Categories: Sports

સાનિયા US ઓપનની મધ્યમાં ખેલરત્ન લેવા આવશે

નવી દિલ્હીઃ સાનિયા મિર્ઝાએ નેશનલ સ્પોર્ટ્સ ડેના દિવસે રાષ્ટ્રપતિ ભવનમાં યોજાનારો રાષ્ટ્રીય રમત પુરસ્કાર વિતરણ સમારોહ ફિક્કો પડતો બચાવી લીધો છે. વર્ષના અંતિમ ગ્રાન્ડ સ્લેમ યુએસ ઓપનમાં વ્યસ્ત હોવા છતાં સાનિયાએ રાષ્ટ્રપતિના હસ્તે દેશનો સર્વોચ્ચ રમત પુરસ્કાર ખેલરત્ન લેવા સ્વીકારવા માટે હા પાડી દીધી છે. સાનિયાની મંજૂરી બાદ રમત મંત્રાલયની દ્વિધા દૂર થઈ ગઈ છે. સાનિયા ૨૯ ઓગસ્ટે સીધી યુએસ ઓપનમાંથી નવી દિલ્હી આવશે અને એવોર્ડ લઈને એ જ રાતે ફરીથી ન્યૂયોર્ક જવા રવાના થઈ જશે. સાનિયાની આ વિશેષ યાત્રાનો ખર્ચ રમત મંત્રાલય ઉઠાવશે.સૂત્રો જણાવે છે કે અગાઉ સાનિયાના પરિવાર તરફથી એવું કહેવામાં આવ્યું હતું કે ૩૧ ઓગસ્ટથી યુએસ ઓપન ટૂર્નામેન્ટ શરૂ થઈ રહી છે, જ્યાં સાનિયા મિક્સ અને મહિલા ડબલ્સમાં પોતાનું નસીબ અજમાવવાની છે. ૨૯ ઓગસ્ટના સમારોહમાં સામેલ થઈને ૩૧મીએ યુએસ ઓપનમાં તેના માટે રમવું સંભવ નહીં હોય. જોકે મંત્રાલયને એવું પણ જણાવવામાં આવ્યું હતું કે સાનિયા આ એવોર્ડને રાષ્ટ્રપતિના હસ્તે સ્વીકારવાનો મોકો ગુમાવવા ઇચ્છતી નથી. આ સાથે જ મંત્રાલયે ફરીથી વાતચીત શરૂ કરી. સાનિયાને એવું કહેવામાં આવ્યું કે તે ૨૯મીએ સીધી ન્યૂયોર્કથી દિલ્હી આવે અને એવોર્ડ લઈને પાછી યુએસ રવાના થઈ જાય.
admin

Recent Posts

PM મોદી મેટ્રોમાં પહોંચ્યા IICCની આધારશિલા રાખવા, લોકોએ હાથ મિલાવી લીધી સેલ્ફી

દિલ્હીના આઇઆઇસીસી સેન્ટર (ઇન્ટરનેશનલ કન્વેશન એન્ડ એકસ્પો સેન્ટર)ની આધારશિલા રાખવા માટે વડાપ્રધાન નરેન્દ્ર મોદીએ એકવાર ફરી મેટ્રોમાં સવારી કરી હતી.…

42 mins ago

સ્વદેશી બેલેસ્ટિક મિસાઇલનુ સફળ પરીક્ષણ, દરેક મૌસમમાં અસરકારક

સ્વદેશ વિકસિત અને જમીનથી જમીન પર થોડા અંતર પર માર કરનારી એક બેલિસ્ટિક મિસાઇલનું આજરોજ ભારે વરસાદ વચ્ચે ઓડિશાના તટીય…

2 hours ago

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

2 hours ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

3 hours ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

3 hours ago