હિલેરી પતિ બિલ ક્લિન્ટનને મારતા હતા!

વૉશિંગ્ટન : અમેરિકી પ્રમુખપદના ઉમેદવાર હિલેરી ક્લિન્ટન પોતાના પતિ બિલ ક્લિન્ટનને મારપીટ કરતાં હતાં. નખ મારીને ઉઝરડા કરતાં બિલના શરીરમાંથી લોહી પણ કાઢતાં હતાં. ‘ક્લિન્ટ્ન્સ વૉર ઑન વિમેન’ શીર્ષક હેઠળ બહાર આવેલા પુસ્તકમાં મુજબ દાવા કરવામાં આવ્યા છે. રાજકીય વ્યૂહરચનાકાર રોજર સ્ટોને હિલેરી વિષે પુસ્તક લખ્યું છે. પુસ્તકમાં બિલ ક્લિન્ટન અરકાન્સાસ પ્રાંતના ગવર્નર હતા તે દિવસોના અનેક કિસ્સા વર્ણવવામાં આવ્યાં છે. પુસ્તકમાં હિલેરીની આસપાસ રચાતાં ષડ્યંત્રો અને ફેલાતી અફવાની વિગતો પણ આપવામાં આવી છે.

પુસ્તકના અંશો ન્યૂયોર્ક પોસ્ટ અને ડેઇલી મેઇલમાં પણ પ્રકાશિત થયા હતા. સ્ટોને લખ્યું છે કે હિલેરીનો ઇતિહાસ બિલ પર આચરેલી ઘરેલું હિંસાથી ખરડાયેલો છે. ગુસ્સો આવતાં હિલેરી એકદમ આક્રમક થઈ જઈને ઘણીવાર બિલ પર એશ ટ્રે અને પુસ્તકો પણ ઝિંકી દેતાં હતાં. પોતાના કર્મચારીઓ અને સુરક્ષા સંત્રીઓને પણ ગભરાવી દેતાં હતાં.

 

પુસ્તકમાં જણાવ્યાં મુજબ માર્ચ, ૧૯૯૩માં હિલેરી પોતાની બીમાર માતાની સંભાળ લેવા લીટલ રોકાઈ ગયાં હતાં. ત્યાં તેમને જાણકારી મળી કે ગાયિકા બારબરા સ્ટ્રેસેન્ડ વ્હાઇટ હાઉસમાં બિલને માત્ર મળી નહોતી પરંતુ રાત્રે પણ રોકાઈ હતી. ત્યારે ગુસ્સામાં હિલેરી વિમાનમાર્ગે તાકીદે વ્હાઇટ હાઉસ પહોંચ્યાં હતાં. તે પછી ક્લિન્ટનના ચહેરા પર ઉઝરડાનાં નિશાન જોવા મળ્યાં હતાં.

You might also like