Categories: Sports

હિટ સાબિત થઈ વિરાટ-રવિ શાસ્ત્રીની ફોર્મ્યુલા

કોલંબોઃ ભારત અને શ્રીલંકા વચ્ચે ગઈ કાલથી શરૂ થયેલી શ્રેણીની પ્રથમ ટેસ્ટના પહેલા જ દિવસે ભારતીય ટીમે એ કમાલ કરી દેખાડી, જે પાછલાં પાંચ વર્ષથી જોવા મળી નહોતી. ભારતીય ટીમે પહેલા જ દિવસે લંચ પહેલાં આ ખાસ સફળતા હાંસલ કરી લીધી હતી અને શ્રીલંકાની ટીમને બેકફૂટ પર ધકેલી દીધી છે. અસલમાં પાંચ વર્ષ બાદ કોઈ ટેસ્ટ મેચના પ્રથમ દિવસે લંચ પહેલાં ભારતીય ટીમે અડધી હરીફ ટીમને પેવેલિયનનો રસ્તો દેખાડી દીધો. કેપ્ટન વિરાટ કોહલી અને ટીમ ડિરેક્ટર રવિ શાસ્ત્રીની જોડીએ ટેસ્ટ ટીમમાં પાંચ બોલર્સને રાખવાનો નિર્ણય કર્યો, જે મહેન્દ્રસિંહના વિચારોથી તદ્દન વિપરીત હતો, પરંતુ હવે કદાચ આ ફોર્મ્યુલા સાચી સાબિત થતી દેખાઈ રહી છે. ટીમ ઇન્ડિયાએ શ્રીલંકાનો દાવ પહેલી ઇનિંગ્સમાં ૧૮૩ રનમાં સમેટી દીધો અને દિવસના અંતે ભારતે બે વિકેટ ગુમાવીને ૧૨૮ રન પણ બનાવી લીધા હતા.આજે હવે જો ગાલે ટેસ્ટમાં વરસાદનું વિઘ્ન ના નડે તો ભારત પાસે ટેસ્ટમાં પકડ મજબૂત કરવા ‘વિરાટ’ તક છે. મેચના પ્રથમ દિવસે તો ભારતીય બોલર્સે કમાલ કરી દેખાડી અને ઉત્કૃષ્ટ પ્રદર્શન કર્યું. હવે આજે ટેસ્ટના બીજા દિવસે શાનદાર પ્રદર્શન કરવાનો વારો બેટ્સમેનોનો છે. શ્રીલંકાનો સ્કોર ઘણો નાનો છે. ભારત સરસાઈ મેળવશે એ વાતમાં કોઈ શંકા નથી, પરંતુ એ સરસાઈ જેમ બને તેમ વધુ મોટી હોય એ જોવાનો વારો હવે બેટ્સમેનોનો છે, કારણ કે ગાલેની વિકેટ ધીમી છે. મેચના પહેલા જ દિવસે કુલ બાર વિકેટ પડી, જેમાંથી આઠ વિકેટ સ્પિનર્સ (અશ્વિનની છ વિકેટ, અમિત મિશ્રાની બે વિકેટ)ને મળી છે. હવે જેમ જેમ ટેસ્ટ મેચ આગળ વધતી જશે તેમ તેમ વિકેટ વધુ ધીમી પડશે અને સ્પિનર્સને વધુ ને વધુ મદદગાર બનશે.હવે જો ટીમ ઇન્ડિયા મોટી સરસાઈ હાંસલ કરી લે તો તેણે બીજા દાવમાં બહુ મહેનત કરવી ના પડે. આથી એમ કહી શકાય કે ટીમ ઇન્ડિયાના બેટ્સમેનો માટે આજનો દિવસ ઘણો અગત્યનો બની રહેશે. ભારતીય બેટ્સમેનો સ્પિન બોલિંગ સામે મજબૂત બેટિંગ કરી શકે છે એ વાત આખી દુનિયા જાણે છે. એટલે આજે મેચના બીજા દિવસે જો વરસાદનું વિઘ્ન ના નડે તો ભારતીય બેટ્સમેનો પાસે વિશાળ સ્કોર નોંધાવી શ્રીલંકાના ગળા ફરતેનો ગાળિયો વધુ મજબૂત કરવાની સોનેરી તક છે. ઉલ્લેખનીય છે કે ટીમ ઇન્ડિયા ફક્ત છ બેટ્સમેન સાથે મેદાનમાં ઊતરી છે. આજે બીજા દિવસે એ જોવું દિલચસ્પ બની રહેશે કે ટીમ ઇન્ડિયાની રણનીતિ કેવી રહે છે.

admin

Recent Posts

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

22 mins ago

કેન્દ્ર સરકાર ૧૪ મેગા નેશનલ એમ્પ્લોઈમેન્ટ ઝોનની કરશે રચના

નવી દિલ્હીઃ રોજગાર મોરચે સતત ચોમેરથી ટીકાનો સામનો કરી રહેલ કેન્દ્રની મોદી સરકાર આગામી લોકસભાની ચૂંટણી પૂર્વે એક મોટી યોજના…

34 mins ago

ભરેલાં ટામેટાં બનાવો આ રીતે ઘરે, ખાશો તો આંગળા ચાટતા રહી જશો

બનાવવા માટેની સામગ્રી: લાલ કડક ટામેટાં: ૧૦ જેટલાં નાના ઝીણું ખમણેલું લીલું કોપરું: ૪ ચમચાં આખા ધાણાં: ૪ ચમચા મરીઃ…

44 mins ago

નહેરુનાં કારણે આજે એક ચા વાળો બન્યો દેશનો વડા પ્રધાનઃ શશી થરુર

નવી દિલ્હીઃ કોંગ્રેસનાં નેતા શશી થરુરે વધુ એક વખત વડા પ્રધાન નરેન્દ્ર મોદી સામે નિશાન સાધ્યું છે. શશી થરુરે એક…

2 hours ago

ફિટનેસ અંગે પરિણીતિએ કહ્યું,”ખાણી-પીણીમાં રાખવું પડે છે ખૂબ ધ્યાન”

બોલિવૂડ અભિનેત્રી પરિણી‌તિ ચોપરાએ છ વર્ષની કારકિર્દીમાં જે ફિલ્મો કરી તેમાંથી કેટલીક હિટ રહી તો કેટલીક ફ્લોપ. તાજેતરમાં તેની 'નમસ્તે…

2 hours ago

જલારામ જયંતીઃ ‘જય જલિયાણ’નાં જયઘોષ સાથે વીરપુરમાં ઉમટ્યાં હજારો શ્રદ્ધાળુઓ

પૃથ્વી ઉપર કેટલાંક દિવ્ય આત્મા જ્યારે જન્મ લે છે ત્યારે તેમના અપાર પુણ્યનાં કારણે તથા તેમનાં દિવ્યાત્માનાં કારણે આજુબાજુનું તમામ…

2 hours ago