Categories: News

હુર્રિયત નેતાઓ નજરકેદ થયા અને છુટ્યાઃ ૧૨૦ મિનિટનો હાઇવોલ્ટેજ ડ્રામા

નવી દિલ્હી : સૈયદ અલી શાહ ગિલાની અને મીરવાઇઝ ઉમર ફારુક સહિત ટોપ કાશ્મીરી અલગતાવાદી નેતાઓને ગુરૂવારે નજરબંદી માંથી મુક્ત કરી દેવામાં આવ્યા હતા. જો કે નજરબંધી અને તેને હટાવવાનો સંપુર્ણ ઘટનાક્રમ સામે આવ્યો છે. વાત જાણે એમ બની છે કે આની પાછળ પીડીપી અધ્યક્ષ મહેબુબા મુફ્તી હતા, જે અલગતાવાદી નેતાઓને તુરંત જ મુક્ત કરવાની જીદ કરી હતી. 

એક અગ્રણી ચેનલે દાવો કર્યો હતો કે નજરકેદ અને મુક્તિનાં આ 120 મિનિટનાં ઘટનાક્રમમાં અંતે જમ્મૂ કાશ્મીરમાં મુખ્યમંત્રી મુફ્તી મોહમ્મદ સઇદને અલગતાવાદી નેતાઓને મુક્ત કરવાની પોતાની પુત્રી મહેબુબાની જીદ આગળ ઝુકવું પડ્યું હતું.

જમ્મૂ કાશ્મીરની મુફ્તી સરકારે ગુરૂવારે સવારે 9.57 વાગ્યે હુર્રિયતનાં અલગતાવાદી નેતાઓની નજરકેદનાં આદેશ આપ્યા હતા. આ કાર્યવાહીને પાકિસ્તાનનાં રાષ્ટ્રીય સુરક્ષા સલાહકાર સરતાજ અજીજની સાથે દિલ્હીમાં રવિવારે તેમની પ્રસ્તાવિત બેઠક માટેની પુર્વતૈયારી માનવામાં આવી રહી હતી. 

સૂત્રો અનુસાર મહેબુબા મુફ્તીને આ વાત સંપુર્ણ અયોગ્ય લાગી હતી અને તેમણે હુર્રિયત નેતાઓને મુક્ત કરવા માટે પોતાની તમામ તાકાત લગાવી દીધી. મહેબુબાની જિદ આગળ મુફ્તિ સરકારે નમવું જ પડ્યું. જેનાં કારણે 120 મિનિટ બાદ એટલે કે બપોરે 12.05 વાગ્યે નજરકેદ કરાયેલા તમામ નેતાઓને મુક્ત કરવામાં આવ્યા. 

અત્રે ઉલ્લેખનીય છે કે પોલીસે ગુરૂવારે સવારે હુર્રિયત કોન્ફરન્સનાં ઉદારતાવાદી જુથનાં પ્રમુખ મીરવાઇઝ ઉમર ફારુક, મૌલાના મોહમ્મદ અબ્બાસ અંસારી, મોહમ્મદ અશરફ સેઇરાઇ, શબ્બીર અહેમદ શાહ અને અયાઝ અકબર સહિત ઘણા અલગતાવાદી નેતાઓની ગતિવિધિઓ પર પ્રતિબંધ લગાવી દીધી હતો. પહેલાથી જ નજરકેદમાં રહેલા હુર્રિયતનાં કટ્ટરપંથી નેતા સૈયદ અલીશાહ ગિલાનીનાં હૈદરપુરા ખાતેનાં મકાનની બહાર સુરક્ષાકર્મીઓને ફરજંદ કરી દેવાયા હતા. 

સાથે સાથે જ જેકેએલએફ અધ્યક્ષ યાસીન મલિકને મૈસુમાં ખાતેનાં તેમનાં ઘરેથી ઝડપી લેવામાં આવ્યા હતા અને કોઠીબાગ પોલીસ સ્ટેશનમાં રાખવામાં આવ્યા હતા. ત્યાર બાદ અધિકારીઓએ યૂ ટર્ન લેતા અલગતાવાદી નેતાઓ પર લગાવેલ નજરકેદ અચાનક જ કોઇ કારણ દર્શાવ્યા વગર જ હટાવી લીધી હતી. 

admin

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

2 hours ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

2 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

3 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

3 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

4 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

5 hours ago