઉપરાંત ૨.૬૩ લાખ ચો.મી. વિસ્તારમાં ફેલાયેલી નવા વાડજની રામાપીર વસાહતને ડેવલપમેન્ટ કરાશે.

આ વસાહત માટે રસ્તા, બગીચા તેમજ અન્ય હેતુઓ માટે અંદાજિત ૧.૧૬ લાખ ચો.મી. જગ્યાનો ઉપયોગ કરાશે અને બાકીની જગ્યામાં પીપીપી ધોરણે હયાત ૬૨૭૦ ઝૂંપડાઓના સ્થાને ૮૦૦૦ પાકા મકાન બનાવાશે. જેની અંદાજિત પ્રોજેકટ કોસ્ટ રૂ. ૫૦૦ કરોડની છે. મ્યુનિ. સત્તાવાળાઓએ સ્માર્ટ ટ્રાન્સઝીટ હેઠળ નાગરિકો માટે બીઆરટીએસ, એએમટીએસ, એસટી તથા મેટ્રો રેલવે માટે કોમન કાર્ડ પેમેન્ટ સિસ્ટમ, આ તમામ જાહેરાત પરિવહનની સેવાઓના સંદર્ભમાં નાગરિકો માટે મોબાઈલ એપનું આયોજન હાથ ધર્યું છે.

ગૌતમ શાહે જણાવ્યું હતું કે, કેન્દ્ર સરકારે સ્માર્ટ સિટી પ્રોજેકટ અંતર્ગત દેશના ૯૭ શહેરો વચ્ચે સ્પર્ધા રાખવામાં આવી હતી. જેને સ્માર્ટ સિટી તરીકે વિકસાવવાના છે તેમાંથી આજે ૨૦ શહેરોના નામ જાહેર કર્યા છે.અમદાવાદ શહેરને સ્માર્ટ સિટીમાં સ્થાન મળ્યું છે તેમજ આ સ્માર્ટ સિટીને વિશ્વકક્ષાએ એક આગવી ઓળખ મળશે તે માટે વડાપ્રધાન નરેન્દ્રભાઈ મોદીનો તથા શહેરી વિકાસ મંત્રાલયનો અમદાવાદ શહેરના નગરજનો વતી આભાર માનું છું.

જેવી રીતે અમદાવાદ શહેરને કાંકરીયા લેક ફ્રન્ટ તથા સાબરમતી રિવર ફ્રન્ટ દ્વારા વડાપ્રધાને એમના ગુજરાતના મુખ્યમંત્રી તરીકેના કાર્યકાળ દરમ્યાન ભારત વર્ષમાં એક આગવી ઓળખ આપી છે તેમજ મુખ્યમંત્રી આનંદીબેન પટેલના સીધા માર્ગદર્શન હેઠળ તૈયાર કરવામાં આવેલ સ્માર્ટ સિટી પ્રપોઝલને આધારે આજે અમદાવાદ શહેરને સ્માર્ટ સિટી તરીકે વિકસાવાશે તે આપણા સૌ નગરજનો માટે ગૌરવ લેવાની બાબત છે. અમદાવાદનું સ્માર્ટ સિટી તરીકે મળેલ સ્થાન માટે અમદાવાદના તમામ નગરજનોને અભિનંદન પાઠવું છું

Navin Sharma

Recent Posts

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

14 mins ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

21 mins ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

22 mins ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

32 mins ago

શિવમ, સોનારિયા આવાસ યોજનાના રિડેવલપમેન્ટ માટે રૂપિયા 145.28 કરોડના ટેન્ડર બહાર પડાયાં

અમદાવાદ: તાજેતરમાં ઓઢવમાં ગરીબ આવાસ યોજના હેઠળ બંધાયેલા શિવમ આવાસ યોજનાના બે બ્લોક અચાનક ધરાશાયી થયા બાદ તંત્ર દ્વારા શહેરભરના…

37 mins ago

અમરાઇવાડીમાં રાતે ઘરમાં ઘૂસીને યુવકની દોરીથી ગળાફાંસો આપી હત્યા

અમદાવાદ: શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણસર હત્યાના બનાવ બની રહ્યા…

41 mins ago