Categories: Gujarat

૧૦ હજાર પોલીસ જવાન-અધિકારીઅોનું રિહર્સલ

અમદાવાદઃ ભગવાન જગન્નાથની ૧૩૯મી રથયાત્રાને બે દિવસ બાકી રહ્યા છે ત્યારે શહેર પોલીસ દ્વારા રથયાત્રાને લઈ તમામ તૈયારીઓ પૂર્ણ કરી દેવાઇ છે. રથયાત્રા અને ઈદનો તહેવાર સાથે અાવતો હોઇ પોલીસ દ્વારા ખાસ તકેદારી રાખવામાં અાવી છે. ૧૦ હજાર પોલીસ જવાનોના કાફલા સાથે શહેર પોલીસ કમિશનર શિવાનંદ ઝાની અાગેવાનીમાં અાજે સવારે રથયાત્રાના રૂટ ઉપર પોલીસ દ્વારા રિહર્સલ યોજવામાં અાવ્યું હતું.

રથયાત્રામાં કોઈ અનિચ્છનીય બનાવ ન બને તેમજ શાંતિ અને કોમી એખલાસના વાતાવરણમાં રથયાત્રા સંપન્ન થાય તેને લઈ પોલીસ દ્વારા એક મહિનાથી તૈયારીઓ શરૂ કરી દેવામાં અાવી હતી. અાશરે ૧૬ થી ૧૭ હજાર જેટલા પોલીસ જવાનોનો બંદોબસ્ત રથયાત્રા માટે રાખવામાં અાવ્યો છે. અાજે સવારે શહેર પોલીસ કમિશનર શિવાનંદ ઝાની અાગેવાનીમાં રથયાત્રાના રૂટ ઉપર રિહર્સલ યોજવામાં અાવ્યું હતું, જેમાં ક્રાઈમ બ્રાન્ચના ઉચ્ચ અધિકારીઓ, પોલીસ અધિકારીઓ તેમજ જવાનોનો કાફલો હતો.

ઉપરાંત બહારથી બોલાવાયેલી કંપનીઓ, ડોગ સ્કવોડ, નેત્ર કેમેરાવાન, વજ્ર વગેરે રિહર્સલમાં જોડાયા હતા. રથયાત્રાની સુરક્ષામાં કોઈ ચૂક ન રહી જાય તેનું ખાસ ધ્યાન રાખવામાં અાવ્યું હતું. પોલીસ અધિકારીઓએ શહેરના સંવેદનશીલ તેમજ અતિસંવેદનશીલ વિસ્તારોમાં રથયાત્રા દરમિયાન કોઈ પણ કાંકરીચાળો ન થાય અને જો નાની-મોટી ઘટના બને તો તે પરિસ્થિતિ પર કઈ રીતે કાબૂ મેળવવો તે અંગેનાં અમુક સૂચનો કર્યાં હતાં. હાલમાં પોલીસ દ્વારા સતત બે દિવસ અતિસંવેદનશીલ વિસ્તાર એવા દરિયાપુર, શાહપુર અને ખાડિયામાં પેટ્રોલિંગ કરવામાં અાવી રહ્યું છે. અાવતી કાલે પણ પોલીસ દ્વારા રિહર્સલ અને ફ્લેગમાર્ચ યોજાશે.

Navin Sharma

Recent Posts

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

45 mins ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

1 hour ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

2 hours ago

કેન્દ્ર સરકાર ૧૪ મેગા નેશનલ એમ્પ્લોઈમેન્ટ ઝોનની કરશે રચના

નવી દિલ્હીઃ રોજગાર મોરચે સતત ચોમેરથી ટીકાનો સામનો કરી રહેલ કેન્દ્રની મોદી સરકાર આગામી લોકસભાની ચૂંટણી પૂર્વે એક મોટી યોજના…

2 hours ago

ભરેલાં ટામેટાં બનાવો આ રીતે ઘરે, ખાશો તો આંગળા ચાટતા રહી જશો

બનાવવા માટેની સામગ્રી: લાલ કડક ટામેટાં: ૧૦ જેટલાં નાના ઝીણું ખમણેલું લીલું કોપરું: ૪ ચમચાં આખા ધાણાં: ૪ ચમચા મરીઃ…

2 hours ago

નહેરુનાં કારણે આજે એક ચા વાળો બન્યો દેશનો વડા પ્રધાનઃ શશી થરુર

નવી દિલ્હીઃ કોંગ્રેસનાં નેતા શશી થરુરે વધુ એક વખત વડા પ્રધાન નરેન્દ્ર મોદી સામે નિશાન સાધ્યું છે. શશી થરુરે એક…

3 hours ago